The Phnom Penh Post Search

Search form




Logo of Phnom Penh Post newspaper Phnom Penh Post - ប្រតិបតិ្តការ​រូបិយប័ណ្ណ​ឌីជីថល​កំពុង​មាន​វត្តមាន​នៅ​កម្ពុជា

ប្រតិបតិ្តការ​រូបិយប័ណ្ណ​ឌីជីថល​កំពុង​មាន​វត្តមាន​នៅ​កម្ពុជា

លោក Steve Menger ម្ចាស់​ហាង​កាហ្វេ​ដែល​ដាក់​ដំណើរការ​រូបិយប័ណ្ណ BitCoin។
លោក Steve Menger ម្ចាស់​ហាង​កាហ្វេ​ដែល​ដាក់​ដំណើរការ​រូបិយប័ណ្ណ BitCoin។ រូបថត Bennett Murray

ប្រតិបតិ្តការ​រូបិយប័ណ្ណ​ឌីជីថល​កំពុង​មាន​វត្តមាន​នៅ​កម្ពុជា

ចុងផ្លូវ​៣៦០ ដែល​មាន​ភោជនីយដ្ឋាន និង​ហាង​លក់​ទំនិញ​តាម​ផ្ទះ​ធម្មតា ដូចជា​ហាង​រាប់រយ​កន្លែង​ផ្សេង​ទៀត​នៅ​ទីក្រុង​ភ្នំពេញ​ដែរ ផ្តត់ផ្គង់​អ្នក​នៅ​ក្បែរ​នោះ​នូវ​កាហ្វេ ឬ​បបរ​។

តែ​ភោជនីយដ្ឋាន​សាមញ្ញ​នេះ សរសេរ​កំណត់ហេតុ​នៅ​ចុង​សន្លឹក​អំពី​ប្រវត្តិ​ពាណិជ្ជកម្ម​កម្ពុជា​ក្នុង​ខែ​នេះ នៅពេល​ដែល​វា​ក្លាយ​ជា​រឿង​ដំបូង​នៅ​ព្រះរាជាណាចក្រ​មួយ​នេះ ដែល​ទទួល​យក​ការ​ទូទាត់​ប្រាក់​តាមរយៈ​រូបិយប័ណ្ណ​ឌីជីថល BitCoin​។

លោក Steve Menger ម្ចាស់​ហាង​កាហ្វេ Coin Café បាន​សើច​ហើយ​ថ្លែង​ថា​៖ «​ប្តីប្រពន្ធ​មួយ​គូ ដែល​ខ្ញុំ​បាន​ជួប​លើ​បណ្តាញ​សង្គម Reddit ទទួលទាន​កាហ្វេ​ពីរ​កែវ​អស់​តែ​៥​ពាន់​រៀល​ទេ​។ នៅពេល​នោះ ៥​ពាន់​រៀល​មាន​តម្លៃ​ស្មើ​នឹង​០,០០៣៣​នៃ​មួយ BitCoin​។

ទន្ទឹម​នឹង​នោះ​ដែរ​វត្តមាន​របស់ BitCoin នៅ​កម្ពុជា​ស្ទើរតែ​គ្មាន​ទាល់តែ​សោះ ក្រុម​ការងារ​តូច​មួយ ដែល​ភាគច្រើន​ជា​ជនបរទេស បាន​ប្តូរ​រូបិយប័ណ្ណ crypto-currency នេះ ទៅ​ជា​ជម្រើស​ដ៏ល្អ​មួយ​ដូចជា​ប្រាក់​ដុល្លារ ឬ​ប្រាក់រៀល​។

លោក Menger បាន​បន្ត​ថា​៖​«​កម្មវិធី​ត្រូវ​បាន​ធ្វើ​វិមជ្ឈការ ហើយ​កិច្ចសហប្រតិបត្តិការ​កំពុង​កើតឡើង​នៅ​ជុំវិញ​ពិភពលោក ខ្ញុំ​យល់​ថា រូបិយប័ណ្ណ BitCoin គឺជា​អនាគត​»​។

រូបិយប័ណ្ណ BitCoin ដែល​ជា​រូបិយប័ណ្ណ​ដំបូង​ដែល​ត្រូវ​បាន​បង្កើតឡើង​នៅ​ឆ្នាំ​២០០៩ ដោយ​ក្រុម​មិន​ស្គាល់​អត្តសញ្ញាណ​មួយ​ក្រុម ឬ​ហៅថា « Satoshi Nakamoto» គឺជា​រូបិយប័ណ្ណ​អនឡាញ​ដែល​បាន​ធ្វើ​វិមជ្ឈការ​ទាំង​ស្រុង​មួយ ដោយ​ពុំ​មាន​ការ​គ្រប់គ្រង​ផ្ទាល់​ដោយ​ទីភ្នាក់ងារ​និយតកម្ម​ណា​មួយ​ទេ​។ ការ​ប្រើប្រាស់​កម្មវិធី​នេះ មាន​ឈ្មោះ​ថា កាបូប​លុយ​ឌីជីថល អ្នក​ប្រើប្រាស់​អាច​ប្រគល់​រូបិយប័ណ្ណ BitCoins នេះ ឲ្យ​អ្នក​ប្រើប្រាស់​ផ្សេង​ទៀត ដោយ​ផ្ទាល់​ជំនួស​ឲ្យ​ការ​ប្រើប្រាស់​សេវាកម្ម​របស់​ភាគី​ទី​បី​។ ដើម្បី​ធានា​ពី​តម្លាភាព​នៃ​ការ​ប្រើប្រាស់ រាល់​ប្រតិបត្តិការ​ទាំងអស់ ត្រូវ​បាន​កត់ត្រា​ទុក​នៅលើ​សៀវភៅ​កត់ត្រា​គណនេយ្យ​សាធារណៈ​មួយ ដែល​ពុំ​បាន​បង្ហាញ​អត្តសញ្ញាណ​របស់​បុគ្គល​ម្នាក់ៗ​តាមរយៈ​ឈ្មោះ​នោះ​ទេ​។

ហាង​កាហ្វេ​របស់​លោក Steve Menger។
ហាង​កាហ្វេ​របស់​លោក Steve Menger។ ម៉ៃ វីរៈ

កាស​ទាំងនោះ អាច​ទិញ​ពី​អ្នកប្រើប្រាស់​ផ្សេង​ទៀត ឬ​តាម​ការ​ប្តូរប្រាក់ BitCoin ដែល​តាមដាន​តម្លៃ​ទីផ្សារ​រូបិយប័ណ្ណ​។ នៅ​ត្រឹម​ថ្ងៃ​ព្រហស្បតិ៍​សប្តាហ៍​មុន អត្រា​ប្តូរប្រាក់​នៃ BitCoin មួយ​ក្នុង​តម្លៃ ៣៥៣,២ ដុល្លារ​អាមេរិក​។ នៅ​តាម​តំបន់​មួយ ចំនួន រូបិយប័ណ្ណ crypto-currency ក៏​ត្រូវ​បាន​ទិញ​តាមរយៈ​ការ​ដាក់​សាច់ប្រាក់​នៅក្នុង​ម៉ាស៊ីន​អេធីអឹម​ពិសេស​របស់ BitCoin ផង​ដែរ​។

លោក Grant Knuckey អគ្គនាយក​ក្រុមហ៊ុន ANZ Royal Bank បាន​ថ្លែង​ថា ដោយ​គ្មាន​ការ​គាំទ្រ​ពី​រដ្ឋាភិបាល ដែល​តាម​ធម្មតា​ផ្តល់​ជូន​ដោយ​ធនាគារជាតិ បាន​ធ្វើឲ្យ​រូបិយប័ណ្ណ BitCoin ក្លាយ​ជា​ចំណាប់​អារម្មណ៍​របស់​អ្នក​ប្រើប្រាស់​។

លោក Knuckey បាន​ថ្លែង​ថា​៖​«​តែ​វា​ពិតជា​មាន​ទស្សនវិស័យ​ច្រើន​ជាង​រូបិយប័ណ្ណ​មួយ​។ វា​ពិតជា​គំនិត​ដ៏គួរ​ឲ្យ​ចាប់​អារម្មណ៍​កាន់តែ​ខ្លាំង​នៅក្នុង​សង្គម​ជាក់ស្តែង​នៅ​កម្ពុជា​។

លោក​បាន​បន្ត​ថា​៖«​ចាប់​តាំងពី​រូបិយប័ណ្ណ​នេះ បាន​បង្ហាញ​ខ្លួន​នៅ​កម្ពុជា​កាលពី​ពីរ​បី​ខែ​មុន​នេះ​មក ខ្ញុំ​ពុំទាន់​ឃើញ​មាន​ភ័ស្តុតាង​នៃ​ការ​ទិញ​រូបិយប័ណ្ណ BitCoin នៅ​ទី​នេះ​ទេ យើង​ពិតជា​ពុំ​បាន​ឃើញ​ភ័ស្តុតាង​ដោយ​ផ្ទាល់​នៃ​កំណើន​ប្រើប្រាស់ ឬ​ទទួល​យក​រូបិយប័ណ្ណ​នេះ​មែន​»​។ តែ​នៅ Coin Café ការ​ទិញ​អាច​ទូទាត់​តាមរយៈ​ទូរស័ព្ទ​ដៃ​តាមរយៈ​ការ​ថត​លេខកូដ QR code ដែល​ដាក់​នៅលើ​ជញ្ជាំង និង​ប្រើប្រាស់​កាបូប​លុយ​ឌីជីថល ដើម្បី​ផ្ទេរ​ប្រាក់កាស​ទៅក្នុង​គណនី​របស់​អ្នក​លក់​។

លោក Menger ទទួល​ស្គាល់​ថា ហាងកាហ្វេ​ដែល​បាន​បើក​ដំណើរការ​កាលពី​ខែ​មុន​នេះ អាច​នឹង​ក្លាយ​ជា​មជ្ឈមណ្ឌល​សម្រាប់​ជួញដូរ​រូបិយប័ណ្ណ BitCoin​។ ទន្ទឹម​នឹង​នោះ​ដែរ រដ្ឋាភិបាល​នៅ​ពុំទាន់​បាន​ហាមឃាត់​ការ​ប្រើប្រាស់​រូបិយប័ណ្ណ BitCoin នេះ​នៅ​ឡើយ​ទេ ដោយ​ធនាគារ​ជាតិ​នៃ​កម្ពុជា បាន​ប្រកាស​កាលពី​ខែ​មីនា​ថា ខ្លួន​នឹង​មិន​ទទួល​ស្គាល់​រូបិយប័ណ្ណ crypto-currency ទេ​។

លោក​បាន​បន្ត​ថា​៖ «​កត្តា​ជំរុញ​សំខាន់​ចំពោះ​រូបិយប័ណ្ណ​នេះ គឺ​គ្រាន់តែ​ជា​ហាង​កាហ្វេ​ក្នុង​ស្រុក​មួយ​ប៉ុណ្ណោះ ហើយ​រូបិយប័ណ្ណ BitCoin កំពុង​ក្លាយ​ជា​ចំណាប់​អារម្មណ៍​មួយ​»​។

កាស BitCorn។
កាស BitCorn។ រូបថត AFP

តែ​លោក​សង្ឃឹម​ថា គេហទំព័រ​របស់​លោក bitcambodia.com នឹង​ក្លាយ​ជា​វិធីសាស្ត្រ​ដ៏​មាន​ប្រសិទ្ធភាព​មួយ​នៃ​ការ​នាំ​ចេញ​ទំនិញ​កម្ពុជា​នៅ​ទូទាំង​ពិភពលោក តាមរយៈ​ការ​ទូទាត់​ប្រាក់​ជា​រូបិយប័ណ្ណ BitCoin​នេះ​។ អាជីវកម្ម​នៅ​ពុំទាន់​បាន​ជោគជ័យ​ទេ លោក​នៅ​មិន​ទាន់​បាន​លក់​អ្វី​ដែរ តែ​លោក​សង្ឃឹម​ថា ក្រុមហ៊ុន​កម្ពុជា​ផ្សេង​ទៀត នឹង​ស្គាល់​វា​ក្នុង​ពេល​ដ៏ខ្លី​ខាង​មុខ​នេះ​។

លោក Ki Chong Tran អ្នកជំនាញ​ផ្នែក​បោះពុម្ព​3D វ័យ​២៦​ឆ្នាំ នៅ​ភ្នំពេញ បាន​ថ្លែង​ថា លោក​សង្ឃឹម​ថា BitCoin នឹង​មាន​ប្រជាប្រិយភាព​ជាង​ប្រព័ន្ធ​ធនាគារ​ធម្មតា​នៅ​កម្ពុជា​ច្រើន ពោល​គឺជា​មធ្យោបាយ ដែល​ទូរគមនាគមន៍​ចល័ត បាន​វ៉ា​ដាច់​ទូរគមនាគមន៍​តាម​ខ្សែកាប​នៅ​ទសវត្សរ៍​ឆ្នាំ​១៩៩០​។ ពាណិជ្ជកម្ម​តាម​អ៊ីនធឺណិត (E-Commerce)​ដែល​បច្ចុប្បន្ន​មាន​តិចតួច​នៅ​កម្ពុជា អាច​ត្រូវ​បាន​ផ្លាស់ប្តូរ មុន​បច្ចេកវិទ្យា PayPal បង្ហាញ​ខ្លួន​។

លោក Tran មាន​ប្រសាសន៍​ថា​៖​«​នៅ​ប្រទេស​អភិវឌ្ឍន៍ មាន​ប្រព័ន្ធ​ធនាគារ​ល្អ​ស្រាប់​ទៅ​ហើយ ចំណែក​នៅ​ទី​នេះ​វិញ​ពុំ​សូវ​មាន​ទេ​។ កម្មករ​ចំណាក​ស្រុក​នៅ​តាម​ទីក្រុង​នានា នឹង​មាន​ភាព​កាន់តែ​ងាយស្រួល​ថែម​ទៀត​ក្នុង​ការ​ផ្ទេរប្រាក់​មក​ផ្ទះ​ឲ្យ​គ្រួសារ​របស់​ខ្លួន​ដោយ​ប្រើប្រាស់ BitCoin នេះ​»​។

តែ​លោក BitCoin ទទួល​ស្គាល់​ថា ការ​ខិតខំ​ប្រឹងប្រែង​របស់​លោក​ទាំងអស់ ការ​សន្សំ BitCoin របស់​លោក អាច​បាត់បង់​តែ​មួយ​យប់​»​។

លោក​បាន​បន្ត​ថា​៖ «​ខ្ញុំ​ជា​មនុស្ស​ច្បាស់លាស់​ណាស់ ខ្ញុំ​យល់​ថា​វា​អាច​បាត់បង់​ក្នុង​រយៈពេល​តែ​ប៉ុន្មាន​នាទី​តែ​ប៉ុណ្ណោះ​។ តែ​វា​អាច​មាន​សក្តានុពល​ខ្ពស់ ហើយ​ខ្ញុំ​នៅ​ក្មេង ដូច្នេះ​ខ្ញុំ​អាច​ប្រថុយ​បាន​»​។

បើ​ទោះ​ជា BitCoin ពិតជា​បរាជ័យ​មែន​នោះ លោក Tran បាន​ថ្លែង​ថា រូបិយប័ណ្ណ crypto-currency ផ្សេង​ទៀត នឹង​មក​ជំនួស​កន្លែង​របស់​វា​។

លោក បាន​មាន​ប្រសាសន៍​ថា​៖«​ខ្ញុំ​ពិតជា​យល់​ថា​វា​គេច​មិន​ផុត​នោះ​ទេ ហើយ​មិន​ថា​វា​ជា BitCoin ឬ​ជា​អ្វី​ផ្សេង​ទៀត​នោះ​ទេ វា​មិនមែន​ជា​បញ្ហា​ចោទ​នោះ​ឡើយ​»៕ BP

អត្ថបទគួរចាប់អារម្មណ៍