The Phnom Penh Post Search

Search form




Logo of Phnom Penh Post newspaper Phnom Penh Post - ស៊ីរ៉េ ម៉ា និង​អតីត​គូ​ស្នេហ៍​ថត​វីដេអូ​សិច

ស៊ីរ៉េ ម៉ា និង​អតីត​គូ​ស្នេហ៍​ថត​វីដេអូ​សិច

តារាភាព​យន្ត​ហុងកុង​នាង សុីរ៉េ​ ម៉ា ​ស្រក់​ទឹក​ភ្នែកក្នុង​សន្និសីទ​កាសែតស្តី​ពី​រឿង​រ៉ាវវីដេ​អូ សិច និងរូបនាង​ ជាមួយគូ​ស្នេហ៍ដែល​ពាក់​ព័ន្ធ​ នាង ហ្ស៊ី​ឈី។
តារាភាព​យន្ត​ហុងកុង​នាង សុីរ៉េ​ ម៉ា ​ស្រក់​ទឹក​ភ្នែកក្នុង​សន្និសីទ​កាសែតស្តី​ពី​រឿង​រ៉ាវវីដេ​អូ សិច និងរូបនាង​ ជាមួយគូ​ស្នេហ៍ដែល​ពាក់​ព័ន្ធ​ នាង ហ្ស៊ី​ឈី។

ស៊ីរ៉េ ម៉ា និង​អតីត​គូ​ស្នេហ៍​ថត​វីដេអូ​សិច

បន្ទាប់ពី​វីដេអូ​របស់​នាង​ស៊ីរ៉េ ម៉ា ដែល​កំពុង​តែ​រាំ​ក្នុង​ឈុត​លីអូ​នៅ​លើ​អ៊ីនធឺណិត​នាង​បាន​និយាយ​បញ្ឆិត​ថា​នាង ត្រូវ​បាន​ក្បត់​ចិត្ត​ដោយ​គូស្នេហ៍​ដែល​បាន​ទម្លាយ​វីដេអូ​ទាំងអស់​នោះ។

ដោយ​រាយការណ៍​ប្តឹង​ប៉ូលិស និង​ធ្វើ​សន្និសីទ​កាសែត​មួយ នាង​ស៊ីរ៉េ បាន​និយាយ​ថា នាង​បាន​ស្រឡាញ់​និង​ទុកចិត្ត​លើ​មនុស្ស​មិន​ត្រឹមត្រូវ។

ប៉ុន្តែ​អតីត​គូស្នេហ៍​ដែល​ស្រឡាញ់​ភេទ​ដូចគ្នា​របស់​នាង គឺ​នាង​វ៉ាង ហ្ស៊ីឈី​បាន​លើក​ឡើង​ផ្សេង​ទៅ​វិញ ដោយ​ហៅ​នាង​ស៊ីរ៉េ​ថា ជា​មនុស្ស​កុហក​ក្បត់​រហូត។ ស្ត្រី​អ្នក​ជំនួញ​ដីគោក​រូប​នោះ បាន​លាត​ត្រដាង​បន្ថែម​ទៀត​ថា នាង និង​នាង​ស៊ីរ៉េ បាន​ថត​វីដេអូ​សិច​មួយ ជាមួយ​គ្នា។

តើ​នាង​ស៊ីរ៉េ ម៉ា ដឹកនាំ​ថត វីដេអូ​ក្តៅ​សាច់​ដោយ​ខ្លួន​ឯង​ផ្ទាល់​ឬ?

នាង​ហ្ស៊ីឈី បាន​ទម្លាយ​ថា វីដេអូ​ឈុត​លីអូ​នោះ ត្រូវ​បាន​ថត​ដោយ​កាមេរ៉ា​របស់​ស៊ីរ៉េ វា​ផ្ទុយ​នឹង​ការ​អះអាង​មុន​នេះ​របស់​តារា​សម្តែង​រូប​នេះ​ដែល​ថា​នាង​មិន​បាន​ថត​វីដេអូ​ខ្លួន​ឯង​ទេ។ នាង​ហ្ស៊ីឈី បាន​អះអាង​ថា​វា​គឺជា​គំនិត​ផ្ទាល់​របស់​នាង​ស៊ីរ៉េ​ដែល​ស្លៀក​ឈុត​លី​អូ​លេង​បិទ​ពួន​នោះ នៅ​ទីណាត់​ជួប​សណ្ឋាគារ​អាថ៌កំបាំង​មួយ​ក្នុង​ក្រុង​ស៊ាងហៃ។

Content image - Phnom Penh Post

សម្ព័ន្ធភាព​ស្នេហា​របស់​ពួក​គេ​ត្រូវ​បាន​រក្សា​ជា​សម្ងាត់ ចាប់​តាំង​ពី​ស៊ីរ៉េ​ត្រូវ​បាន​គេ​ដឹង​ថា​ជាប់​ពាក់ព័ន្ធ​នឹង​នាង​ហ្ស៊ីឈី ដែល​បាន​រៀបការ​ជា មួយ​ស្ត្រី​ចិន​ដី​គោក ដែល​មាន​ទ្រព្យសម្បត្តិ​ស្តុកស្តម្ភ​នាង ឡូរ៉ា លី។

នាង​ហ្ស៊ីឈី បាន​រៀបរាប់​ថា៖«រាត្រី​នោះ​នៅ​ក្រុង​ស៊ាងហៃ ស៊ីរ៉េ​បាន​សួរ​ខ្ញុំ​ថា តើ​ខ្ញុំ​អាច​ទៅ​សណ្ឋាគារ ជាមួយ​នាង​បាន​ទេ បន្ទាប់​ពី​ចប់​ការងារ? នាង​បាន​និយាយ​ថា នាង​មាន​ការ​ភ្ញាក់ផ្អើល​សម្រាប់​ខ្ញុំ។ ពេល​ខ្ញុំ​ចូល​ដល់​ក្នុង​បន្ទប់​ភ្លាម នាង​បាន​ស្លៀក​ឈុត​ក្នុង​នោះ​រួច​ជា​ស្រេច។ នាង​បាន​ប្រាប់​ខ្ញុំ​ថា នាង​បាន​រាំ​នៅ​ក្នុង​ពិធី​បវរកញ្ញា​ក្រុង​ហុងកុង និង​ចង់​បង្ហាញ​ខ្ញុំ​ពី​ក្បាច់​រាំ​របស់​នាង»។

នាង​ហ្ស៊ីឈី​ភ័យ​ខ្លាច​ថា វីដេអូ​មិន​សមរម្យ​រួម​គ្នា​របស់​ពួក​គេ​នេះ នឹង​ត្រូវ​លេច​ធ្លាយ​ជា​សាធារណៈ។ ដោយ​ត្រូវ​បាន​សួរ​ថា​តើ​នាង​និង​នាង​ស៊ីរ៉េ​ធ្លាប់​បាន​ថត​វីដេអូ​សិច និង​រូបថត​សិច​ជាមួយ​គ្នា​ទេ នាង​ហ្ស៊ីឈី បាន និយាយ​ថា៖«ចាស! មាន​រូបថត​កម្រិត​ខ្ពស់​របស់​យើង​ក្នុង​កាមេរ៉ា​របស់​នាង ដូច្នេះ​ហើយ​ទើប​ខ្ញុំ​ភ័យ​ខ្លាច​រូបថត​របស់​ខ្ញុំ​ផ្ទាល់ ត្រូវ​បាន​គេ​បង្ហាញ​ជា​សាធារណៈ»។

ថ្វី​បើ​នាង​ស៊ី​រ៉េ បាន​បន្ត​ផ្ញើ​រូបថត​អាក្រាត​របស់​នាង​ផ្ទាល់​ទៅ​ឲ្យ​ហ្ស៊ី​ឈី តាម​គេហទំព័រ​WeChat ក្តី ក៏​ហ្ស៊ី​ឈី បាន​លុប​រូបថត​ទាំង​នោះ ចោល​ក្រោយពី​បែក​បាក់​គ្នា។

នាង​ស៊ី​រ៉េ ម៉ា កុហក​ពី​ការផឹក​ហ្ស៊ី​ឈី ក៏បាន​រក​ឃើញ​ថា វា​ជា​រឿង​គួរ​ឲ្យ​អស់​សំណើច​ណាស់ ដែល​នាង​ស៊ី​រ៉េ បាន​អះអាងថា​នាង​ស្ថិត​នៅ​ក្រោម​ឥទ្ធិពល​ស្រា​នៅ​ក្នុង​វីដេអូ​ស្លៀក​ឈុត​លី​អូ​នោះ ដោយ​ហេតុ​ថា នាង​មិន​ដែល​ផឹក​ស្រា​ទេ​ក្នុង​ទំនាក់ទំនង​ស្នេហា​៣ខែ​របស់​ពួក​គេ ។

នាង​ស៊ីរ៉េ ធ្លាប់​បាន​ផ្ញើ​អត្ថបទ សារ​ស្នេហា​ជា​ច្រើន​ទៅ​ឲ្យ​សិល្បករ​ប្រុស​ហុងកុង​ជើង​ចាស់​ម្នាក់ វ័យ​ជាង​៥០​ឆ្នាំ ហើយ​ដោយ​សារ​បញ្ហា​នោះ ស្ត្រី​ទាំង​ពីរ​បាន​ទះ​កំផ្លៀង​គ្នា​ក្នុង​ជម្លោះ​មួយ។នាង​ហ្ស៊ីឈី បន្ថែ​មថា នាង​មិន​ខ្លាច​ការ​ស៊ើប​អង្កេត​របស់​ប៉ូលិស​លើ​ករណី​វីដេអូ​ដែល​លេច​ធ្លាយ​នេះ​ទេ ព្រោះ​នាង​ពុំបាន​ធ្វើ្វ​អ្វី​ខុស​ឡើយ។ ដោយ​ហេតុ​ថា ពេលនេះ​នាង​ហ្ស៊ីឈី ត្រូវ​ជាប់​សង្ស័យ​ជា​អ្នក​ដែល​បាន​ទម្លាយ​វីដេអូ​ឈុត​លី​អូ​របស់​នាង​ស៊ីរ៉េ នាង​ហ្ស៊ីឈី មាន​អារម្មណ៍​ថា វា​សំខាន់​ណាស់​ចំពោះ​នាង​ដើម្បី​លុប​លាង​ឈ្មោះ​នាង ព្រោះ​វា​ទាក់ទិន​បញ្ហា​ផ្លូវ​ច្បាប់។

វិប្បដិសារី ដ៏​ធំ​បំផុត​របស់​នាង​ហ្ស៊ី​ឈី គឺ​ការ​លែងលះ​ដែល​កំពុង​រង់ចាំ​ជាមួយ​នាង​ឡូ​រ៉ា ដោយសារ​តែ​ការពាក់ព័ន្ធ​របស់​នាង​ស៊ី​រ៉េ៕

អត្ថបទគួរចាប់អារម្មណ៍