.jpg)
សាលា SCIA ព្យាយាមនាំការអប់រំស្តង់ដាសឹង្ហបុរីសម្រាប់សិស្សានុសិស្សកម្ពុជា។
សាលាអន្តរជាតិសិង្ហបុរី (SCIA) ព្យាយាមនាំមកនូវការអប់រំស្តង់ដាសិង្ហបុរីដែលមានគុណភាពខ្ពស់មកកាន់រាជធានីភ្នំពេញ។ ដើម្បីសម្រេចបាននូវគោលដៅនេះយើងត្រូវបន្តអនុវត្តយុទ្ធសាស្ត្រល្អៗដែលរួមចំណែកដល់ភាពជោគជ័យនៃប្រព័ន្ធអប់រំរបស់សិង្ហបុរី។
កត្តាជោគជ័យសំខាន់មួយគឺផ្តោតលើទស្សនៈវែងឆ្ងាយចំពោះការអប់រំរបស់កុមារគ្រប់រូប។
ចំណុចនេះគឺពាក់ព័ន្ធនឹងការកសាងប្រព័ន្ធអេកូដែលឪពុកម្តាយសិស្សានុសិស្ស និងសាលារៀនត្រូវធ្វើការរួមគ្នាឲ្យបានជិតស្និទ្ធ។ គ្រូបង្រៀនរបស់សាលា SCIA សហការជាមួយឪពុកម្តាយដើម្បីរៀបចំផែនការសម្រាប់ដំណើរសិក្សារបស់សិស្សដោយរៀបចំពួកគេឱ្យបានល្អសម្រាប់ដំណាក់កាលសិក្សានីមួយៗ និងធានាថាពួកគេត្រៀមខ្លួនបានល្អបំផុត ដើម្បីវិវឌ្ឍន៍ទៅរកការជ្រើសរើសសាកលវិទ្យាល័យ និងអាជីពដែលពួកគេពេញចិត្ត។
ក្នុងអំឡុងពេលវិស្សមកាល វាចាំបាច់ណាស់សម្រាប់សិស្សានុសិស្សត្រៀមខ្លួនសម្រាប់ឆ្នាំសិក្សាថ្មី។ ការវិលត្រឡប់ទៅកាន់សាលារៀនវិញអាចពិបាកបន្តិចសម្រាប់សិស្សដែលមានទម្លាប់នៅផ្ទះ ជាពិសេសការបិទសាលាដោយសារជំងឺកូវីដ១៩។ នេះគឺជាការណែនាំមួយចំនួនដែលសាលា SCIA ចង់ចែករំលែក ដើម្បីយើងរួមគ្នាធ្វើការរៀបចំផែនការ និងត្រៀមខ្លួនទុកជាមុនឱ្យបានល្អដើម្បីជួយកូនៗរបស់លោកអ្នកឆ្ពោះទៅរកមាគ៌ានៃជម្រើសរបស់ពួកគេ។
រៀបចំផែនការទុកជាមុន៖ យកគោលដៅជាចំណុចចាប់ផ្តើមនៃការគិត។ ណែនាំកូនរបស់លោកអ្នកឱ្យកំណត់គោលដៅ SMART (ដែលជាក់លាក់អាចវាស់វែងបានអាចសម្រេចបាន មានការទាក់ទង និងទាន់ពេលវេលា) និងរៀបចំដំណើររបស់ពួកគេប្រចាំឆ្នាំ។ គោលដៅនេះគួរតែមានលក្ខណៈគ្រប់ជ្រុងជ្រោយ៖ ក្រៅពីចំណាត់ថ្នាក់សិក្សា គួរតែមានចំណុចសំខាន់ៗសម្រាប់ការរីកចម្រើនផ្ទាល់ខ្លួន និងការអភិវឌ្ឍអត្តចរិត។ គោលដៅ SMART ផ្តល់ឱ្យកូនអ្នកនូវអត្ថន័យ ការលើកទឹកចិត្ត និងហេតុផលដើម្បីចេះតស៊ូនៅពេលមានរឿងលំបាកកើតឡើង។
រៀបចំឱ្យបានល្អ៖ ជាមួយនឹងគោលដៅដែលបានកំណត់ វាដល់ពេលដែលត្រូវធ្វើសកម្មភាព។ នៅមុនចាប់ផ្តើមឆមាសថ្មីត្រូវប្រាកដថា កូនរបស់អ្នកមានសម្ភារសិក្សាគ្រប់គ្រាន់។ រៀបចំកន្លែងសិក្សានៅផ្ទះមានទម្លាប់សិក្សា ហើយចាប់ផ្តើមអនុវត្តយ៉ាងហោចណាស់ ២ សប្តាហ៍មុនពេលចាប់ផ្តើមឆមាសថ្មី។ សម្រាប់សិស្សដែលផ្លាស់ទៅសាលាថ្មី ប្រសិនបើអាចត្រូវស្គាល់ពីបរិស្ថានជុំវិញ និង គ្រូថ្មី។ ការរៀនសូត្រពេញមួយជីវិតគឺជាការចាំបាច់។
វឌ្ឍនភាពឆ្ពោះទៅរកផ្លូវនៃជម្រើស៖ ពេលវិស្សមកាលគឺជាពេលវេលាដ៏ល្អសម្រាប់ឆ្លុះបញ្ចាំងសម្រាប់ភាពស្រស់ស្រាយ និងស្វែងរកចំណង់ចំណូលចិត្តរបស់មនុស្សម្នាក់ៗ។ ចំណុចនេះទាក់ទងជាពិសេសជាមួយសិស្សវិទ្យាល័យដែលកំពុងស្ថិតក្នុងដំណាក់កាលគិតអំពីអនាគតសាកលវិទ្យាល័យ និងមាគ៌ាអាជីពរបស់ពួកគេ។ បុគ្គលិកសិក្សារបស់សាលា SCIA បានធ្វើការយ៉ាងជិតស្និទ្ធជាមួយសិស្សានុសិស្សនៅក្នុងដំណើរការស្វែងយល់អំពីខ្លួនឯង និងពន្យល់ណែនាំពួកគេអំពីជម្រើសនៃការសិក្សា។ យើងប្រើវិធីសាស្ត្រ «3D4L» ដើម្បីជួយសិស្សឱ្យចេះស្វែងរក បង្កើត និងសម្រេចចិត្ត (3D) តាមរយៈការរៀនសូត្រ (4L) បន្ថែមទៀតអំពី (1) ចំណាប់អារម្មណ៍របស់ពួកគេ (2 ) សេចក្តីប្រាថ្នា (3) ជំនាញ និងទេពកោសល្យ និង (៤) ឱកាស។
រៀបចំផែនការត្រៀមខ្លួន និងវិវឌ្ឍជាមួយសាលា SCIA ។ នៅក្នុងឆ្នាំសិក្សាខាងមុខសាលា SCIA នឹងបើកវគ្គបណ្តុះបណ្តាលគ្រប់ជ្រុងជ្រោយបន្ថែម សិក្ខាសាលាសម្រាប់ឪពុកម្តាយ និង «3D4L» សិក្ខាសាលាស្តីពីការអប់រំ និងអាជីព ដើម្បីបង្កើតប្រព័ន្ធអេកូនៃសាលាអន្តរជាតិ K12 របស់យើង។ យើងជឿជាក់ថា តាមរយៈការរៀបចំផែនការ ត្រៀមខ្លួន និងវឌ្ឍនភាព សិស្សនឹងត្រូវបានបំពាក់នូវជំនាញ និងលក្ខណសម្បត្តិចាំបាច់ដើម្បីទទួលបានជោគជ័យសម្រាប់អនាគតរបស់ពួកគេ។ ចាប់ដៃគូជាមួយយើងដើម្បីផ្តល់នូវការអប់រំដ៏ល្អបំផុតសម្រាប់កូនរបស់លោកអ្នក៕
