The Phnom Penh Post Search

Search form




Logo of Phnom Penh Post newspaper Phnom Penh Post - ការ​បែកខ្ញែក​នៅ​ក្នុង​​ក្រុម Barca




ការ​បែកខ្ញែក​នៅ​ក្នុង​​ក្រុម Barca

Content image - Phnom Penh Post
លោក Koeman មាន​ទឹក​មុខ​មិន​សប្បាយ​ចិត្ត ពេល​ក្រុម Barca ចាញ់ Atletico ១-០ កាលពីថ្ងៃសៅរ៍។ AFP

ការ​បែកខ្ញែក​នៅ​ក្នុង​​ក្រុម Barca

ម៉ា្រឌីដ៖ ពេល​នេះ​ស្ទើរ​តែ​គ្មាន​អ្នក​ចងចាំ Lionel Messi ទៅ​ហើយ​ ហើយ​គួប​ផ្សំ​នឹង​ការ​រង​​បរាជ័យ​ដ៏​កម្រ​នឹង​កើត​មាន​របស់​ក្រុម Barcelona ក្រោម​ថ្វី​ជើង​របស់​ Atletico Madrid កាល​ពី​ថ្ងៃ​សៅរ៍​ទៀត​នោះ វា​ធ្វើ​ឱ្យ​កើត​មាន​ចម្ងល់​រឹត​តែ​ច្រើន​ឡើង​ចំពោះ​ទិសដៅ​នៃ​គម្រោង​ផែនការ​របស់​លោក Ronald Koeman។​

ក្រុម Atletico មិន​ធ្លាប់​ឈ្នះ​ក្រុម​ Barca ឡើយ សម្រាប់​ប្រកួត​ក្នុង​លីគ​តាំង​តែ​ពី​ឆ្នាំ ​២០១០ តែ​ជ័យជម្នះ ១-០ នៅ​កីឡដ្ឋាន​ Wanda Metropolitano វា​ជា​ការ​អះអាង​ដ៏​សម​ហេតុផល​​ថា ពួក​គេ​ គឺ​ជា​ក្រុម​ប្រជែង​ពាន​ដ៏​ពិត​ប្រាកដ និង​ជា​ក្រុម​ ដែល​មាន​សិទ្ធិ​ឈ្នះ​ពាន​ក្របខ័ណ្ឌ​ La Liga ដោយ​ឥត​សង្ស័យ​នា​ពេល​នេះ​។​

សម្រាប់​ក្រុម​ Barca ដែល​ឈរ​នៅ​លេខ ១២ ជាមួយ​នឹង ១១ ពិន្ទុ បើ​ទោះ​នៅ​សល់ ១ ឬ ២ ប្រកួត នៅ​ក្នុង​ដៃ ប្រៀប​ជាមួយ​នឹង​ក្រុម​នៅ​ពី​លើ​ក៏​ដោយ ក៏​លទ្ធផល​ដ៏​អាក្រក់​ថ្មី​ៗ ពោល​គឺ​ការ​ចាញ់​ជា​លើក​ទី​៣ ក្នុង​ចំណោម​ការ​ប្រកួត ៨ លើក​ ក្នុង​លីគ​បាន​រុញ​ក្រុម​ឱ្យ​ធ្លាក់​ទៅ​ក្នុង​វិបត្តិ​កាន់​តែ​ជ្រៅ អម​មក​ជាមួយ​នឹង​ការ​មាន​របួស​ធ្ងន់​ធ្ងរ​របស់ Gerard Pique ដែល​នាំ​ឱ្យ​លោក​គ្រូបង្វឹក Koeman សល់​តែ​ខ្សែ​ការពារ​កណ្ដាល​ ដែល​មាន​សុខភាព​ល្អ​ម្នាក់​ប៉ុណ្ណោះ​។​

តែ​អ្វី​ដែល​ជា​ការ​បារម្ភ​បន្ថែម​ទៀត គឺ​ការ​ដឹង​ថា Barca ​របស់​លោក Koeman នា​ពេល​នេះ ហាក់​ដូច​ជា​បាត់បង់​វិញ្ញាណ​បាត់​ទៅ​ហើយ ពោល​គឺ​អត់​មាន​ទាំង​ភាព​ពិសេស​របស់​ក្រុម​ឱ្យ​បាន​ច្បាស់​លាស់ ឬ​ក៏​ការ​បង្កើត​នូវ​មហិច្ឆតា​ឡើង​វិញ​ ដោយ​រឿង​ទាំង ២ ហ្នឹង​ ​គេ​យល់​ថា កើត​ឡើង​ក្រោយ​ការ​តែងតាំង​គ្រូបង្វឹក​ថ្មី​។​

«​ដូច​គ្រូបង្វឹក​ដទៃ​ដែរ ខ្ញុំ​ជា​អ្នក​ទទួល​ខុស​ត្រូវ​ទាំង​ស្រុង​។ យើង​ត្រូវ​តែ​ធ្វើ​ឱ្យ​បាន​​លទ្ធផល​ប្រសើរ​ជាង​នេះ​។ យើង​ត្រូវ​តែ​ធ្វើ​ឱ្យ​ប្រសើរ​ទាំង​តំបន់​ការពារ និង​ប្រយុទ្ធ ហើយ​​ក្រោយ​ពី​នោះ ខ្ញុំ​មិន​អាច​ធ្វើ​អ្វី​លើស​ពី​ហ្នឹង​ឡើយ​»​។ នេះ​ជា​សម្ដី​របស់​លោក Koeman កាល​ពី​ថ្ងៃ​សៅរ៍។​

Koeman អាច​កំពុង​កែ​លម្អ​ក្រុម តែ​ក្រុម​ណា​មួយ​ក្នុង​លោក​នឹង​អាច​លៃ​​ចន្លោះ​ទុក​ឱ្យ​កីឡាករ​ដូច​ជា Messi, Antoine Griezmann, Ousmane Dembele, Frenkie de Jong, Jordi Alba, Pique និង Marc-Andre ter Stegen​។

យ៉ាង​ណា ការ​កែ​ប្រែ គឺ​ត្រូវ​ការ​ការ​ប្ដេជ្ញា​ចិត្ត និង​មាន​ភាព​ជា​អ្នក​ដឹកនាំ​ខ្ពស់ ហើយ​បញ្ហា​ដ៏​ធំ​បំផុត ដែល​ត្រូវ​បាន​គេ​ចាប់​អារម្មណ៍​នោះ ​គឺ​ការ​មិន​ចុះ​សម្រុង​គ្នា រវាង​លោក Koeman និង​កីឡាករ​ប្រធាន​ក្រុម​​ Messi ដែល​ហាក់​អស់​មនោសញ្ចេតនា​ជាមួយ​ក្រុម​ខ្លាំង​ទៅ ព្រោះ​បាន​សុំ​ក្លិប​ចាកចេញ​នៅ​ដើម​រដូវកាល។

បើ​បុរស​ហូឡង់​ Koeman វ័យ ៥៧ ​ឆ្នាំ មិន​អាច​មាន​ទំនាក់ទំនង​ប្រសើរ​​វិញ​ជាមួយ​ Messi ដែល​ចូល​លេង​ម្ដងៗ ហាក់​ដូច​គ្មាន​កម្លាំង​កំហែង នោះ​ប្រហែល​ជា​​ការ​​បោះ​ឆ្នោត​ជ្រើសរើស​​ប្រធាន​ក្លិប​ថ្មី​ក៏​មាន​ន័យ​ថា អាច​មាន​អ្នក​ចាត់​ការ​ក្រុម​ថ្មី​ផង​ដែរ ដោយ​កិច្ចការ​ទាំង​នោះ​នឹង​កើត​មាន​ភ្លាមៗ​នៅ​រដូវក្ដៅ​ឆ្នាំ​​ក្រោយ ជាពេល​ដែល Messi អាច​​ដើរ​ចេញ​ពី​ក្រុម​ដោយ​ឥត​តម្លៃ​ខ្លួន​​ដែរ​។​​

រាល់​ការ​ផ្លាស់​ប្ដូរ​នឹង​​នាំ​ឱ្យ​មាន​ការ​វឹកវរ​ជានិច្ច​ ហើយ​ការ​កែ​ប្រែ​របស់​លោក Koeman អាច​ជា​ ១ ក្នុង​ចំណោម​បញ្ហា​វឹកវរ​ទាំង​នោះ​៕ AFP/VN

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ