The Phnom Penh Post Search

Search form




Logo of Phnom Penh Post newspaper Phnom Penh Post - ការ​ប៉ះ​ជាមួយ Liverpool កើត​​ចំ​ពេល​វេលាល្អឥតខ្ជោះ​របស់​ Man Utd




ការ​ប៉ះ​ជាមួយ Liverpool កើត​​ចំ​ពេល​វេលាល្អឥតខ្ជោះ​របស់​ Man Utd

Content image - Phnom Penh Post
លោក Solskjaer (ស្ដាំ) កំពុងនិយាយ​ជាមួយ​កីឡាករ Cavani អំឡុង​ការ​ប្រកួត ដែល​ Man United ឈ្នះ Burnley ១-០ កាល​ពី​អង្គារ​។

ការ​ប៉ះ​ជាមួយ Liverpool កើត​​ចំ​ពេល​វេលាល្អឥតខ្ជោះ​របស់​ Man Utd

ក្រុងប៊ឺនលី​: លោក Ole Gunnar Solskjaer អ្នក​ចាត់​ការ​របស់​ក្រុម​បិសាច​ក្រហម Manchester United បាន​និយាយ​ថា កា​រធ្វើដំណើររបស់​ក្រុម​លោក ទៅ​ទឹក​ដី​ក្រុម​ការ​ពារ​តំណែង​ជើងឯក Liverpool នៅ​ថ្ងៃ​អាទិត្យ​នេះ មិន​អាច​កើត​ឡើង​នៅ​ពេល​ណា ដែល​ប្រសើរ​ជាង​នេះ​ទេ ក្រោយ​​ក្រុម​របស់​ខ្លួន បាន​ឡើង​ទៅ​ឈរទី​​កំពូល​តារាងក្រប​ខ័ណ្ឌ Premier League ជា​លើក​ដំបូង ក្នុង​រយៈ​ពេល ៣ ឆ្នាំ​។

ការ​ស៊ុត​របស់​ខ្សែ​បម្រើ​សញ្ជាតិ​បារាំង Paul Pogb ដែល​ប៉ះ​កីឡាករ​របស់​ក្រុម​គូប្រជែង​ ហើយ​ចូល​ទី បាន​ជួយ​ឱ្យ​ក្រុម​ Man United ឈ្នះ​ក្រុម Burnley ប្រផិត​ប្រផើយ ១-០ កាល​ពី​ថ្ងៃ​អង្គារ ដើម្បី​បាន​ឡើង​ទៅ​លេខ ១ ជាមួយ​នឹង​ការ​​នាំ​មុខ​ដាច់ ៣​ពិន្ទុ​លើ​ក្រុម​គូប្រជែង​ស្លាប់​រស់ Liverpool ដែល​​មិន​ឈ្នះ​សោះ ក្នុង​ចំណោម​ការ​ប្រកួត​នៅ​លីគ ៣​លើក​ចុង​ក្រោយ​របស់​ខ្លួន​។

«​វា​ជា​រឿង​អស្ចារ្យ​មែន​ទែន ដែល​ឡើង​ដល់​ទីតាំង​នេះ​»​។ នេះ​ជា​សម្ដី​ប្រកប​ដោយ​ភាពរីក​រាយ​របស់​លោក Solskjaer ដែល​អនាគត​របស់​ខ្លួន​ជា​អ្នក​ចាត់​ការ ត្រូវ​ស្ថិត​ក្រោម​សម្ពាធ​ នា​​ពេល​​​ប៉ុន្មាន​ខែកន្លង​ទៅ ក្រោយ​ពី​ដឹក​នាំ​ក្រុម​ទទួល​បាន​លទ្ធផល​មិន​សូវ​ល្អ នៅ​ពេល​ចាប់​ផ្ដើម​រដូវកាល និង​ក្រោយ​ពី​ធ្លាក់​ចេញ​ពី​ក្រប​ខ័ណ្ឌ​​ Champions League ត្រឹម​វគ្គ​សន្សំពិន្ទុ​តាម​ពូល​។

គ្រូ​បង្វឹក​សញ្ជាតិ​ន័រវែសបាន​បន្ត​ថា​៖ «​យើង​ដឹង​ថា យើង​នឹង​ត្រូវ​ទៅ​ជួប​ក្រុម​ជើង​ឯក​។ ពួក​គេ​មាន​នូវរយៈ​ពេល​ដ៏​អស្ចារ្យ ប្រមាណ​ជា​ ៣ រដូវកាលកន្លះ ហើយ​យើង​ដឹង​ថា នោះ​ជា​ការ​ប្រកួត​ដ៏​តាន​តឹង​មួយ តែ​យើង​ត្រៀម​ខ្លួន​រួច​រាល់​ហើយ​»​។​​

លោក​ Solskjaer បន្ថែម​ទៀត​ថា​៖ «​យើង​មិន​អាច​ធ្វើ​ដំណើរទៅ​ប្រកួត​នៅ​ទីនោះ​ឱ្យ​ល្អ​ជាង​ពេល​នេះ​ទៀត ព្រោះ​យើង​កំពុង​មាន​ទម្រង់​លេង​ល្អ ពោល​គឺ​កំពុង​លេង​ស៊ី​ចង្វាក់​គ្នា និង​ពេញ​ដោយ​ថាម​ពល ដែល​កូន​ក្រុម​ទាំង​អស់​ចង់​ឱ្យ​ល្អ​ប្រសើរ​ជាង​នេះ ហើយ​ប្រកួត​នេះ គឺ​ជា​តេស្ត​សាក​ល្បង​ម្ដង​ទៀត​សម្រាប់​ពួក​គេ​»​ មុន​ប៉ះ​​គ្នា ​នៅ​ថ្ងៃ​អាទិត្យ​នេះ ក្រុម​ Man United និង Liverpool ឈរ​នៅ​លេខ ១ និង​លេខ ២ បន្ត​បន្ទាប់​គ្នា ដោយមាន ៣៦​ ពិន្ទុ និង ៣៣ ពិន្ទុ ក្រោយ​ប្រកួត​បាន ១៧​ សប្ដាហ៍​ដូច​គ្នា​៕ AFP/VN

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ