The Phnom Penh Post Search

Search form

ក្រុម​កាយវប្បកម្ម ស្រក់​ទឹកភ្នែក​ពេល​នាំ​មេដាយ​មាស​ដល់​កម្ពុជា

Content image - Phnom Penh Post
ក្បួនដង្ហែម្ចាស់​មេដាយ​មាស ប្រាក់ និង​សំរឹទ្ធ ពីការ​ប្រកួត​កីឡា​កាយវប្បកម្ម​​ជើង​ឯក​ពិភពលោក។ ស្រេង ម៉េងស្រ៊ុន

ក្រុម​កាយវប្បកម្ម ស្រក់​ទឹកភ្នែក​ពេល​នាំ​មេដាយ​មាស​ដល់​កម្ពុជា

ភ្នំពេញៈ ក្រុម​កីឡា​កាយវប្បកម្ម​កម្ពុជា បាន​នាំយក​មេដាយ​មាស ប្រាក់ និង​សំរឹទ្ធ ពីការ​ប្រកួត​កីឡា​កាយ​វប្បកម្ម​ជើងឯក​ពិភពលោក លើក​ទី ៩ ឆ្នាំ ២០១៧ នៅ​ទីក្រុង Ulan Bator ប្រទេស​ម៉ុងហ្គោលី មក​ដល់​មាតុប្រទេស​វិញ កាល​ពី​រសៀល​ម៉ោង ៣ ថ្ងៃ​ពុធ។

សម្រាប់ការ​មក​ដល់​កម្ពុជា​វិញ​នេះ​ម្ចាស់​មេដាយ​មាស សំបូរ ណាន ព្រមទាំង​កីឡាករ តឹក ប៊ុនវី ដែល​ដណ្តើម​បាន​មេដាយ​ប្រាក់ និង ណុំ សុបិន្ត ដែល​ឈ្នះ​បាន​មេដាយ​សំរឹទ្ធ ត្រូវ​បាន​រាជរដ្ឋាភិបាល អនុញ្ញាត​រៀបចំ​ឲ្យ​មាន​ក្បួន​ដង្ហែ​យ៉ាង​អធឹក​អធម អម​ដោយ​ម៉ូតូ​ធំ ១២ គ្រឿង ដោយ​ចេញ​ដំណើរ​ពី​ព្រលាន​យន្តហោះ​អន្តរជាតិ​ភ្នំពេញ មក​កាន់​ទីស្នាក់ការ NOCC ហើយ​ការ​ដង្ហែ​ក្បួន​នេះ ធ្វើឲ្យ​ម្ចាស់​មេដាយ​មាស​ពិភពលោក មាន​អារម្មណ៍​រំជួលចិត្ត​យ៉ាងខ្លាំង​រហូតដល់​ស្រក់​ទឹកភ្នែក។

កីឡាករ សំបូរ ណាន បាន​និយាយ​ថា៖ «ខ្ញុំ​រំភើប​ខ្លាំង​រហូត​ស្រក់​ទឹកភ្នែក ព្រោះ​យើង​មិន​រំពឹង​ថា យើង​ធ្វើ​បាន ហើយ​បាន​ជិះឡាន​អម​ដោយ​ម៉ូតូ​ធំ ១២ គ្រឿង​បែប​នេះ​នោះ​ទេ គឺវា​ជា​កិត្តិយស​ធំ​បំផុត​ចំពោះ​ពួក​ខ្ញុំ ហើយ​ខ្ញុំ​សូម​អរគុណ​ដល់​ក្រសួង​អប់រំ យុវជន​និង​កីឡា និង NOCC ដែល​បាន​ចំណាយ​ពេល​ចាំ​ទទួល​ស្វាគមន៍​ពួកយើង»។

អ្នកលេង​សាច់ដុំ ដែល​ធ្លាប់​ធ្វើជា​កម្មករ​នៅ​ប្រទេស​ថៃ សំបូរ ណាន បាន​បន្ថែម​ថា៖ «ពួកខ្ញុំ​បាន​ស្រក់​ទឹកភ្នែក​ម្តង​ហើយ នៅ​ពេល​បានឮ​ភ្លេងជាតិ និង​ទង់ជាតិ​របស់​ប្រទេស​យើង ត្រូវ​បាន​បង្ហូត​ឡើង ក្នុង​ពេល​បំពាក់​មេដាយ នៅ​ប្រទេស​ម៉ុងហ្គោលី ព្រោះ​យើង​បាន​ធ្វើវា​តំណាង​ឲ្យ​ប្រទេសជាតិ»។

សំបូរ ណាន ដែល​ធ្លាប់​ឈ្នះ​មេដាយ​សំរឹទ្ធ ការប្រកួត​ជើងឯក​ពិភពលោក កាល​ពី​ឆ្នាំ ២០១៥ ដែរ​នោះ បាន​បញ្ជាក់​ថា៖ «ការ ហ្វឹកហាត់​កីឡា​កាយ​វប្បកម្ម​នេះ មានការ​លំបាក​ខ្លាំង​ណាស់ និង​ត្រូវ​ចំណាយ​ច្រើន ប៉ុន្តែ​ពួក​ខ្ញុំបាន​ចំណាយ​ពេល​ហាត់​អស់​ពេល ១០ ឆ្នាំ​មក​ហើយ ទម្រាំ​យើង​ដណ្តើម​បាន​មេដាយមាស​ពិភពលោក​យក​មក​ជូន​ប្រទេសជាតិ នៅ​ពេលនេះ»៕

អត្ថបទគួរចាប់អារម្មណ៍

  • សណ្ឋាគារ​ប្រណីត​នៅ​កោះរ៉ុង បើក​ជា​ផ្លូវការ

    ភ្នំពេញៈ សណ្ឋាគារ​ដ៏ប្រណីត Royal Sands នៅលើ​កោះរ៉ុង​របស់​លោក គិត ម៉េង បាន​បើក​ដំណើរការ​ជា​ផ្លូវការ​កាលពី​ថ្ងៃ​ម្សិលមិញ ដែល​គេ​រំពឹង​ថា​នឹង​ទាក់ទាញ​ភ្ញៀវទេសចរ​កាន់តែ​ច្រើន​។

  • ដំរី​ដែល​ចូល​ចម្ការ​អ្នក​ភូមិ​បាន​គេច​ទៅ​ភ្នំ​ដងរែក

    ឧត្តរមានជ័យៈ ក្រុម​មន្ត្រី​បាន​និយាយ​ថា​សត្វ​ដំរី​ញី​មួយ​ក្បាល​ដែល​បាន​ចូល​លុកលុយ​ក្នុង​ចម្ការ​អ្នកភូមិ​រំដួល​ចាស់ ឃុំ​អម្ពិល ស្រុក​បន្ទាយ​អម្ពិល ខេត្ត​ឧត្តរមានជ័យ​កាលពី​ព្រឹក​ថ្ងៃ​អាទិត្យ​នោះ​បាន​គេច​ខ្លួន​ចូល​ទៅ​ក្នុង​តំបន់​ជួរ​ភ្នំ​ដងរែក​វិញ​ហើយ ខណៈ​ដែល​ក្រុម​មន្ត្រី​ជំនាញ​បរិស្ថាន និង​អាជ្ញាធរ​កំពុង​បន្ត​ឃ្លាំ​មើល​ពី​ដំណើរ​របស់​វា​។

  • ព្រះមហាក្សត្រ​អំពាវនាវ​ឲ្យ​ធានា​ការពារ​យុត្តិធម៌​ និង គោរព​សិទ្ធិ​មនុស្ស

    ភ្នំពេញៈ ក្រោយពី​ឈ្នះ​អាសនៈ​ទាំង​ ៥៨ ដោយ​មិន​មាន​អតីត​បក្ស​សង្គ្រោះ​ជាតិ​ដែល​ជា​គូប្រកួត​ដ៏ស័ក្តិសម​នឹង​គ្នា​សម្រាប់​ការបោះឆ្នោត​ព្រឹទ្ធសភា​ពី​ខែ​កុម្ភៈ គណបក្ស​កាន់​អំណាច​ដែល​ទទួល​ជ័យជម្នះ​បាន​បន្ត​គ្រប់គ្រង​ស្ថាប័ន​នីតិប្បញ្ញត្តិ​ជាថ្មី​ដោយ​បើក​សម័យប្រជុំ​លើក​ដំបូង នីតិកាល​ទី​ ៤ ​នៃ​ព្រឹទ្ធសភា​ពី​ម្សិលមិញ​ក្រោម​ព្រះរាជាធិបតីភាព​ព្រះមហាក្សត្រ​ព្រះបាទ​សម្តេច​ព្រះនរោត្តម សីហមុនី ដែល​ព្រះអង្គ​អំពាវនាវ​ឲ្យ​មាន​ការធានា​ការពារ​យុត្តិធម៌ និង​គោរព​សិទ្ធិ​មនុស្ស និង​រួម​សាមគ្គី​គ្នា​ជា​ធ្លុង​មួយ​។

  • នាយក​រដ្ឋមន្ត្រី​បញ្ជា​ឲ្យ​ដកហូត​កោះ​ ៣០ ​មក​វិញ និង​ឲ្យ​ពិនិត្យ​អ្នក​នៅ​ពី​ក្រោយ​ការទន្ទ្រាន​យក​ដី

    ព្រះសីហនុៈ លោក​នាយករដ្ឋមន្ត្រី ហ៊ុន សែន បាន​បញ្ជា​ឲ្យ​ដកហូត​កោះ​ដែល​មិន​បាន​អភិវឌ្ឍ​ប្រមាណ​ ៣០ ​មក​វិញ​ ខណៈ​អត្តសញ្ញាណ​របស់​ម្ចាស់​ក្បាល​ដី​ចំនួន​ ៥៨៤ ​ដែល​មាន​ទាំង​មន្ត្រី​មាន​អំណាច​កំពុង​ត្រូវបាន​ពិនិត្យ​រឿង​នៅ​ពី​ក្រោយ​ខ្នង​ការកាប់​ទន្ទ្រាន​យក​ដី​ដ៏ក្តៅគគុក​នៅ​កោះរ៉ុង ហើយ​មន្ត្រី​ជាន់ខ្ពស់​ខ្លះ​នឹង​មិន​ត្រូវ​ឲ្យ​ចូលរួម​បង្កើត​រដ្ឋាភិបាល​ថ្មី​នៅ​​អាណត្តិ​ក្រោយ​ឡើយ​។