The Phnom Penh Post Search

Search form




Logo of Phnom Penh Post newspaper Phnom Penh Post - ក្រុម​Valencia​និង​ក្រុម​Sociedad ត្រូវ​ការ​ឈ្នះ​ដើម្បី​ដណ្តើម​លេខ​រៀង​ទី​៤

ក្រុម​Valencia​និង​ក្រុម​Sociedad ត្រូវ​ការ​ឈ្នះ​ដើម្បី​ដណ្តើម​លេខ​រៀង​ទី​៤

ក្រុម​Valencia​និង​ក្រុម​Sociedad ត្រូវ​ការ​ឈ្នះ​ដើម្បី​ដណ្តើម​លេខ​រៀង​ទី​៤

130516_25
កីឡាករ Alvaro Negredo (ឆ្វេង) របស់ Sevilla ដណ្តើមបាល់ជាមួយ Antoine Gri-ezmann របស់ Sociedad អំឡុងការប្រកួត La Liga កាលពីឆ្នាំ២០១១ AFP

ភ្នំពេញ: ​ការ​ប្រកួត​បាល់ទាត់ La Liga របស់​អេស្ប៉ាញ​ក្នុង​រដូវកាល​នេះ ជិត​ចូល​ដល់​ទី​បញ្ចប់​ហើយ ខណៈ​នៅ សល់​តែ​ពីរ​ប្រកួត​ទៀត​ប៉ុណ្ណោះ ដោយ​ក្រុម Barcelona​បាន​ក្លាយ​ជា​ជើងឯក​បន្ទាប់​ពី​ឈ្នះ​ក្រុម Atletico រីឯ​ក្រុម​Real Madrid លេង​ស្មើ​1-1​នៅ​ទឹក​ដី​ក្រុម Espanyol ។

សម្រាប់​ជុំ​ទី​៣៦​ចុង​សប្តាហ៍​នេះ ក្រុម​Barcelona ទទួល​ស្វាគមន៍​ក្រុម​Valla dolid ដោយ​មិន​ខ្វល់​ពី​លទ្ធផល​ខណៈ​ដែល​ក្រុម Sociedad និង Valencia លេង​នៅ​ក្រៅ​ផ្ទះ​រៀង​ៗ​ខ្លួន​ដើម្បី​ដណ្តើម​យក​លេខ​រៀង​ទី​៤។ នៅ​ឯ​បាត​តារាង​ក្រុម​ដែល​ប្រឹង​រស់​គឺ​មាន​ក្រុម​Zaragoza ទទួល​ភ្ញៀវ​ក្រុម​Bilbao, ក្រុម​Deportivo ត្រូវ​ការ​ឈ្នះ​ក្រុម Espanyol ហើយ​ក្រុម​Osasuna ត្រូវ​ការ​ពិន្ទុ​នៅ​ទឹក​ដី​នៃ​ក្រុម Granada។ ខាង​ក្រោម​នេះ គឺ​ជា​ការ​វិភាគ​ចំនួន​៤​គូ របស់​ភ្នំពេញ​ប៉ុស្តិ៍​៖

Getafe v Valencia

18/05/2013 ម៉ោង 23:00

ក្រុម Getafe ជា​ក្រុម​កណ្តាល​តារាង​ប៉ុន្តែ​ពួកគេ​លេង​មិន​ទៀងទាត់​ទេ។ ពួកគេ​ចាញ់​ក្រុម Malaga 2-1 ប៉ុន្តែ​បាន​យក​ឈ្នះ Sociedad 2-1 វិញ មុន​ពេល​ចាញ់​ក្រុម Osasuna 1-0 ក្នុង​ការ​ប្រកួត​ចុង​ក្រោយ។ ទោះ​ជា​យ៉ាង​ណា នៅ​ក្នុង​ផ្ទះ​ពួកគេ​លេង​គួរ​សម។

- បី​ប្រកួត​របស់ Getafe

28/04/13 Malaga 2-1 Getafe

07/05/13 Getafe 2-1 Sociedad

12/05/13 Osasuna 1-0 Getafe

ក្រុម​Valencia កំពុង​ឈរ​នៅ​លេខ​៤ មាន​៥៤៩​ពិន្ទុ​ស្មើ​នឹង​ក្រុម​Sociedad ដែល​នៅ​លេខ​៥ ដូច្នេះ​ពួកគេ​ត្រូវ​ការ​បី​ពិន្ទុ​ពេញ​ពី​ការ​ប្រកួត​នេះ​ទោះ​ជា​នៅ​ក្រៅ​ផ្ទះ​ក៏​ដោយ​។ បន្ទាប់​ពី​ចាញ់​ក្រុម​Sociedad ក្នុង​លទ្ធផល 4-2 ក្រុម​Valencia ក៏​បាន​យក​ឈ្នះ​ក្រុម Osasuna 4-0 មុន​ពេល​ឈ្នះ​4-0​នៅ​ផ្ទះ​របស់​ក្រុម​Vallecano ជា​លើក​ចុង ក្រោយ។ ដូច្នេះ​នៅ​រាត្រី​នេះ​ពួកគេ​នឹង​លេង​ជាមួយ​ទំនុក​ចិត្ត​ខ្ពស់។

- បី​ប្រកួត​របស់ Valencia

29/04/13 Sociedad 4-2 Valencia

04/05/13 Valencia 4-0 Osasuna

12/05/13 Val'cano 0-4 Valencia

- ជំនួប​បី​លើក​ចុង​ក្រោយ

29/10/11 Valencia 3-1 Getafe

25/03/12 Getafe 3-1 Valencia

22/12/12 Valencia 4-2 Getafe

Sevilla v Sociedad

18/05/2013 ម៉ោង 03:00 am

ក្រុម​Sevilla លេង​មិន​សូវ​ល្អ​ទេ​រដូវកាល​នេះ ប៉ុន្តែ​ពួកគេ​ចូល​មក​កាន់​ការ​ប្រកួត​នេះ បន្ទាប់​ពី​លេង​មិន​អាច​ផ្តួល​បាន​បី​ប្រកួត។​ពួកគេ​លេង​ស្មើ 1-1 នៅ​ផ្ទះ​ក្រុម​Valladolid រួច​ក៏​វាយ​បក​យក​ឈ្នះ​ក្រុម​Espanyol 3-0 មុន​ពេល​បញ្ចប់​ក្នុង​លទ្ធផល​ស្មើ 0-0 នៅ​ផ្ទះ​របស់​ក្រុម​Malaga ជា​ចុង​ក្រោយ។ នៅ​ក្នុង​ផ្ទះ​ខ្លួន​ឯង​បើ​ទោះ​បី ពួក​គេ​កំពុង​សង្ឃឹម​ថា មិន​ចាញ់​ការ​ប្រកួត​នេះ​ក៏​ដោយ ប៉ុន្តែ​ពួកគេ​ត្រូវ​ទទួល​ភ្ញៀវ​ក្រុម Sociedad ដែល​ត្រូវ​ការ​ពិន្ទុ​ដើម្បី​រក្សា​ក្តី​សង្ឃឹម​ទៅ​លេង​ក្នុង​ក្របខ័ណ្ឌ Champions League នៅ​រដូវកាល​ក្រោយ​។

- បី​ប្រកួត​របស់ Sevilla

29/04/13 Valladolid 1-1 Sevilla

05/05/13 Sevilla 3-0 Espanyol

13/05/11 Malaga 0-0 Sevilla

ក្រុម Sociedad នៅ​តែ​មាន​ឱកាស លេង​នៅ​អឺរ៉ុប​រដូវកាល​ក្រោយ បើ​សិន​ជា​ពួកគេ​ឈ្នះ​ការ​ប្រកួត​និង​អាច​គ្រប់គ្រង​លេខ​រៀង​ទី​៤។ ពួកគេ​បាន​យក​ឈ្នះ​ក្រុម​Valencia 4-2 ប៉ុន្តែ​ចាញ់​Getafe 2-1​មុន​ពេល​ស្មើ ២-២ ក្រុម​Granada ចុង​ក្រោយ។ ជាមួយ​មហិច្ឆតា​នៅ​ចំពោះ មុខ​គេ​ជឿថា ក្រុម​នេះ​នឹង​មិន​ធ្វើ​ឲ្យ​ភ្លាត់​ស្នៀត​ដូច​ពេល​ជួប Granada ឡើយ​។

- បី​ប្រកួត​របស់ Sociedad

29/04/13 Sociedad 4-2 Valencia

07/05/13 Getafe 2-1 Sociedad

27/04/13 Sociedad 2-2 Granada

-ជំនួប​បី​លើក​ចុង​ក្រោយ

18/09/11 Sevilla 1-0 Sociedad

14/02/12 Sociedad 2-0 Sevilla

12/12/12 Sociedad 2-1 Sevilla

Levante v Vallecano

19/05/2013 ម៉ោង 17:00

ក្រុម Levante មាន​សុវត្ថិភាព​ហើយ​ថ្វី​បើ​នៅ​លេខ​រៀង​ទី​១៣។ ប៉ុន្តែ​ពួកគេ​ជា​ក្រុម​ខ្លាំង​គួរ​សម​នៅ​ក្នុង​ផ្ទះ និង​មិន​ស្គាល់​បរាជ័យ​សោះ​ក្នុង​ចំណោម​ពីរ​ប្រកួត។ ពួកគេ​ចាញ់​ក្រុម​Celta 0-1 ប៉ុន្តែ​លេង​ស្មើ1-1នៅទឹក​ដី​Mallorca មុន​ពេល​លេង ស្មើ 0-0​ជាមួយ​នឹង​ក្រុម Zaragoza។ ពួកគេ​នឹង​ចូល​មក​កាន់​ការ​ប្រកួត​នេះ​ក្រោយ​ពី​បញ្ចប់​ក្នុង​លទ្ធផល​ស្មើ 0-0 ជាមួយ​នឹង​ក្រុម​ភ្ញៀវ Zaragoza​កាល​ពី​ពាក់​កណ្តាល​សប្តាហ៍​។

- បី​ប្រកួត​របស់ Levante

27/04/13 Levante 0-1 Celta

05/05/13 Mallorca 1-1 Levante

11/05/13 Levante 0-0 Zaragoza

ក្រុម​Vallecano ជា​ក្រុម​ល្អ​ជាង ប៉ុន្តែ​ពួកគេ​លេង​ក្រៅ​ផ្ទះ​មិន​ល្អ​ទេ។ ពួកគេ​លេង​ស្មើ​2-2 នៅ​ពេល​ជួប​ជាមួយ​នឹង​ក្រុម​Osasuna និង​បាន​ចាញ់​ក្រុម Zaragoza 3-0 មុន​ពេល​បន្ត​ចាញ់​ក្រុម​Valenvia ក្នុង​លទ្ធផល 0-4 ទៀត។ ការ​លេង​មិន​ឈ្នះ​ផ្ទួន​ៗ​គ្នា​ដូច្នេះ កីឡាករ​ពិតជា​គ្មាន​ទំនុក​ចិត្ត​នោះ​ឡើយ ហើយ​ខ្សែ​ការពារ​ក៏​មាន​បញ្ហា​ទៀត។

- បី​ប្រកួត​របស់ Vallecano

26/04/13Vallecano2-2 Osasuna

05/05/13Zaragoza 3-0 Val'cano

19/02/13 Val'cano 0-4 Valencia

- ជំនួប​បី​លើក​ចុង​ក្រោយ

22/09/11 Val'cano 1-2 Levante

20/02/12 Levante 3-5 Val'cano

21/12/12 Val'cano 3-0 Levante

Barcelona v Valladolid

19/05/2013 ម៉ោង 02:00 am

ក្រុម​Barcelona ពុំ​មាន​អ្វី​ត្រូវ​លេង​ដើម្បី​ក្រៅ​តែ​ពី​ដើម្បី​មោទនភាព​នៅ​ក្នុង​ទឹក​ដី​ខ្លួន​ប៉ុណ្ណោះ​។ បន្ទាប់​ពី​ចាញ់​ក្រុម Bayern​3-0​នៅ​ជើង​ទី​ពីរ​ក្នុង​ក្របខ័ណ្ឌ​ឆេមពានលីក ក្រុម Barcelona ក៏​បាន​យក​ឈ្នះ​ក្រុម​Betis 4-2 និង​យក​ឈ្នះ​2-1 នៅ​ទឹក​ដី​របស់​ក្រុម Atletico ជា​ចុង​ក្រោយ​ដើម្បី​ឈ្នះ​ពាន​រង្វាន់​ជើងឯក​ក្នុង​លីក​នេះ។ នៅ​ក្នុង​ផ្ទះ​ពួកគេ​លេង​បាន​យ៉ាង​ល្អ ហើយ​ដើម្បី​អ្នក​គាំទ្រ​របស់​ពួកគេ ក្រុម​យក្ស​មួយ​នេះ គួរ​តែ​អាច​ផ្តល់​នូវ​ភាព​រីករាយ​ផ្សេង​ៗ​ជា​មិន​ខាន​។

- បី​ប្រកួត​របស់ Barcelona

01/05/13 Barcelona 0-3 Bayern

05/05/13 Barcelona 4-2 Betis

27/04/13 Atletico 1-2 Barcelona

Valladolid គឺ​មាន​សុវត្ថិភាព​សម្រាប់​រដូវកាល​ក្រោយ​ហើយ។ បី​ប្រកួត​ចុង​ក្រោយ​ក្រុម​នេះ​លេង​ស្មើ 1-1 ជាមួយ​ក្រុម Sevilla ប៉ុន្តែ​ចាញ់​ក្រុម​Real Madrid 4-3 មុន​ពេល​យក​ឈ្នះ​Deportivo 1-0 ក្នុង​ការ​ប្រកួត​ចុង​ក្រោយ។

- បី​ប្រកួត​របស់ Valladolid

29/04/13 Valladolid 1-1 Sevilla

11/05/13 Real M. 4-3 Valladolid

11/05/13 Val'dolid 1-0 Deportivo

- ជំនួប​បី​លើក​ចុង​ក្រោយ

24/01/10 Valladolid 0-3 Ba'lona

17/05/10 Ba'lona 4-0 Valladolid

23/12/12 Valladolid 1-3 Ba'lona

ចំណែក​ឯ​ការ​ប្រកួត​ផ្សេង​ទៀត​មាន

18/05/13

Granada v Osasuna - 01:00 am

19/05/13

Deportivo v Espanyol - 22:00

Zaragoza v Bilbao - 24: 00

អត្ថបទគួរចាប់អារម្មណ៍