The Phnom Penh Post Search

Search form




Logo of Phnom Penh Post newspaper Phnom Penh Post - ក្រុម Real M.,Sevilla រំពឹង​ឈ្នះរីឯ Barca ជួប Villarreal

ក្រុម Real M.,Sevilla រំពឹង​ឈ្នះរីឯ Barca ជួប Villarreal

ក្រុម Real M.,Sevilla រំពឹង​ឈ្នះរីឯ Barca ជួប Villarreal

ភ្នំ​ពេញ: ក្រុម Real Madrid និង​ក្រុម​ Sevilla ត្រូវ​បានគេ​រំពឹងថា​ឈ្នះ នៅ​ជុំទី ២១ នៃបាល់​ទាត់​អេស្ប៉ាញ La Ligaនា ចុងសប្តាហ៍នេះ ព្រោះ​ពួក​គេទទួល​ភ្ញៀវ ក្រុម​ដែល​តូចជាង Sociedad និង​ក្រុម Espanyol រៀងៗ​ខ្លួន ខណៈ Atletico ត្រូវ​ធ្វើ​ដំណើរ​ទៅ​លេង​នៅ​ទឹក​ដី​ក្រុម​Eibar ដែលកំពុង​ធ្លាក់​ជើង​​។

ដោយ​ឡែក​ក្រុម Barcelona នឹងបើក​ទទួល​ភ្ញៀវ​ក្រុម Villarreal ខណៈដែល​ក្រុម​ Malaga ​ទទួល​ភ្ញៀវ​ក្រុម​ Valencia នៅរាត្រីថ្ងៃអាទិត្យ។ ខាង​​ក្រោម​នេះ គឺ​ជា​​ការ​​វិភាគ​៤ប្រ​កួត​ពី​ភ្នំ​ពេញ​ ប៉ុស្តិ៍។

Real Madrid v Sociedad
31/1/2015 ម៉ោង 22:00

ក្រុម Real Madrid ជាក្រុមខ្លាំង​​បំផុត​ក្នុងផ្ទះស៊ុតបាល់ចូលទី១៧គ្រាប់ របូត​វិញ​តែ២គ្រាប់ថ្មីនេះ។ អ្វីដែលពិ​សេស​នោះ គឺ ខ្សែ​ការ​ពារ​របស់​ក្រុម​នេះរឹង​មាំណាស់​ ហើយ​ពួក​គេ​ចូល​មក​កាន់​ការ​ប្រ​កួត​នេះ បន្ទាប់​ពី មិន​អាច​ផ្តួល​បាន​៥​ប្រ​កួត​ ដែល​​ធ្វើ​ឲ្យ​កីឡា​ករ​មាន​ទំនុក​ចិត្ត​​ខ្ពស់​សម្រាប់​ការ​ប្រ​កួត​​នេះ។ ​បី​ប្រកួត​ចុង​ក្រោយ ពួក​គេ​ឈ្នះ Espanyol 3-0 ក្នុងផ្ទះ និងឈ្នះ Getafe 3-0 ក្រៅផ្ទះ មុនពេលឈ្នះ Cordoba 2-1 ក្រៅផ្ទះ។

ក្រុម​ Sociedad មិន​ទាន់​ឈ្នះ​មួយ ប្រ​កួត​នៅ​ក្រៅផ្ទះដើម​រដូវ​នេះ ​ស៊ុតបាល់ ចូលទី៥​គ្រាប់ របូតវិញ១៣គ្រាប់។ បីប្រកួតចុងក្រោយ ពួក​គេ​ឈ្នះ Barcelona 1-0 ក្នុងផ្ទះ ប៉ុន្តែចាញ់ Vallecano 0-1 ក្នុងផ្ទះ និង​ឈ្នះ Eibar 1-0 ក្នុងផ្ទះ។

-ជំនួប​បី​លើក​ចុង​ក្រោយ
09/11/13 Real M. 5-1 Sociedad
06/04/14 Sociedad 0-4 Real M.
01/09/14 Sociedad 4-2 Real M.

Eiber v Atletico
01/2/2015 ម៉ោង 00:00​ am

ក្រុម Eibar លេង​បាន​គ្រាន់​បើ និង​អាច​ឈរ​ជើង​នៅលេខ​៨ ប៉ុន្តែ​ក្នុង​ផ្ទះ​ក្រុម​​នេះ​មិនរឹង​មាំ​ទេ ហើយ​ការ​លេង​មិន​ឈ្នះ​ពីរ​ប្រ​កួត​ចុង​ក្រោយ ពិត​ជាប៉ះ​​ពាល់​​ទំនុក​ចិត្ត​កី​ឡាករ​។ បី​ប្រកួត​ចុង​ក្រោយ ពួក​គេ​ឈ្នះ Geatfe 2-1 ក្នុងផ្ទះ លេង​ស្មើ Cordoba 1-1 ក្រៅផ្ទះ មុន​ពេល​ចាញ់ Sociedad 1-0 ក្រៅ​ផ្ទះ។

Atletico ជាក្រុម​ខ្លាំង ប៉ុន្តែ​នៅ​ក្រៅផ្ទះ ពេល​ខ្លះ​មាន​បញ្ហា​។ ទោះ​​បី​ជា​យ៉ាង​ណា កីឡាករ​ក្នុង​ក្រុម​ពេល​នេះ គឺ​ល្អ​ណាស់ បន្ទាប់​ពីបានឈ្នះ​ពី​រប្រ​កួត​ជាប់​​គ្នា។ បី​ប្រកួត​ចុងក្រោយ ពួក​គេ​ចាញ់​ Barcelona 3-1 ក្រៅផ្ទះ ឈ្នះ Granada 2-0 ក្នុងផ្ទះ និងឈ្នះ Vallecano 3-1 ក្នុងផ្ទះ​។
-ជំនួប​បីលើក​ចុង​ក្រោយ
01/09/01 Eibar 0-3 Atletico
09/01/02 Atletico 1-0 Eibar
31/08/14 Atletico 2-1 Eiba

Sevilla v Espanyol
02/02/2015 ម៉ោង 01:00 am

ក្រុម Sevilla រកាំ​ចិត្ត​ខ្លាំង​ណាស់ បន្ទាប់​ពីចាញ់ការ​ប្រ​កួត​ចុង​ក្រោយ។ ប៉ុន្តែ​ពួក​គេ​​រំពឹង​ថា​អាច​រក​បាន​បី​ពិន្ទុ​ឡើង​វិញ នៅ​រា​ត្រីនេះ ក្នុង​នាម​ជាក្រុមខ្លាំង​ក្នុងផ្ទះ ។ បី​ប្រកួតចុងក្រោយ ពួក​គេ​ឈ្នះ Almeria 2-0 ក្រៅផ្ទះ ឈ្នះ Malaga 2-0 ក្នុងផ្ទះ ចាញ់ Valencia 3-1 ក្រៅផ្ទះ។

ក្រុម Espanyol រីក​ណាស់​ដែល​បាន​ឈ្នះចុង​សប្តាហ៍​មុន​ ប៉ុន្តែ​ពួក​គេ​ជា​ក្រុម​ខ្សោយ​ក្រៅផ្ទះ។ បីប្រកួតចុងក្រោយ ពួក​គេ​ចាញ់ Real Madrid 3-0 ក្រៅផ្ទះ ប៉ុន្តែឈ្នះCelta 1-0 ក្នុងផ្ទះ និងឈ្នះ Almeria 3-0 ក្នុងផ្ទះ។
-ជំនួប​បី​លើក​ចុង​ក្រោយ
10/11/13 Espanyol 1-3 Sevilla
07/04/14 Sevilla 4-1 Espanyol
31/08/14 Espanyol 1-2 Sevilla

Barcelona v Villarreal
02/2/2015 ម៉ោង 03:00 am

ក្រុម Barcelona ដែល​ខ្លាំង​ក្នុងផ្ទះកំពុង​ឡើង​ជើង​យ៉ាង​ខ្លាំង​ ដោយ​ផ្តួល​គូ​ប្រកួត​​ជាមួយ​បាល់​ចូល​ទី​ចាប់​ពីបី​គ្រាប់​ឡើង​ ។ បីប្រកួតចុងក្រោយ ពួក​គេ​ឈ្នះ Atletico 3-1 ក្នុងផ្ទះ ឈ្នះ Deportivo 4-0​ ក្រៅផ្ទះ និងឈ្នះ Eibar 6-0 ក្រៅ​ផ្ទះ​។

Villarreal ក៏មិន​អន់ ប៉ុន្តែ​ស៊ុត​បាល់​ចូល​ទី​​ក្នុងគម្លាត​មិន​លើ​សពី​មួយ​គ្រាប់។​ បីប្រកួតចុងក្រោយ ពួក​គេ​លេង ស្មើ Malaga 1-1 ក្រៅផ្ទះ ឈ្នះ Bilbao 2-0 ក្នុង ផ្ទះនិងឈ្នះ Levante 1-0 ក្នុងផ្ទះ។
-ជំនួប​បី​លើក​ចុង​ក្រោយ
15/12/13 Barca 2-1 Villarreal
28/401/14 Villarreal 2-3 Barca
01/09/14 Villarreal 0-1 Barca

ចំណែកឯការ​ប្រ​កួ​ត​ផ្សេង​ទៀត​មាន
31/01/2015
Vallecano v Deportivo -02:45
01/02/2015
Granada v Elche -02:00 am
Celta v Cordoba - 04: 00 am
02/02/2015
Levante v Bilbao - 18:00
Almeria v Getafe -23:00​
03/02/2015
Malaga v Valencia - 02:45

អត្ថបទគួរចាប់អារម្មណ៍