The Phnom Penh Post Search

Search form




Logo of Phnom Penh Post newspaper Phnom Penh Post - ក្លិប Vitesse ចុះ​កុង​ត្រា​ជា​មួយកីឡាករ Honda សម្រាប់​រយៈ​ពេល​ខ្លី​

ក្លិប Vitesse ចុះ​កុង​ត្រា​ជា​មួយកីឡាករ Honda សម្រាប់​រយៈ​ពេល​ខ្លី​

Content image - Phnom Penh Post
កីឡាករ​ Honda កាលនៅលេងអោយក្រុម Melbourne Victory របស់ប្រទេស អូស្រ្តាលី។ រូបថត AFP

ក្លិប Vitesse ចុះ​កុង​ត្រា​ជា​មួយកីឡាករ Honda សម្រាប់​រយៈ​ពេល​ខ្លី​

ហូឡង់ៈ ក្លិប​ Vitesse នៅ​ប្រទេស ​ហូឡង់​ បាន​បញ្ជាក់​ពី​ការ​ចុះកុង​ត្រា​ជា​មួយ​កីឡាករ​ Keisuke Honda អតីត​ជម្រើស​ជាតិ​ជប៉ុន​រហូត​ដល់​ចុង​បញ្ចប់​រដូវ​កាល​នេះ​។​

កីឡាករ​ Honda អត់​មាន​ក្លិប​លេង​តាំង​ពី​ចាក​ចេញ​ពី​ក្រុម Melbourne Victory មក​ម្ល៉េះ​ហើយ​មុន​នេះ​កីឡាករ​វ័យ​ ៣៣​ ឆ្នាំ​រូប​នេះ ​បាន​សុំ​លេង​នៅ​ក្លិប​ Man Utd និង​អតីត​ក្លិប​ AC Milan កាល​ពី​ខែ​កញ្ញា​។​

ទោះ​យ៉ាង​ណា​ កីឡាករ​រូប​នេះ​ឥឡូវ​បាន​ត្រឡប់​ទៅលេង​នៅ​ក្រប​ខ័ណ្ឌ​ Eredivisie ដោយ​​រង់​ចាំ​ការ​បញ្ជាក់​ពី​ការ​អនុញ្ញាត​ការ​ងារ​​ ហើយ​រូប​គាត់​ពី​មុន​មក​ក៏​ធ្លាប់​បាន​ចំណាយ​ពេល​១​រដូវ​កាល​ជា​មួយ​ក្លិប​ VVV-Venlo ផង​ដែរ​។​​

ក្លិប Vitesse បាន​ប្រកាស​ពី​ព័ត៌​មាន​នេះ​នៅ​លើ​គេហ​ទំព័រ​ផ្លូវ​កា​រ​របស់​ខ្លួន​​ ហើយ​កីឡាករ​ Honda បាន​និយាយ​ថា៖ «​វា​ជា​ខណៈ​ពេល​​មួយ​​តាំង​ពី​ខ្ញុំ​បាន​លេង​បាល់​ទាត់​នៅ​ប្រទេស​ ហូឡង់​»។​​

កីឡាករ​រូប​នេះ​បាន​បន្ថែម​ថា៖«​សង្ឃឹម​ថា អ្នក​គាំទ្រ​បាល់​ទាត់​នៅ​ប្រទេស​ ហូឡង់ ​នឹង​នៅ​ចាំ​មុខ​ខ្ញុំ​ ហើយ​ខ្ញុំ​នឹង​ធ្វើអ្វី​​គ្រប់​យ៉ាង​ដើម្បី​ទាក់​ទាញ​ការ​ចាប់​អារម្មណ៍​ព្រោះ​ខ្ញុំ​ចង់​ក្លាយ​ជា​កីឡាករ​សំខាន់​ម្នាក់​សម្រាប់​ក្រុម​នេះ​ ហើយ​ខ្ញុំ​ទន្ទឹង​រង់​ចាំ​លេង​នៅ​កីឡដ្ឋាន​នេះ និង​​សម្រាប់​អ្នក​គាំទ្រ​ផង​ដែរ​»។​

កីឡាករ​ Honda ពី​មុនមក​​ធ្លាប់​ធ្វើ​ការ​ជា​មួយ​គ្រូ​បង្វឹក​ក្លិប Vitesse លោក Leonid Slutsky នៅ​ក្រុម CSKA Moscow៕ AFP/SN

អត្ថបទគួរចាប់អារម្មណ៍

  • ភ្នំពេញៈ អង្គការ​មូលនិធិ​សកល​សម្រាប់​ធម្មជាតិ​ (WWF) និង​រដ្ឋបាល​ជលផល​ដែល​បាន​រកឃើញថា ត្រី​គល់រាំង ត្រី​ត្រសក់​ក្រហម ត្រី​ខ្លា ត្រី​ក្របី ត្រី​ត្រចៀកដំរី និង​បបែល​យក្ស​ទឹកសាប កំពុង​ត្រូវ​បាន​គេ​ដាក់លក់​នៅ​តាម​ទីផ្សារ​ត្រី​នានា ហើយ​ខ្លះ​បាន​នាំ​ចេញ​ទៅ​ក្រៅ​ប្រទេស​បាន​ទាមទារ​ឲ្យ​មាន​ការរឹតបន្តឹង​ច្បាប់​ឱ្យ​បាន​ម៉ឺងម៉ាត់​ជាង​ពេលណាៗ​ទាំងអស់ ដើម្បី​ការពារ​ត្រី​ជិត​ផុត​ពូជ​ទាំងនោះ​។

  • ភ្នំពេញៈ កំពង់ផែ​ស្វយ័ត​ក្រុងភ្នំពេញ (PPAP) ដែល​ចុះបញ្ជី​នៅ​ផ្សារ​មូលបត្រ​កម្ពុជា (CSX) បាន​រាយការណ៍​អំពី​ភាពប្រសើរ​ឡើង​នៃ​ប្រតិបត្តិការ​អាជីវកម្ម​របស់ខ្លួន​ក្នុង​ឆមាស​ទី​ ១ ឆ្នាំ​នេះ ទោះបី​ជំងឺ​កូវីដ​ ១៩ បាន​ធ្វើឲ្យ​ប៉ះពាល់​យ៉ាងខ្លាំង​ដល់​សេដ្ឋកិច្ច​នៅក្នុង​តំបន់ និង​ពិភពលោក​ក៏ដោយ​។

  • ភ្នំពេញៈ តុលាការ​កំពូល​កាលពី​ម្សិលមិញ​បាន​បើក​សវនាការ​ជម្រះក្ដី​កំបាំងមុខ​លើ​សំណុំរឿង​សុំ​នៅក្រៅ​ឃុំ​របស់​ជន​ត្រូវ​ចោទ​​ ១០ ​នាក់ ​ដែលជា​សមាជិក​អតីត​គណបក្ស​សង្គ្រោះជាតិ​ដែល​បាន​ជាប់ចោទ​ពី​បទ​រួមគំនិត​ក្បត់ និង​ញុះញង់​ឲ្យ​​ប្រព្រឹត្ត​បទឧក្រិដ្ឋ​ជាអាទិ៍​កាលពី​ចុង​ឆ្នាំ​ ២០១៩ ខណៈ​ដែល​ពួកគេ​កំពុង​នៅ​ក្រៅ​ឃុំ​។

  • ភ្នំពេញ: ក្រសួង​វប្បធម៌ និង​វិចិត្រសិល្បៈ​ពី​ម្សិលមិញ​បាន​កោះហៅ​ម្ចាស់​ផលិតកម្ម​មរតក​មេឌៀ​ (Morodok Media) ​ឲ្យ​ចូល​បំភ្លឺ​ជុំវិញ​ការផលិត​វីដេអូ​ចម្រៀង​មាន​ខ្លឹមសារ​ប្រមាថ​ពលរដ្ឋ​ខេត្តព្រៃវែង​តាម​ការស្នើសុំ​របស់​លោក ជា សុមេធី អភិបាលខេត្ត​ព្រៃវែង ប៉ុន្ដែ​អ្នកគ្រប់គ្រង​ផលិតកម្ម​នេះ​ថា វីដេអូ​នោះ​គ្រាន់តែ​ចង់​អប់រំ​កុំឲ្យ​រើសអើង​អ្នក​ព្រៃវែង​ប៉ុណ្ណោះ​។

  • ព្រះសីហនុៈ អភិបាល​ខេត្ត​ព្រះសីហនុ លោក គួច ចំរើន បាន​ព្រមាន​ចាត់វិធានការ​តឹងរ៉ឹង​ទៅ​តាម​ផ្លូវច្បាប់​ដោយ​គ្មាន​ការលើកលែង​ទៅលើ​ជន​ប្រព្រឹត្ត​បទល្មើស​កាប់បំផ្លាញ​ព្រៃ​កោងកាង​ដើម្បី​ទន្ទ្រាន​យក​ដី​រដ្ឋ​ធ្វើ​ជា​កម្មសិទ្ធិ​ឯកជន​ខុសច្បាប់​។

  • ត្បូងឃ្មុំ: អ្នកកាប់ជ្រូក​លក់​ចំនួន​ ៧៤ ​គ្រួសារ​នៅ​ផ្សារសួង ខេត្ត​ត្បូងឃ្មុំ​បាន​កំពុង​ទាមទារ​ដល់​អាជ្ញាធរខេត្ត​បញ្ឈប់​ការយក​ពន្ធ​លើ​អាជីវកម្ម​របស់​ពួកគេ​ច្រើន​ហួសហេតុ និង​ផ្ទុយ​ពី​​សេចក្ដី​ណែនាំ​របស់​ក្រសួង​សេដ្ឋកិច្ច និង​ហិរញ្ញវត្ថុ ប៉ុន្តែ​អាជ្ញាធរ​បាន​អះអាង​លើ​ហេតុផល​ផ្សេង​ក្នុង​ការប្រមូល​ពន្ធ​នេះ​។