The Phnom Penh Post Search

Search form




Logo of Phnom Penh Post newspaper Phnom Penh Post - គង់ សំបូរ រំពឹង​ខ្ពស់ តែ​គ្រូ ឡុង វិបុល ក៏​ជឿជាក់​លើ សោម វិឆ័យ




គង់ សំបូរ រំពឹង​ខ្ពស់ តែ​គ្រូ ឡុង វិបុល ក៏​ជឿជាក់​លើ សោម វិឆ័យ

Content image - Phnom Penh Post
បេក្ខភាពទាំង​ ៤​ នាក់ ដែល​ត្រូវ​​ប្រកួតដណ្តើម​ប្រាក់លាន លើក​នេះ។ សហ​ការី

គង់ សំបូរ រំពឹង​ខ្ពស់ តែ​គ្រូ ឡុង វិបុល ក៏​ជឿជាក់​លើ សោម វិឆ័យ

ភ្នំពេញ៖ ​អ្នក​ប្រដាល់​ គង់​ សំបូរ​ ដែល​បាន​ផ្លាស់ប្តូរ​ក្លិប​ច្រើន​ ហើយ​​បច្ចុប្បន្ន​កំពុង​ហ្វឹកហាត់​នៅ​ក្លិប​គោព្រៃ​នោះ ត្រៀម​ខ្លួន​រួចរាល់​ហើយ ​សម្រាប់​ការ​ប្រកួត​ម៉ារ៉ាតុង ​ដណ្តើម​ប្រាក់​លាន​ទម្ងន់ ​៦៣,៥ ​គីឡូក្រាម ជាមួយ​បេក្ខភាព ​៣ ​នាក់​ទៀត ​មាន ​ចាន់ ​ប៊ុនហឿន​, សោម​ វិឆ័យ ​និង ​អេលីត​ ភក្ដិ នៅ​​សង្វៀន​​ថោន ​នា​ថ្ងៃ​អាទិត្យ​នេះ។​

តាម​ប្រវត្តិ​ប្រកួត​កន្លង​មក ​គង់ សំបូរ ​ធ្លាប់​ប្រកួត​ឈ្នះ​ អេលីត ​ភក្ដិ ចំនួន ​២ ​លើក​ ឈ្នះ​ សោម​ វិឆ័យ ​១ ​លើក​ ​តែ​​មិន​ធ្លាប់​ប្រកួត​ជាមួយ​ ចាន់ ​ប៊ុនហឿន ​នៅ​ឡើយ​ទេ​។​ ទោះ​ជា​យ៉ាង​ណា ​គង់​ សំបូរ​ ដែល​បាន​ហ្វឹកហាត់​នៅ​ក្លិប​ថ្មី​ទំនើប​ទទួល​បាន​ការ​អប់រំ ​និង​បង្វឹក​ពិសេស​នោះ​ បាន​ប្រាប់​ថា​ មាន​សង្ឃឹម​ខ្ពស់​ក្នុង​ការ​ឈ្នះ​ប្រាក់​រង្វាន់ ៣,៤ ​លាន​រៀល ​ប៉ុន្តែ​ឧបសគ្គ​ធំ​ជាមួយ ​ចាន់ ​ប៊ុនហឿន​ ដោយ​​រំពឹង​​ត្រឹម​ឈ្នះ ​៦០ ​ភាគរយ​ប៉ុណ្ណោះ​។​

លោក​ ផាត​ សូដា​ គ្រូ​បង្វឹក​កីឡាករ ​គង់ ​សំបូរ ​បាន​ប្រាប់ ​ភ្នំពេញ ​ប៉ុស្តិ៍ ​ថា​៖ «​គង់​ សំបូរ​ កំពុង​ហ្វឹកហាត់​យ៉ាង​ខ្លាំង​ បន្ទាប់​ពី​រូប​គេ ​បាន​​ផ្លាស់​មក​នៅ​ក្លិប​គោព្រៃ​យើង​នេះ ​ពិសេស​ក្នុង ​២ ​ប្រកួត​ចុង​ក្រោយ​នេះ ​ឈ្នះ​ជាប់ៗ​គ្នា​ ក្នុង​នោះ​ផ្តួល​ជើង​ខ្លាំង ​រិន ​សារ័ត្ន ​សន្លប់​ក្នុង​ទឹក​ទី​២ ​និង​ឈ្នះ​ជើង​ខ្លាំង ​ឈាន ​ហុង ​ដោយ​ពិន្ទុ​ផង​ដែរ»​។

លោក​បាន​បន្ថែម​ថា៖ ​«យ៉ាង​ណា​ក៏​ដោយ​ សម្រាប់​ការ​ប្រកួត​នេះ ​ក្នុង​ចំណោម​កីឡាករ​ទាំង ​៣ នាក់​ ដែល​ត្រូវ​ចាប់​ឆ្នោត​មុន​ការ​ប្រកួត​នោះ មាន​តែ​កីឡាករ​ ចាន់​ ប៊ុនហឿន​ ម្នាក់​ទេ ដែល​មិន​ធ្លាប់​ប្រកួត​គ្នា​ គឺ​អាច​ចាត់​ទុក​ថា ​ជា​ឧបសគ្គ​ធំ ​ក្នុង​ការ​យក​ឈ្នះ​ ​ព្រោះ​ជើង​ចាស់​ផង និង​មាន​​ជំនាញ​ប្រើ​ក្បាច់​ជង្គង់​បាន​ល្អ​ផង​។​ ​ចំណែក​ សោម​ វិឆ័យ​ និង ​អេលីត ​ភក្តី ​មិន​មាន​ការ​ព្រួយ​បារម្ភ​ខ្លាំង​នោះ​ទេ​ គឺ​រំពឹង​ឈ្នះ ​៨០ ​ភាគរយ»​។

ទាក់ទង​នឹង​ការ​ប្រកួត​នេះ គង់ ​សំបូរ បាន​​និយាយ​ថា​៖ «​ខ្ញុំ​ហាត់​បាន​គ្រប់គ្រាន់ ​ធានា​ប្រកួត​អស់​ពី​សមត្ថភាព​ ហើយ​សង្ឃឹម​ឈ្នះ​ទឹក​ប្រាក់​ប្រចាំ​សប្តាហ៍​ ពី​សង្វៀន​ថោន​ ដ៏ច្រើន​នេះ»​។ ចំណែក​លោក​ ឡុង ​វិបុល ​គ្រូ​បង្វឹក ​សោម​ វិឆ័យ ក៏​​រំពឹង​​ឈ្នះ​ខ្ពស់​​ដែរ​។

លោក​ ឡុង ​វិបុល ​បាន​និយាយ​ថា​៖ «​សោម ​វិឆ័យ​ ហាត់​ត្រៀម​បាន​ល្អ​ សង្ឃឹម​ឈ្នះ​ ដោយ​មាន​ទំនុក​ចិត្ត​ខ្ពស់ ទោះបី​ធ្លាប់​ចាញ់​ គង់​ សំបូរ​ ក៏​ដោយ​ តែ​​បើ​ចាប់​ឆ្នោត​ប៉ះ​ ​ចាន់ ប៊ុនហឿន​ គឺ​ពិត​ជា​លំបាក​ឈ្នះ​ដូច​គ្នា​។ ​យ៉ាង​ណា​ក៏​ដោយ ទោះ​ជា​ការ​ប្រកួត​ប៉ះ​​អ្នក​ប្រដាល់​ជើង​ខ្លាំង​ មាន​ភាព​​តឹងតែង​មែន ​ប៉ុន្តែ​ឆន្ទៈ​ប្រកួត​ធានា​ថា​ វ៉ៃ​អស់​ពី​សមត្ថភាព​មិន​ឲ្យ​អ្នក​ទស្សនា​ខក​ចិត្ត​ឡើយ​ ដោយ​​ខ្ញុំ​មាន​​សង្ឃឹម​ឈ្នះ ​៨០ ​ភាគរយ​ដែរ​»​។​

ចំណែក ​លោក ​ស៊ន ​អេលីត​ គ្រូ​បង្វឹក​​របស់ ​អេលីត​ ភក្តី​ បាន​និយាយ​ថា​៖ ​«​ភក្តី ​ចិត្ត​ធំ ​វាយ​សម្រុក​មិន​ញញើត​ ប៉ុន្តែ​ខ្ញុំ​មិន​រំពឹង​​ឈ្នះ​ច្រើន​ទេ​ ​ព្រោះ ​៣ ​នាក់​ ដែល​គ្រោង​ចាប់​គូ​ប៉ះ​គ្នា​នោះ​ ជា​កីឡាករ​​ជើង​ចាស់​ជាង ​ហើយ​ អេលីត ​ភក្តី​ ហ្វឹកហាត់​ត្រៀម​មិន​សូវ​បាន​ល្អ​ផង​ដែរ ​គឺ​ឡើង​ជំនួស​គេ​តែ​ប៉ុណ្ណោះ​»។​

ចំពោះ ចាន់​ ប៊ុនហឿន ​ដែល​មាន​សមត្ថភាព​ល្អ​នោះ​ មិន​អាច​ទាក់ទង​សម្ភាស​បាន​ឡើយ​។​ យ៉ាង​ណា​ក៏​ដោយ តាម​ការ​ស្រង់​ប្រវត្តិ​ស្ថិតិ​ប្រកួត​ពី​លោក​ ជួប​ វុត្ថា​ អ្នក​គ្រប់គ្រង​កីឡាករ​ប្រចាំ​សង្វៀន​ថោន​បាន​ដឹង​ថា​ ចាន់​ ប៊ុនហៀន​ ប្រកួត​បាន​ច្រើន​ជាង​គេ​ គឺ​ ​៩៦ ​ដង ​ឈ្នះ ​៦៧ ​ចាញ់ ​២៣​ ​ស្មើ ​៦ ដង ក្នុង​នោះ​ផ្តួល​ដៃ​គូ​ឲ្យ​សន្លប់​បាន ​៣០ ​លើក​។

ចំណែក គង់​ សំបូរ​ ប្រកួត​បាន​ ​៨២ ​ដង ​ឈ្នះ ​៧២​ ចាញ់ ​៨ ​ស្មើ ២ ​ដង និង​ផ្តួល​ដៃ​គូ​ឲ្យ​សន្លប់ ​២១ ​ដង​ ហើយ សោម​ វិឆ័យ ធ្លាប់​​ប្រកួត​បាន​ ៧៣ ​ដង ឈ្នះ ​៣៨​ ចាញ់ ​២៣ ​​ស្មើ ​១២ និង​បាន​​ផ្តួល​ដៃ​គូ​ឲ្យ​សន្លប់​បាន ​១៣ ​ដង ​រីឯ អេលីត​ ភក្តី​ ប្រកួត​បាន ​៦២ ​ដង ​ឈ្នះ ​៥០​ ​ចាញ់ ​៩​ ​ស្មើ​ ៣ ដង ហើយ​បាន​​ផ្តួល​គូ​ប្រកួត​ឲ្យ​សន្លប់ ​១៧ ​ដង៕​

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។