The Phnom Penh Post Search

Search form

គ្រូ​បង្វឹក​ក្រុម​អេ​ស្ប៉ាញ​លោក Lopetegui នឹង​ដឹក​នាំ​ក្លិប Real Madrid បន្ទាប់​ពី World Cup

Content image - Phnom Penh Post
លោក Julen Lopetegui គ្រូ​បង្វឹក​នៃក្រុម​បាល់​ទាត់​ជម្រើស​ជាតិ​អេ​ស្ប៉ាញ លើក​មេ​ដៃ​ដល់​ក្រុម​ខ្លួន​ក្នុង​ពេល​ហ្វឹក​ហាត់​។ AFP

គ្រូ​បង្វឹក​ក្រុម​អេ​ស្ប៉ាញ​លោក Lopetegui នឹង​ដឹក​នាំ​ក្លិប Real Madrid បន្ទាប់​ពី World Cup

ក្រុង​ម៉ា​ឌ្រីដ: ក្លិប Real Madrid បាន​ប្រកាស​​កាល​ថ្ងៃ​អង្គារ​​ ពី​ការ​តែង​តាំង​គ្រូបង្វឹក​នៃក្រុម​ជម្រើស​ជាតិ​អេ​ស្ប៉ាញ​​លោក Julen Lopetegui ជា​អ្នក​ចាត់​ការ​ទូទៅ​បន្ទាប់​របស់​ពួគ​គេ​ចាប់​ពី​រដូវកាល​ក្រោយ​ត​ទៅ ដែល​នាំ​ឲ្យ​​មាន​ការ​ភ្ញាក់​ផ្អើល​យ៉ាង​ខ្លាំង​ក្នុង​ក្រុម​​ជម្រើស នៅ​មុន​ពេល​ចាប់​ផ្តើម​យុទ្ធ​នា​ការ World Cup​។

មុន​នឹង​បន្ថែម​ថា គ្រូបង្វឹក ​​វ័យ​ ៥១ ​ឆ្នាំ​រូប​នេះ «នឹង​ចូលរួម​ជាមួយ​នឹងក្លិប Real ក្រោយ​ពី​ការ​ចូល​រួម​របស់​អេ​ស្ប៉ាញ ក្នុង​ព្រឹត្តិ​ការណ៍ World Cup​» Real ដែល​ជា​ម្ចាស់​ជើង​ឯក​ក្រប​ខ័ណ្ឌ Champions League បាន​ឲ្យ​ដឹង​​ក្នុង​សេចក្តី​ថ្លែង​ការណ៍​មួយ​ថា៖ «Real Madrid សូម​ប្រកាស​ថា លោក Julen Lopetegui នឹងក្លាយ​ជា​គ្រូបង្វឹក​នៃក្រុម​ជម្រើស​ដំបូង​អំឡុង​រយៈពេល​៣​​រដូ​វកាល​ក្រោយ​នេះ​»​។

លោក Lopetegui នឹង​ចូល​ជំនួស​កន្លែង​របស់​លោក Zinedine Zidane ក្នុង​នាម​ជា​គ្រូបង្វឹក នា​កីឡដ្ឋាន Santiago Bernabeu ក្រោយ​ពី​​គ្រូបង្វឹក​សញ្ជាតិ​បារាំង​រូបនេះ បាន​ចាក​ចេញ កាល​ពី​ថ្ងៃ​ទី​៣១ ខែឧស​ភា បន្ទាប់​ពី​ពួក​គេ​បាន​យកឈ្នះ​លើ​ក្រុម Liverpool ក្នុង​ការប្រកួត Champions League វគ្គ​ផ្តាច់​ព្រ័ត្រ ក្នុង​ទីក្រុង​កៀវ​។

Content image - Phnom Penh Post
លោក Julen Lopetegui (កណ្តាល) ថត​រួម​ជាមួយ​នឹង​ខ្សែ​ការ​ពារ​អន្តរ​ជាតិ​អេ​ស្ប៉ាញ Sergio Ramos (ឆ្វេង) និង​ខ្សែ​បម្រើ Andres Iniesta​។ AFP

ព័ត៌​មាន​នេះ ផ្តល់​ការ​ភ្ញាក់​​​ផ្អើល​យ៉ាង​ខ្លាំង​សម្រាប់​ក្រុម​អេ​ស្ប៉ាញ ពោល​គឺ​ត្រឹម​តែ​រយៈ​ពេល​៣​ថ្ងៃ នៅ​មុន​ពេល​ការ​ប្រកួត​បើក​ឆាក​របស់​ពួកគេ​ក្នុង​យុទ្ធ​​នា​ការ World Cup នៅ​រុស្ស៊ី ជា​មួយ​​នឹងក្រុម​ជម្រើស​ជាតិ​ព័រ​ទុ​យ​​ហ្គាល់​។

លោក Lopetegui និង​ក្រុម​បាល់​ទាត់​ជម្រើស​ជាតិ​អេ​ស្ប៉ាញ បច្ចុប្បន្ន​កំពុង​តែ​​ស្ថិត​នៅ​ជំ​រំហ្វឹកហាត់​របស់​ពួក​គេ នៅ​ទីក្រុង​​ភាគ​ខាង​ត្បូង Krasnodar របស់​រុស្ស៊ី​៕ ​IS

អត្ថបទគួរចាប់អារម្មណ៍

  • អាជ្ញាធរ​ហាម​កប់​សព ឬ​ធ្វើ​ម៉ុង​នៅ​តាម​ជើងភ្នំ​ស្វាយ

    បន្ទាយមានជ័យៈ អាជ្ញាធរ​ខេត្ត​បន្ទាយមានជ័យ​បាន​ចេញ​បម្រាម​មិន​ឲ្យ​មាន​ការ​សាងសង់​ផ្នូរ​កប់​សព ធ្វើ​ចេតិយ​ ឬ​ធ្វើ​ម៉ុង​នៅ​តាម​ជើងភ្នំ​ស្វាយ​ក្នុង​ក្រុង​សិរីសោភ័ណ​ទៀត​ឡើយ ដោយសារ​តែ​វា​ធ្វើឲ្យ​ខូច​ដល់​សោភណភាព​ភ្នំ​ធម្មជាតិ​ដែល​ជា​ទី​ទៅ​កម្សាន្ត​សម្រាប់​ភ្ញៀវទេសចរ​ជាតិ និង​អន្តរជាតិ​។ ការសម្រេច​នេះ​ត្រូវ​បាន​ធ្វើ​ឡើង​នៅក្នុង​កិច្ចប្រជុំ​មួយ​នៅ​សាលាខេត្ត​កាលពី​ថ្ងៃទី​ ១៤ ខែ​សីហា​ឆ្នាំ​ ២០១៨​។

  • ចិន​នឹង​បញ្ជូន​ក្រុម​អ្នកចរចា​ទៅ​អាមេរិក

    ក្រុងប៉េកាំងៈ ក្រសួង​ពាណិជ្ជកម្ម​ចិន​បាន​ឲ្យ​ដឹង​កាលពី​ថ្ងៃ​ព្រហស្បតិ៍​ថា ចិន​នឹង​បញ្ជូន​អ្នកចរចា​ជាន់​ខ្ពស់​ទៅ​សហរដ្ឋអាមេរិក​នៅ​ចុង​ខែ​សីហា​នេះ ដើម្បី​បន្ត​ការចរចា​ពាណិជ្ជកម្ម​ឡើង​វិញ ដែល​ជា​កិច្ចប្រជុំ​សាធារណៈ​លើកដំបូង​ក្នុង​រយៈពេល​ជាច្រើន​សប្ដាហ៍​ទាក់ទង​នឹង​ប្រធានបទ​នេះ ខណៈ​ជម្លោះ​ពាណិជ្ជកម្ម​មាន សភាព​កាន់តែ​ខ្លាំង​ឡើង​។

  • បរទេស​ និង​ខ្មែរ​ ៥៣ ​នាក់​ត្រូវ​បាន​ចាប់​ខ្លួន​ពាក់ព័ន្ធ​នឹង​គ្រឿងញៀន

    ព្រះសីហនុៈ ជនបរទេស និង​ខ្មែរ​ចំនួន​ ៥៣ ​នាក់​ត្រូវ​បាន​ចាប់ខ្លួន​កាលពី​ម្សិលមិញ​នៅក្នុង​សង្កាត់​លេខ​ ៤ ក្រុង​ព្រះសីហនុ​ពេល​កំពុង​ប្រព្រឹត្ត​បទល្មើស ជួញដូរ និង​ប្រើប្រាស់​គ្រឿងញៀន​នៅក្នុង​រង្គសាល​ស្កាយឡាញ​ ១ ​កន្លែង​។

  • CPP ការពារ​លទ្ធផល​បោះឆ្នោត ហើយ​ថា​រាល់​ការរិះគន់​គឺជា​ការប្រមាថ​ប្រជាជន​កម្ពុជា​យ៉ាង​ធ្ងន់ធ្ងរ

    ភ្នំពេញៈ បន្ទាប់ពី​ទទួល​បាន​ជ័យជម្នះ​ក្ដោប​ក្ដាប់​យក​អាសនៈ​ទាំង​ ១២៥ នៅក្នុង​រដ្ឋសភា មន្ត្រី​ជាន់ខ្ពស់​នៃ​គណបក្ស​ប្រជាជន​កម្ពុជា​កាលពី​ម្សិលមិញ​បាន​ចេញ​មុខ​នៅ​ចំពោះ​ប្រព័ន្ធ​ផ្សព្វផ្សាយ​ជាតិ និង​អន្តរជាតិ​ដើម្បី​ការពារ​ជ័យជម្នះ​ដែល​ទទួល​បាន​ពី​ការបោះឆ្នោត​កាលពី​ថ្ងៃទី​ ២៩ ខែ​កក្កដា​កន្លង​មក​នេះ ហើយ​ក៏​បាន​វាយបក​ធ្ងន់ៗ​ប្រឆាំង​បណ្ដា​ប្រទេស​ប្រជាធិបតេយ្យ​ខ្លះ និង​អតីត​គណបក្ស​ប្រឆាំង​ដែល​រិះគន់​ខ្លួន​ថា​បាន «​ប្រមាថ​យ៉ាងធ្ងន់ធ្ងរ​» ដល់​ឆន្ទៈ​ប្រជាជន​កម្ពុជា ហើយ «​ឧបាយកល​ដ៏ពិសពុល​» របស់​ពួកគេ​បាន​ទទួល​បរាជ័យ​ជា​អ្វី​ដែល​អតីត​មន្ត្រី​ជាន់ខ្ពស់​គណបក្ស​ប្រឆាំង និង​អ្នកវិភាគ​ជំទាស់​។