ទីក្រុងឡុងដ៍៖ លោក Mikel Arteta មានមោទនភាពចំពោះយុវកីឡាករក្រុមកាំភ្លើងធំរបស់គាត់ ក្រោយពីក្រុម Arsenal បានកក់កៅអីសម្រាប់ជុំទី ៥ នៃការប្រកួតពានរង្វាន់ FA Cup ជាមួយជ័យជម្នះទៅលើក្រុម Bournemouth នៅក្នុងលទ្ធផល ២-១ ពីរាត្រីថ្ងៃចន្ទ។
ក្រុមភ្ញៀវ Arsenal ជាម្ចាស់ជើងឯក FA Cup ១៣ ជំនាន់ បានឈ្នះ ២-១ នៅកីឡដ្ឋាន Vitality ដោយកីឡាករ Bukayo Saka និង Eddie Nketiah មុនពេលដាក់ជំនួសកីឡាករ Sam Surridge។
អ្នករកបានគ្រាប់បាល់ទាំង ២ នាក់ របស់ក្លិប Arsenal នេះបានបង្ហាញពីទម្រង់លេងយ៉ាងល្អក្នុងភាពជាយុវវ័យក្នុងរាត្រីមួយដែលជម្រើសការពាររបស់លោក Arteta ត្រូវបានបំផ្លាញកាន់តែខ្លាំងដោយធ្វើឲ្យកីឡាករ Shkodran Mustaff រងរបួស។
លោក Arteta ដែលពេញចិត្តចំពោះទម្រង់លេងកាលពីថ្ងៃចន្ទនោះបានទទួលស្គាល់ថា ក្លិបនេះនឹងត្រូវផ្តោតលើទីផ្សារដោះដូរកីឡាករ ដើម្បីបង្កើនសមត្ថភាពក្រុមនេះ ដោយសារតែការធ្វើដំណើរនៅជុំទី ៥ ទៅកាន់ទឹកដីក្រុម Portsmouth បានបន្ថែមកាលវិភាគរបស់ពួកគេថែមទៀត។
គ្រូបង្វឹកក្រុមកាំភ្លើងធំរូបនេះបានប្រាប់ BBC Sport ថា៖ «ពិតជាពេញចិត្តយ៉ាងខ្លាំង។ វាតែងតែលំបាកនៅពេលមកដល់ទីនេះ និងឈ្នះ ហើយយើងធ្វើវាបានសម្រេចជាមួយក្រុមយុវជនផងដែរ»។
គ្រូបង្វឹករូបនេះបានបន្ថែមថា៖ «ខ្ញុំមានជំនឿចិត្តចំពោះពួកគេយ៉ាងខ្លាំង ហើយខ្ញុំគិតថា ពួកគេកំពុងតែរីកចម្រើនយ៉ាងពិតប្រាកដព្រោះពួកគេមានឆន្ទៈ និងស្រេកឃ្លានដោយផ្ដោតតែពីការធ្វើឲ្យកាន់តែល្អប៉ុណ្ណោះ»។
លោក Arteta បានបន្ថែមថា៖ «យើង តែងធ្វើការវិភាគគូប្រជែង និងបានព្យាយាមបង្កើតស្ថានភាពដែលអំណោយផលសម្រាប់កីឡាកររបស់យើង»។
គ្រូបង្វឹកក្លិបនេះបានបន្ថែមថា៖ «ខ្ញុំមានការព្រួយបារម្ភចំពោះប្រវត្តិរបស់ពួកគេក្នុងរយៈពេលពីរបីសប្ដាហ៍ចុងក្រោយ។ យើងបានធ្វើឲ្យរបូតគ្រាប់បាល់នៅប៉ុន្មាននាទីចុងក្រោយ»។
គ្រូបង្វឹកដដែលនេះបានបន្តថា៖ «ប្រវត្តិរបស់យើងជាមួយក្លិបនេះ គឺមានច្រើនសម្រាប់ក្លិបនេះ ហើយយើងត្រូវតែបោះជំហានបន្តិចម្ដងៗ»។
ជុំវិញការរងរបួសរបស់កីឡាករ Mustafi និងក្ដីសង្ឃឹមក្នុងការនាំមកនូវកម្លាំងចិត្តថែមទៀតនោះ លោក Arteta បានបន្ថែមថា៖ «យើងនឹងត្រូវវាយតម្លៃគាត់ ប៉ុន្តែនៅពេល Mustafi ត្រូវចេញពីទីលាន ជាធម្មតាវាមិនមែនជារឿងល្អនោះទេ»។
លោក Arteta បានបន្ថែមទៀតថា៖ «យើងកំពុងមើលទីផ្សារព្រោះយើងកំពុងស្វែងរកអ្វីៗជាមួយធនធានដែលយើងមាន ហើយយើងនឹងប្រាប់អ្នកនៅពេលយើងមានព័ត៌មានថ្មីៗបន្តទៀត»។
ចំណែកគ្រូបង្វឹកក្លិប Bournemouth លោក Eddie Howe បាននិយាយថា៖ «យើងមានបញ្ហាបច្ចេកទេស។ យើងបានផ្លាស់ប្ដូរប្រព័ន្ធលេង ២-៣ លើកផងដែរ ប៉ុន្តែយើងនៅតែមិនអាចសង្គ្រោះការប្រកួតនេះបានដដែល»។
គ្រូបង្វឹករូបនេះបានបន្ថែមថា៖ «យើងស្ថិតនៅលេខ ២ នៅក្នុងការប្រកួតនេះបើប្រៀបធៀបនឹងគុណភាពក្រុម ដូច្នេះហើយអ្នកត្រូវតែបង្កើនទម្រង់លេងឲ្យបានល្អប្រសើរថែមទៀត»៕ AFP/SN