.jpg)
គ្រូបង្វឹកថ្មីរបស់ក្លិប Bayern លោក Hansi Flick។ រួបថត AFP
ក្រុងមុយនិច៖ គ្រូបង្វឹកក្លិប Bayern លោក Hansi Flick ហាក់ជួបកង្វល់ ក្រោយពីបានខ្ជះខ្ជាយឱកាសជាច្រើននៃបរាជ័យ ២-១ ក្នុងទឹកដីខ្លួនឯងចំពោះក្រុម Bayer Leverkusn នៅក្នុងក្របខ័ណ្ឌ Bundesliga។
កីឡាករ Leon Bailey រកបាន ១ គ្រាប់ បើកឆាកសម្រាប់ក្រុមភ្ញៀវ Leverkusen មុនពេលកីឡាករ Thomas Muller រកបាន ១ គ្រាប់វិញ សម្រាប់ក្រុមម្ចាស់ផ្ទះ ប៉ុន្តែក្នុងនាទី ៣៥ កីឡាករ Bailey បានបន្ថែម ១ គ្រាប់ទៀត ធ្វើឲ្យឈ្នះក្រុមម្ចាស់ផ្ទះ ២-១។
លោក Flick បាននិយាយក្រោយការប្រកួតនេះថា៖ «ខ្ញុំពិតជាមិនអាចរិះគន់ទម្រង់លេងរបស់ក្រុមខ្ញុំបានទេនៅថ្ងៃនេះ ព្រោះពួកគេលេងបានល្អ និងប្រឹងអស់ពីសមត្ថភាពហើយ ប៉ុន្តែនៅតែមិនបានសម្រេចទៀត»។
ក្រុម Bayern បានឈ្នះ ៤ ប្រកួត ដោយគ្មានរបូត ១ គ្រាប់សោះតាំងពីលោក Flick បានចូលដឹកនាំជំនួសលោក Niko Kovac ពីដើមខែវិច្ឆិកា និងបានចាញ់តែ ១ លើកគត់ ក្នុងក្នុងចំណោមជំនួបជាមួយក្រុម Leverkusen ចំនួន ២៩ លើកចុងក្រោយ ក្នុងទឹកដីរបស់ខ្លួន៕ AFP/SN
