The Phnom Penh Post Search

Search form




Logo of Phnom Penh Post newspaper Phnom Penh Post - ចាន់ រតនា ចង់​ឈ្នះ​គុយបា ដើម្បី​ឈាន​ទៅ​សម្រេច​បំណង​ធំ

ចាន់ រតនា ចង់​ឈ្នះ​គុយបា ដើម្បី​ឈាន​ទៅ​សម្រេច​បំណង​ធំ

Content image - Phnom Penh Post
ចាន់ រតនា បាន​វ៉ៃ​ទៅ​លើ​គូប្រកួត​សម្រាប់​ការបង្ហាញ​ខ្លួន​ក្នុង​ព្រឹត្តិការណ៍ ONE កន្លងមក​។ រូបថត សហការី

ចាន់ រតនា ចង់​ឈ្នះ​គុយបា ដើម្បី​ឈាន​ទៅ​សម្រេច​បំណង​ធំ

ភ្នំពេញៈ កីឡាករ​ជើង​ខ្លាំង​របស់​កម្ពុជា ចាន់ រតនា នឹង​ត្រូវ​ឡើងទៅ​ជួប​ជើង​ខ្លាំង​ជំនាញ​ខាង​ចំបាប់​របស់​គុយបា Gustavo “Gladiador Balart” ក្នុង​ព្រឹត្តិការណ៍ ONE: DREAMS OF GOLD នៅ​ថ្ងៃទី​ ១៦ ខែសីហា ហើយ​ការប្រឈមមុខ​ជាមួយ​កីឡាករ Balart នៅ​សង្វៀន Impact Arena នៅ​ទីក្រុង​បាងកក​ប្រទេស​ថៃ​លើក​នេះ វា​មិនមែន​ជា​រឿង​ងាយស្រួល​នោះ​ឡើយ ប៉ុន្តែ រតនា បាន​អះអាង​ថា​រូបគេ​ពិតជា​ចង់​ឈ្នះ​ការប្រកួត ដើម្បី​ឈាន​ទៅ​រក​ការសម្រេច​គោលបំណង​ធំ​របស់គេ​។

កីឡាករ រតនា បាន​ស្គាល់​សមត្ថភាព​ជើង​ខ្លាំង​របស់​គុយបា​រូបនេះ ច្បាស់​ណាស់​គឺ​គេ​ជឿ​លើ​កម្លាំង​ក្នុង​ការប្រកួត​នៅ​ចំពោះមុខ ដោយ​ចូលចាប់​ក្លេ​ទៅ​តាម​ជំនាញ គឺជា​អ្នកលេង​ចំបាប់​។ ហេតុនេះ រតនា ដែល​ពឹង​ទៅ​លើ​ការប្រើ​គុន​ខ្មែរ​ច្រើន​ជាង​ចូលចាប់​ក្លេ​នោះ​អាច​នឹង​មិន​ងាយស្រួល​នឹង​យក​ឈ្នះ​នោះឡើយ​។ ចាន់ រតនា បាន​និយាយ​ថា​៖ « គាត់​ជា​គូប្រកួត​ដ៏តឹងតែង​មួយរូប​»​។

អ្នក​ប្រយុទ្ធ​ក្បាច់គុន​ចម្រុះ​របស់​កម្ពុជា​រូបនេះ​បាន​បន្ថែមថា​៖ «​គ្រូបង្វឹក​ខ្ញុំ​ម្នាក់ គឺជា​អតីត​តារា​ប្រដាល់​ក្នុង​ទ្រុង​នៅ​គុយបា ហើយ​កូន​របស់គាត់​បច្ចុប្បន្ន​គឺជា​កីឡាករ​ល្បីឈ្មោះ​ម្នាក់​នៅ​ប្រទេស​កម្ពុជា អ៊ីចឹង​ខ្ញុំ​ដឹង​ថា កីឡាករ​គុយបា​លំបាក​ប៉ុនណា និង​ទទួលស្គាល់​ថា ពួកគេ​មាន​កម្លាំង​ខ្លាំង​»​។

កីឡាករ Balart បាន​ចាញ់​ការប្រកួត​ជាមួយ​កីឡាករ Tatsumitsu Wada នៅ​ព្រឹត្តិការណ៍ ONE: ROOTS OF HONOR ដោយ​ការសម្រេច​ជា​ឯកច្ឆន្ទ​។ ប៉ុន្តែ​កីឡាករ​របស់​គុយបា​រូបនេះ​ទទួល​បាន​ការគោរព​នៅ​ចំពោះ​មុខ​អ្នកគាំទ្រ ខណៈ​រូបគេ​បាន​បង្ហាញ​សមត្ថភាព​ប្រកួត​បាន​ល្អ ដើម្បី​តតាំង​ជាមួយ​គូប្រកួត​ដែល​ខ្ពស់ជាង​ខ្លួន​ដាច់​នោះ ហើយ​នេះ​ជា​អ្វី​ដែល ចាន់ រតនា បាន​គិត​ក្នុង​ចិត្ត​នៅពេល​រូបគេ​បង្កើន​យុទ្ធសាស្ត្រ​សម្រាប់​ការប្រកួត​របស់​ខ្លួន​។

កីឡាករ រតនា បាន​និយាយ​ថា​៖ «Balart គឺជា​គូប្រកួត​ដ៏លំបាក​មួយ ហើយ​ខ្ញុំ​ដឹង​ច្បាស់​ថា គាត់​ក៏​បាន​ត្រៀមខ្លួន និង​ខិតខំ​ហ្វឹកហាត់​ដូច​ខ្ញុំ​ផងដែរ​។ នៅ​ប្រទេស​កម្ពុជា ខ្ញុំ​ធ្លាប់​ហ្វឹកហាត់ និង​សាកល្បង​ជាមួយ​អត្តពលិក​ដែល​មាន​មាឌធំ និង​តូច​ជាង​ខ្ញុំ ហើយ​ខ្ញុំ​កំពុង​ទន្ទឹង​រង់ចាំ​ចំពោះ​ការប្រកួត​នេះ​»​។

អ្នក​ប្រដាល់​មុខស្រស់​រូបនេះ​បាន​បង្ហើប​ថា​៖ «​ការពិត​ការ​ក្រោកឈរ ការ​វាយ​ពី​ចម្ងាយ​គឺជា​ផ្នែក​សំខាន់ ប៉ុន្តែ​នេះ​ជា​ព្រឹត្តិការណ៍ MMA អ៊ីចឹង​យើង​ត្រូវមាន​វិធី​ក្នុងការ​ប្រកួត ថា​វ៉ៃ​បែប​ណា​បាន​លទ្ធផល និង​វ៉ៃ​របៀប​ណា នាំឲ្យ​យើង​ទទួល​បាន​ផល​មិន​ល្អ ហើយ​អ្នក​ឈ្នះ​គឺជា​អ្នក​ដែល​ចេះ​រក​ចំណុច​ខ្សោយ និង​កំហុស​»​។

កីឡាករ ចាន់ រតនា គ្រោង​នឹង​បង្កើត​ប្រវត្តិសាស្ត្រ​ដោយ​ក្លាយ​ជា​កីឡាករ​កម្ពុជា​មុន​គេ ដែល​បាន​ឈ្នះ​ពានរង្វាន់​មាស​មួយ​ពី​កម្មវិធី ONE Championship នេះ​ហើយ​រូបគេ​ប្រហែល​ជា​ត្រូវ​រង់ចាំ​ក្រោយពី​ព្រឹត្តិការណ៍ Grand Prix បាន​បញ្ចប់ ប៉ុន្តែ រតនា តែងតែ​រក្សា​ខ្លួនឯង​ឲ្យ​នៅក្នុង​លក្ខខណ្ឌ​កំពូល និង​ឈ្នះ​គ្រប់ការ​ប្រកួត​ដែល​រូបគេ​បាន​ចូលរួម​ទាំងអស់​។ គេ​បញ្ជាក់ថា​៖ «​គោលដៅ​របស់​ខ្ញុំ​គឺ​ធ្វើជា​កីឡាករ​កម្ពុជា​ដំបូង​គេ ដែល​បាន​ឈ្នះ​ខ្សែក្រវាត់​ជើងឯក ONE Championship»​។

កីឡាករ រតនា បាន​បន្ថែម​ថា​៖ «​ខ្ញុំ​បាន​បោះជំរំ​ហ្វឹកហាត់​ពេញលេញ​នៅឯ​កន្លែង​ហាត់ប្រាណ​របស់​ខ្ញុំ​ជាមួយ Vy ហាត់​ក្បាច់​ក្លេ​នៅ​ក្លិប H/Art Academy BJJ និង​ហាត់​កម្លាំង​នៅ​ក្លិប LL Fitness និង SuperFit Gym​។ ខ្ញុំ​ជា​ផ្នែក​នៃ​ក្រុម FFG ហើយ​ខ្ញុំ​មាន​មិត្តភក្តិ​រួម​ក្រុម​កីឡាករ​ជើង​ខ្លាំង​ខាង​វាយ​ដាក់​ទ្រុង​នេះ ឈ្មោះ Phoe Thaw ដែល​គាត់​ជា​អ្នក​ឲ្យ​ទឹក​ខ្ញុំ​ក្នុង​ពេល​ប្រកួត​។ ខ្ញុំ​បាន​អ្វី​គ្រប់យ៉ាង​ដែល​ខ្ញុំ​អាច​ទទួល​បាន​ជ័យជម្នះ​មួយ​ទៀត ដើម្បី​ឈាន​ទៅ​សម្រេច​គោលបំណង​របស់​ខ្ញុំ​»៕ SN

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។