The Phnom Penh Post Search

Search form




Logo of Phnom Penh Post newspaper Phnom Penh Post - តួកគី រិះគន់​លើ​ទង្វើ​ដែល​អ៊ីស្លង់​បាន​ធ្វើ​ចំពោះ​ក្រុម​បាល់ទាត់​ខ្លួន

តួកគី រិះគន់​លើ​ទង្វើ​ដែល​អ៊ីស្លង់​បាន​ធ្វើ​ចំពោះ​ក្រុម​បាល់ទាត់​ខ្លួន

Content image - Phnom Penh Post
ខ្សែបម្រើ Emre Belozoglu (​ស្តាំ​) ដែល​ជា​អ្នក​ទម្លាយ​រឿងរ៉ាវ​ដែល​កើត​នៅ​ប្រទេស​អ៊ីស្លង់​។ AFP

តួកគី រិះគន់​លើ​ទង្វើ​ដែល​អ៊ីស្លង់​បាន​ធ្វើ​ចំពោះ​ក្រុម​បាល់ទាត់​ខ្លួន

ក្រុងអ៊ីស្តង់ប៊ុលៈ មន្ត្រី​ប្រទេស​តួកគី​បាន​ធ្វើការ​រិះគន់​ប្រទេស​អ៊ីស្លង់​យ៉ាង​ខ្លាំង​កាលពី​ដើម​សប្ដាហ៍​នេះ ចំពោះ​ទង្វើ​មិន​គោរព​ទៅ​លើ​ក្រុម​ជម្រើសជាតិ​បាល់ទាត់​របស់​ខ្លួន​នៅ​ព្រលានយន្តហោះ Reykjavik ប្រទេស​អ៊ីស្លង់​។

តាម​របាយការណ៍​ពី​ក្រុម​កីឡាករ​ដែល​បាន​ផ្សាយ​តាម​ប្រព័ន្ធ​ផ្សព្វផ្សាយ​តួកគី បាន​ឲ្យ​ដឹង​ថា​ក្រុម​របស់​ពួកគេ​បាន​រង់ចាំ​ជាច្រើន​ម៉ោង​នៅ​កន្លែង​ពិនិត្យ​លិខិត​ឆ្លងដែន​កាលពី​រាត្រី​ថ្ងៃ​អាទិត្យ​ដោយ​ត្រូវ​បាន​គេ​ត្រួតពិនិត្យ​សន្តិសុខ​យ៉ាងតឹងតែង​បំផុត​។

មន្ត្រី​នាំពាក្យ​ប្រធានាធិបតី​តួកគី លោក Ibrahim Kalin បាន​សរសេរ​លើ​ប្រព័ន្ធ Twitter ដើម្បី​បង្ហាញ​ពី​កំហឹង​របស់​គាត់​ដោយ​រិះគន់​ទង្វើ មិន​គោរព​ចំពោះ​ក្រុម​ជម្រើសជាតិ​នេះ​ថា មិន​អាច​ទទួល​បានទេ​។ លោក​បាន​និយាយ​ថា​៖ «​រដ្ឋ និង​ប្រជាពលរដ្ឋ​របស់​យើង​គាំទ្រ​ក្រុម​ជម្រើសជាតិ​ដែល​នឹង​ផ្ដល់​ការឆ្លើយតប​ល្អ​បំផុត​នៅ​លើ​ទីលាន​ប្រកួត​»​។

ចំណែក​លោក Fahrettin Altun នាយក​ទំនាក់ទំនង​នៅ​ការិយាល័យ​ប្រធានាធិបតី​តួកគី​ក៏​បាន​និយាយ​ដែរ​ថា​៖ «​ទង្វើ​នេះ​គឺ​មិន​ស្រប​តាម​ការគួរសម​បែប​ការទូត ឬ​ក្រមសីលធម៌​ផ្នែក​កីឡា​នោះ​ទេ​»​។

ប្រព័ន្ធ​ផ្សព្វផ្សាយ​ឯកជន NTV បាន​រាយការណ៍​ថា ក្រសួង​ការបរទេស​តួកគី​បាន​ចេញ​សេចក្ដី​ថ្លែងការណ៍ តវ៉ា​ប្រឆាំង​បែប​ការទូត ចំពោះ​ប្រទេស​អ៊ីស្លង់​តាមរយៈ​ស្ថានទូត​ប្រទេស​ន័រវែស ហើយ​មក​ដល់​ពេល​នេះ​គេ​មិន​ទាន់​ឃើញ​មាន​ការឆ្លើយតប​ពី​ភាគី​ប្រទេស​អ៊ីស្លង់​នៅ​ឡើយ​ទេ​ជុំវិញ​ការខឹង​សម្បា​របស់​ប្រទេស​តួកគី​នេះ​។

ជាមួយ​នឹង​ហេតុការណ៍​នេះ​ខ្សែបម្រើ​របស់​ក្រុម​ជម្រើសជាតិ​តួកគី Emre Belozoglu បាន​សរសេរ​តាម Tweeter ពី​ព្រលានយន្តហោះ​មក​ថា​៖ «​យើង​បាន​និង​កំពុង​រង់ចាំ​រយៈពេល​ ៣ ​ម៉ោង​។ ពួកគេ​យក​វ៉ាលិស​របស់​អ្នក​ទាំងអស់​គ្នា ហើយ​ទង្វើ​ដែល​ពួកគេ​កំពុង​ប្រព្រឹត្ត​ចំពោះ​យើង​គឺ​មិនមែន​ជា​ការគោរព​នោះ​ទេ​»​។

ការខឹង​សម្បា​របស់​តួកគី​នេះ​បាន​កើតឡើង​ភ្លាមៗ បន្ទាប់ពី​ក្រុម​បាល់ទាត់​តំណាង​ឲ្យ​ប្រទេស​តួកគី​មួយ​នេះ​បាន​យក​ឈ្នះ​ក្រុម​ម្ចាស់​ជើងឯក World Cup ឆ្នាំ​ ២០១៨ បារាំង​ជាមួយ​លទ្ធផល ២-០ ក្នុង​វគ្គ​ជម្រុះ​ក្របខ័ណ្ឌ Euro 2020 កាល​ថ្ងៃ​សៅរ៍​។

គ្រូបង្វឹក​ថ្មី​របស់​ក្រុម​ជម្រើសជាតិ​តួកគី​លោក Senol Gunes បាន​ដឹកនាំ​ឈ្នះ​ការប្រកួត​ទាំង​ ៣ ​លើក​តាំងពី​គាត់​ចូលកាន់​តំណែង​នៅ​ឆ្នាំ​នេះ ហើយ​ឥឡូវ​ក្រុម​នេះ​កំពុង​នាំមុខ​ក្រុម​ជម្រើសជាតិ​បារាំង ៣ ​ពិន្ទុ​ដោយ​ឈរ​លើ​កំពូល​តារាង​ពូល H៕ SN

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។