ក្រុងមីឡានៈ ក្លិប Roma បានប្រកាសកាលពីថ្ងៃពុធថា ខ្សែការពារ Davide Zappacosta នៅក្លិប Chelsea បានចូលរួមក្លិប Roma ក្នុងលក្ខខណ្ឌខ្ចីជើង ៦ ខែ ប៉ុន្តែអាចបន្តរហូតដល់ចុងរដូវកាលនេះក៏បានដែរ។ កីឡាករអ៊ីតាលីអាយុ ២៧ ឆ្នាំរូបនេះក៏ទទួលបានការបន្តកុងត្រាជាមួយក្លិប Chelsea រហូតដល់ខែមិថុនា ឆ្នាំ ២០២២ ផងដែរ។
កីឡាករ Zappacosta បាននិយាយថា៖ «ខ្ញុំពេញចិត្តនឹងចូលរួមក្រុម Roma ក្រោយពីទទួលបានបទពិសោធដែលជួយឲ្យខ្ញុំមានការរីកចម្រើនទាំងជាកីឡាករ និងបុគ្គលផងដែរ»។ ខ្សែការពារស្លាបស្ដាំរូបនេះបានចូលរួមក្លិប Chelsea បន្ទាប់ពីចេញពីក្រុម Torino ក្នុងកុងត្រារយៈពេល ៤ ឆ្នាំនៅឆ្នាំ ២០១៧ ដោយបង្ហាញខ្លួន ៥២ លើក និង រកបាន ២៦ គ្រាប់ឲ្យក្រុម Chelsea ក្នុងក្របខ័ណ្ឌ Premier League។
ក្រុម Roma បានបញ្ចប់ក្នុងចំណាត់ថ្នាក់ទី ៦ កាលពីរដូវកាលមុនក្របខ័ណ្ឌ Serie A និងបើកយុទ្ធនាការរដូវកាលថ្មីដោយប្រកួតក្នុងទឹកដីខ្លួនជាមួយក្រុម Genoa នៅថ្ងៃអាទិត្យចុងសប្ដាហ៍នេះ។ SN