The Phnom Penh Post Search

Search form




Logo of Phnom Penh Post newspaper Phnom Penh Post - ព័ត៌មាន​កីឡា​ខ្លី​ៗ

ព័ត៌មាន​កីឡា​ខ្លី​ៗ

ព័ត៌មាន​កីឡា​ខ្លី​ៗ

Sanchez ជួយ​ឲ្យ​ក្រុម​ជើងខ្លាំង Barcelona ទៅ​ឈរ​កំពូល​តារាង​វិញ

ក្រុម Barcelona បាន​វិល​ទៅ​កាន់​កំពូល​តារាង​នៃ​ក្របខ័ណ្ឌ La Liga វិញ​ដោយសារ​តែ​មាន​គ្រាប់​បាល់​ស៊ុត​បញ្ចូល​ទី​ច្រើន​ជាង ជាមួយ​នឹង​ជ័យជម្នះ​ដ៏​កក់ក្តៅ ៤-០ លើ​ក្រុម Elche កាលពី​ថ្ងៃ​អាទិត្យ ក្រោយពី​ការ​រក​គ្រាប់​បាល់​ស៊ុត​បញ្ចូល​ទី​បី​គ្រាប់​តែ​ឯង​ពី​សំណាក់ ខ្សែប្រយុទ្ធ Alexis Sanchez។ ក្រុម​ខ្លាំង​មួយ​នេះ​មាន​៤៩​ពិន្ទុ​ស្មើ​ជាមួយ​នឹង​ក្រុម Atletico Madrid ខណៈ​ដែល​ក្រុម​ទាំង​ពីរ​នឹង​ជួប​គ្នា​ក្នុង​ការ​ប្រកួត​លីក​ជា​លើក​ទី​១​នៅ រដូវកាល​នេះ​នា​ចុង​សប្តាហ៍​បន្ទាប់​នៅឯ​កីឡដ្ឋាន Vicente Calderon​៕ CSR

រាប់​ពាន់​នាក់​ធ្វើការ​កាន់​ទុក្ខ​មុន​បុណ្យសព​របស់​លោក Eusebio កាលពី​ថ្ងៃ​ចន្ទ​

មនុស្ស រាប់​ពាន់​នាក់​ត្រូវ​បាន​រំពឹង​ទុក​ថា នឹង​បង្ហាញ​ការ​គោរព​របស់​ពួកគេ​នៅ​ថ្ងៃ​បុណ្យសព​នា​ថ្ងៃ​ចន្ទ​របស់​លោក Eusebio ដែល​ជា​វីរបុរស​ក្នុង​កីឡា​បាល់ទាត់​របស់​ព័រទុយហ្គាល់ ខណៈ​ដែល​ពិធី​បុណ្យសព​របស់​លោក​ត្រូវ​បាន​សម្តែង​នូវ​ការ​ចូលរួម​រំលែក​ទុក្ខ​ពី​មនុស្ស​ទូទាំង​ពិភពលោក​។ លោក Eusebio da Silva Ferreira ដែល​បាន​ស្លាប់​ដោយសារ​តែ​មាន​ជំងឺ​បេះដូង និង​សួត​កាលពី​ថ្ងៃ​អាទិត្យ​ក្នុង​អាយុ​៧១​ឆ្នាំ​នោះ បាន​គ្រប់គ្រង​លើ​វិស័យ​បាល់ទាត់​របស់​ប្រទេស​ព័រទុយហ្គាល់​ទាំង​ស្រុង នា​ទសវត្សរ៍​ឆ្នាំ​១៩៦០ តាមរយៈ​ការ​នាំ​ភាព​ជោគជ័យ​ដ៏​ត្រចះត្រចង់​ដល់​ទាំង​ក្លិប​កីឡា​បាល់ទាត់ Benfica និង​ក្រុម​បាល់ទាត់​ជម្រើស​ជាតិ​នៃ​ប្រទេស​របស់​លោក​៕ CSR

Federer និយាយ​ថា ការ​បរាជ័យ​មិន​បាន​ធ្វើឲ្យ​រូប​គេ​មាន​ការ​ខក​ចិត្ត​ឡើយ

កីឡាករ វាយ​កូនបាល់​ដ៏​ឆ្នើម​របស់​ស្វ៊ីស Roger Federer បាន​បញ្ជាក់​កាលពី​ថ្ងៃ​អាទិត្យ​ថា ការ​បរាជ័យ​របស់​គេ​ក្រោម​ស្នាដៃ​របស់​កីឡាករ Lleyton Hewitt ក្នុង​ព្រឹត្តិការណ៍ Brisbane International មិនមែន​ជា​ការ​ខក​ចិត្ត​មួយ​សម្រាប់​ការ​ត្រៀម​លក្ខណៈ​ប្រកួត Australian Open របស់​គេ​ឡើយ​។ Federer បាន​ទទួល​បរាជ័យ​ក្នុង​ការ​ប្រកួត​វគ្គ​ផ្តាច់ព្រ័ត្រ​ក្នុង​ទីក្រុង Brisbane ក្រោម​ស្នាដៃ Hewitt ក្នុង​លទ្ធផល ៦-១ ៤-៦ និង​៦-៣ ក្នុង​រយៈពេល​ត្រឹម​តែ​២​ម៉ោង​នៅលើ​ទីលាន Pat Rafter Arena​។ ប៉ុន្តែ Federer ដែល​ប្រើប្រាស់​យុទ្ធនាការ​នៅ Brisbane ជា​ការ​កម្តៅ​សាច់ដុំ​ក្នុង Australian Open ជា​លើក​ទី​១​មួយ​នោះ បាន​និយាយ​ថា រូប​មាន​អារម្មណ៍​ល្អ នៅ​មុន​ពេល​ការ​ប្រជែង​ដើម្បី​ដណ្តើម​ឈ្នះ​ពាន​រង្វាន់ Grand Slam ទី​១​ប្រចាំ​ឆ្នាំ​ជា​លើក​ទី​៥​៕ IS

Pacquiao ច្រានចោល​ថា ការ​ជួប​ជាមួយ Mayweather ជិត​មក​ដល់

កីឡាករ ប្រដាល់​ដ៏​ខ្លាំង​របស់​ហ្វីលីពីន Manny Pacquiao បាន​ច្រានចោល​ចំពោះ​របាយការណ៍​ថា រូប​គេ និង​កីឡាករ​ប្រដាល់​របស់​អាមេរិក Floyd Mayweather នឹង​ត្រូវ​ពិភាក្សា​អំពី​ការ​ឡើង​ប្រកួត​គ្នា ក្រោយពី​មាន​សំណួរ​មួយ​ថា តើ​ការ​ប្រកួត​មួយ​នឹង​កើតឡើង ឬ​យ៉ាង​ណា​? ការ​ប្រកួត​មួយ​រវាង​អតីត​ម្ចាស់​ជើងឯក​ពិភពលោក​ក្នុង​៨​ប្រភេទ​ទម្ងន់ ផ្សេង​គ្នា​រូប​នេះ និង​កីឡាករ​មិន​ស្គាល់ Mayweather គឺជា​ការ​ប្រាថ្នា​ចង់​បាន​ជា​យូរ​ណាស់​មក​ហើយ​ពី​សំណាក់​អ្នក​គាំទ្រ កីឡា​ប្រដាល់ ហើយ​កាសែត Manila បាន​បញ្ជាក់​ថា ខែ​កញ្ញា ឆ្នាំ​២០១៤ ជា​ពេល​កំណត់​សម្រាប់​ពួកគេ​ទាំង​ពីរ​។ ប៉ុន្តែ Pacquaio វ័យ​៣៥​ឆ្នាំ បាន​ប្រាប់​គេហទំព័រ Philboxing.com ថា កិច្ចព្រមព្រៀង​មួយ​ក្នុង​ការ​កាត់​សេចក្តី​ថា តើ​អ្នក​ណា​ជា​កីឡាករ​ប្រដាល់​ពិភពលោក​ដ៏​ឆ្នើម​បំផុត​នោះ មិន​ទាន់​ខិត​ជិត​មក​ឡើយ​៕ IS

អត្ថបទគួរចាប់អារម្មណ៍