The Phnom Penh Post Search

Search form




Logo of Phnom Penh Post newspaper Phnom Penh Post - ព្រឹត្តិការណ៍​កង់​ភ្នំ ​យក​គិរីរម្យ​ជា​ទីតាំង​ប្រកួត​រក​ជើង​ខ្លាំង

ព្រឹត្តិការណ៍​កង់​ភ្នំ ​យក​គិរីរម្យ​ជា​ទីតាំង​ប្រកួត​រក​ជើង​ខ្លាំង

Content image - Phnom Penh Post
ការ​ប្រកួតកង់​ភ្នំ ជុំ​ផ្តាច់​ព្រ័ត្រ ដែលបាន​ធ្វើ​នៅ​គិរីរម្យ កាលពីឆ្នាំ​២០១៨។ ឈន ណន

ព្រឹត្តិការណ៍​កង់​ភ្នំ ​យក​គិរីរម្យ​ជា​ទីតាំង​ប្រកួត​រក​ជើង​ខ្លាំង

ភ្នំពេញ៖ ​ព្រឹត្តិការណ៍​​ប្រកួត​កង់​ភ្នំ Cambodia MTB Series 2019 បាន​កំណត់​យក​គិរីរម្យ ជា​កន្លែង​ប្រកួត​ជុំ​ទី ​៥ ​ផ្តាច់​ព្រ័ត្រ ដើម្បី​រក​ម្ចាស់​ជើងឯក​ដ៏​ពិត​ប្រាកដ​នៅ​តាម​វិញ្ញាសា​នីមួយៗ ខណៈ​ថ្នាក់​ដឹកនាំ​សហព័ន្ធ​ខ្មែរ​កីឡា​ទោចក្រយាន​បាន​ចាត់​ទុក​ការ​ប្រកួត​នៅ​ព្រឹក​ថ្ងៃ​អាទិត្យ​នេះ ជា​ការ​ប្រកួត​ដ៏​ទាក់ទាញ និង​មាន​ភាព​ស្វិតស្វាញ​ជាង ​៤ ជុំ​កន្លង​មក។

នៅ​ក្នុង​ការ​ប្រកួត​ដំណាក់​កាល​ដ៏​សំខាន់​នេះ ក្រុម​ការងារ​បច្ចេកទេស​របស់​សហព័ន្ធ​ខ្មែរ​កីឡា​ទោចក្រយាន ក៏​បាន​រៀបចំ​ឲ្យ​មាន​ការ​បោះ​តង់​ស្នាក់នៅ នៅ​​លើ​ភ្នំ​គិរីរម្យ​ នា​យប់​ថ្ងៃ​សៅរ៍​ផង​ដែរ ដើម្បី​សម្រួល​ដល់​អ្នក​ធ្វើ​ដំណើរ​មក​ពី​ខេត្ត​ឆ្ងាយៗ មាន​ពេល​សម្រាក និង​ត្រៀម​ខ្លួន​ប្រកួត​បាន​ល្អ ព្រោះ​ការ​ប្រកួត​នេះ នឹង​ត្រូវ​ចាប់​ប្រកួត​នៅ​ព្រឹក​ព្រលឹម​ថ្ងៃ​អាទិត្យ​តែ​ម្តង។​

លោក នូ ចំរើន អគ្គ​លេខាធិការ​សហព័ន្ធ​ខ្មែរ​កីឡា​ទោចក្រយាន បាន​ប្រាប់​ភ្នំពេញ​ប៉ុស្តិ៍ កាល​ពី​ថ្ងៃ​ព្រហស្បតិ៍​ថា៖ ​«​ការ​ប្រកួត​នេះ នឹង​មាន​ភាព​ទាក់ទាញ និង​ស្វិតស្វាញ​​ខ្លាំង​ជាង​ជុំណាៗ​ទាំង​អស់ ព្រោះ​ជា​ការ​ប្រកួត​ជុំ​ផ្តាច់​ព្រ័ត្រ ដែល​គ្រប់​គ្នា ត្រូវ​តែ​ខំ​ប្រឹងប្រែង ដើម្បី​ទទួល​បាន​ពិន្ទុ​បន្ថែម ក្នុង​ការ​ឈាន​ទៅ​រក​ការ​ទទួល​បាន​ចំណាត់​ថ្នាក​លេខ ​១»។

បើ​តាម​គណៈកម្មការ​រៀបចំ​ការ​ប្រកួត​បាន​ឲ្យ​ដឹង​ថា ​ក្រុម​អត្តពលិក​ប្រមាណ ​១៥០ ​នាក់ ​បាន​ចុះ​ឈ្មោះ​ចូលរួម​ក្នុង​ការ​ប្រកួត​នៅ​ក្នុង​ជុំ​ផ្តាច់ព្រ័ត្រ​នេះ ហើយ​ទីលាន​បត់​បែន នៅ​លើ​ភ្នំ​គិរីរម្យ ដែល​ហ៊ុមព័ន្ធ​ទៅ​ដោយ​ដើម​ស្រស់ និង​រុក្ខជាតិ​តូច​ធំ​ចម្រុះ​គ្នា​ដ៏​ស្រស់​បំព្រង​នោះ វា​នឹង​ក្លាយ​ជា​វេទិកា​ប្រកួត​ប្រជែង​ដ៏​ល្អ​បំផុត សម្រាប់​ក្រុម​អត្តពលិក ដែល​ត្រូវ​ប្រជែង​គ្នា ដើម្បី​រក​ឲ្យ​ឃើញ​អ្នក​ឈ្នះ​តំណែង​ជើង​ឯក នៅ​លើ​ប្រភេទ​​វិញ្ញាសានីមួយៗ ព្រោះ​ការ​ប្រកួត ​៤ ​ជុំ​កន្លង​មក គណៈកម្មកា​បាន​កត់ត្រា និង​បូក​ពិន្ទុ ទៅ​តាម​ជុំ​នីមួយៗ​យ៉ាង​ច្បាស់​លាស់ ហើយ​លើក​នេះ​ជា​ការ​ប្រកួត​ជុំ​ចុង​ក្រោយ កំណត់​រក​អ្នក​ឈ្នះ​តំណែង​ជើងឯក។

លោក នូ ចំរើន ​​បន្ថែម​ថា៖ ​«​ទីលាន​ប្រកួត​នៅ​ជុំ​ផ្តាច់​ព្រ័ត្រ​នេះ គឺ​មាន​ឧបសគ្គ​ច្រើន​ជាង​ ​៤ ជុំ ​កន្លង​មក ព្រោះ​យើង​ត្រូវ​ប្រកួត​នៅ​លើ​ភ្នំ​តែ​ម្តង ដែល​ហ៊ុមព័ទ្ធ​ដោយ​ព្រៃ​ឈើ ហើយ​មាន​ផ្លូវ​ចុះ​ចំណោត ឡើង​ចំណោម​ និង​ឡើង​ទួល​ផង​ដែរ​ អ៊ីចឹង​កីឡាករ កីឡាការិនី​​គ្រប់​រូប ពិសេស​អ្នក​ត្រូវ​ប្រជែង​គ្នា​យក​ជយលាភី គឺ​ទាមទារ​ឲ្យ​មាន​ការ​ហ្វឹកហាត់​គ្រប់គ្រាន់ និង​មាន​ភាព​អំណត់ ទើប​អាច​បញ្ចប់​ការ​ប្រកួត​ដោយ​ជោគជ័យ​បាន»៕ ​

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។