.jpg)
រូបសត្វនាំសំណាង Zabivaka ក្នុង World Cup របស់រុស្ស៊ី ក្បែរកីឡដ្ឋាន Nizhny Novgorod។ AFP
ក្រុងម៉ូស្គូ: ប្រទេសរុស្ស៊ី នឹងដាក់ពង្រាយឧបករណ៍បង្ខាំងសញ្ញាវិទ្យុសកម្ម ដែលត្រូវបានប្រើប្រាស់ក្នុងប្រទេសស៊ីរី និងសង្គ្រាមក្នុងប្រទេសអ៊ុយក្រែន ដើម្បីការពារកីឡដ្ឋានក្នុងព្រឹត្តិការណ៍ World Cup ប្រឆាំងនឹងការវាយប្រហារដោយយន្តហោះគ្មានមនុស្សបើក។
ការគំរាមរបស់ភេរវករបានក្លាយជាកង្វល់ដ៏ចម្បងមួយសម្រាប់គណៈកម្មការរៀបចំការប្រកួតកីឡាបាល់ទាត់ចាប់ពីថ្ងៃទី ១៤ ខែមិថុនា ដល់ថ្ងៃទី ១៥ ខែកក្កដា។
ប្រទេសរុស្ស៊ី បានរងនូវការវាយប្រហារដោយយន្តហោះអត្តឃាតជាបន្តបន្ទាប់ ចាប់តាំងពីឈ្នះសិទ្ធិធ្វើជាម្ចាស់ផ្ទះព្រឹត្តិការណ៍ World Cup កាលពីឆ្នាំ ២០១០។
ការវាយប្រហារខ្លះត្រូវបានស្តីបន្ទោសទៅលើក្រុមសកម្មប្រយុទ្ធយោធា មកពីតំបន់ Caucasus ភាគខាងជើង ដែលមានទំនាក់ទំនងជាមួយនឹងក្រុមភេរវកម្ម ISIS ក្នុងប្រទេសស៊ីរី។
មូលដ្ឋានយោធារបស់រុស្ស៊ី ក្នុងប្រទេសស៊ីរីដែលដាច់ដោចដោយសង្គ្រាម ក៏បានក្លាយជាគោលដៅវាយប្រហារដោយយន្តហោះគ្មានមនុស្សបើកនៅឆ្នាំនេះផងដែរ។
ការរំពឹងទុកពីអ្នកដែលប្រើ-ប្រាស់យន្តហោះគ្មានមនុស្សបើកដើម្បីទម្លាក់គ្រាប់បែកទៅលើកីឡដ្ឋានមួយ កំពុងតែស្ថិតក្នុងការបារម្ភរបស់ក្រសួងការពារជាតិរបស់រុស្ស៊ី។
អង្គភាពព័ត៌មាន RBK របស់ទីក្រុងម៉ូស្គូ បានបញ្ជាក់ថា លោក Valery Gerasimov មេបញ្ជាការយោធា បានចេញបញ្ជាផ្សេងៗកាលពីខែកុម្ភៈឲ្យដំឡើងស្ថានីយបង្ខាំងសញ្ញាវិទ្យុសកម្ម នៅខាងក្រៅកីឡដ្ឋានទាំង ១២ ដែលនឹងធ្វើឲ្យការប្រតិបត្តិយន្តហោះគ្មានមនុស្សបើកមួយមិនអាចដំណើរការបាន។
ប្រភពមួយក្នុងក្រសួងការពារជាតិរបស់រុស្ស៊ី បានប្រាប់សារព័ត៌មាន RBK កងអង្គភាពមួយចំនួននឹងត្រូវតែចាត់តាំងយ៉ាងសំខាន់បំផុត និងអាចបម្រើការសម្រាប់តែសេវាកម្មសន្តិសុខសហភាពប៉ុណ្ណោះ។
កងអង្គភាពផ្សេងទៀតត្រូវបានបង្កើតឡើងក្នុងប្រទេសស៊ីរី និងត្រូវបានអង្កេតឃើញនៅភាគខាងកើតនៃប្រទេសអ៊ុយក្រែន ដោយអង្គការឃ្លាំមើលរបស់សហភាពអឺរ៉ុប ទៅលើជម្លោះរយៈពេល ៤ ឆ្នាំរវាងទីក្រុងកៀវ និងក្រុមបះបោរដែលគាំទ្រដោយប្រទេសរុស្ស៊ី។
លោក Alexei Filatov អតីតមន្ត្រីប្រឆាំងភេរវកម្ម បានប្រាប់ RBK ថា៖ «យន្តហោះគ្មានមនុស្សបើកគឺជាវិធីសាស្ត្រដ៏មានប្រសិទ្ធភាពក្នុងការដឹកម្សៅជាតិផ្ទុះ TNT (ទម្ងន់កន្លះ ឬ ១ គីឡូក្រាម) ចម្ងាយពី ២ ទៅ ៣ គីឡូម៉ែត្រ និងចុះចតនៅត្រង់គោល និងបំផ្ទុះគ្រាប់បែក។
រុស្ស៊ី បានបង្កើតកន្លែងជាច្រើនដែលមានការហោះហើរ និងដែនកំណត់ការហោះហើរនៅកន្លែងជាច្រើនផ្សេងទៀតសម្រាប់រយៈពេលខាងមុខនេះ។
កន្លែងទាំងនោះមិនត្រឹមតែគ្របដណ្តប់ទៅលើកីឡដ្ឋាន និងទីក្រុងម្ចាស់ផ្ទះទាំង ១១ ទេ ប៉ុន្តែ ក៏ថែមទាំងការពារត្រង់ជំរំហ្វឹកហាត់ និងសណ្ឋាគារដែលនឹងប្រើប្រាស់ដោយក្រុមជម្រើសជាតិទាំង ៣២ ក្រុមផងដែរ។
ក្រសួងដឹកជញ្ជូន បានកំណត់ទីតាំងចំនួន ៤១ ដោយរាល់ប្រភេទនៃការហោះហើរទាំងអស់ ចាប់យន្តហោះគ្មានមនុស្សបើក និងយន្តហោះអ្នកដំណើរ ត្រូវបានហាមឃាត់។ ការហាមឃាត់នេះមានការលាតសន្ធឹកចន្លោះពី ៥០០ ម៉ែត្រ ទៅ ១០ គីឡូម៉ែត្រ។
ប៉ុន្តែ ការប្រតិបត្តិយន្តហោះគ្មានមនុស្សបើក នឹងក្លាយជារឿងខុសច្បាប់ក្នុងរយៈចម្ងាយ ១០០ គីឡូម៉ែត្រជុំវិញទីក្រុងម្ចាស់ផ្ទះទាំង ១១។
ការបង្ហោះយន្តហោះគ្មានមនុស្សបើកពីលើទីក្រុងម៉ូស្គូ ត្រូវបានហាមជាអចិន្រៃ្តយ៍រួចជាស្រេច៕
