.jpg)
កីឡាករចាន់ រតនា កំពុងផ្តោតលើការហ្វឹកហាត់ត្រៀមប្រកួតក្នុងកម្មវិធី ONE នៅចុងឆ្នាំនេះ។ ផា លីណា
ភ្នំពេញ: គ្រូបង្វឹកផ្ទាល់ខ្លួនលោក Lorenzo Lanzafame ធ្លាប់បានគិតថា នឹងស្នាក់នៅក្នុងប្រទេសកម្ពុជា ត្រឹមតែរយៈពេល ២ ទៅ ៣ ខែប៉ុណ្ណោះ ប៉ុន្តែ លោកមិនបានចាកចេញពីប្រទេសនៅអាស៊ីអាគ្នេយ៍មួយនេះឡើយ និងបានធ្វើឲ្យដំណើរទស្សនកិច្ចរបស់លោកក្លាយជាការរស់នៅជាអចិន្រ្ដៃយ៍តែម្តង។
បច្ចុប្បន្ន លោកកំពុងជាប់ទាក់ទិនដ៏ជ្រៅក្នុងការអភិវឌ្ឍរបស់ប្រទេសនេះ ទាំងផ្នែកកម្រិត ឯកជន និងក្នុងនាមជាប្រធាន LLFitness ដែលជាក្រុមហ៊ុនលោកបានបង្កើតឡើង និងកំពុងតែជួយដល់អ្នកប្រយុទ្ធជាច្រើនក្នុងកម្មវិធី ONE Championship (ONE) ដូចជា ចាន់ រតនា ឲ្យក្លាយជាអ្នកប្រយុទ្ធកម្រិតកំពូល។
លោកបានឲ្យដឹងថា៖ «ខ្ញុំបានមកទីនេះដើម្បីសម្រាកវិស្សមកាលរយៈពេល ៣ ខែ ហើយខ្ញុំបានមើលឃើញសក្តានុពលដ៏ធំ។ ខ្ញុំបានសម្រេចចិត្តបន្តនៅទីនេះ ដើម្បីជួយមនុស្ស។ ដំបូងឡើយ វាគ្រាន់តែជាការសម្រាកវិស្សមកាលប៉ុណ្ណោះ ហើយបច្ចុប្បន្នវាមានរយៈពេល ៤ ឆ្នាំហើយ»។
នៅពេលដែលលោកបានមកដល់កម្ពុជា លោក Lanzafame មានអារម្មណ៍ថា លោកអាចជួយអភិវឌ្ឍប្រទេសនេះទៅលើក្បាច់យុទ្ធគុនចម្រុះ និង បានចាប់ដៃគូជាមួយនឹង ចាន់ រតនា ក្នុងរយៈពេល ២ ឆ្នាំចុងក្រោយនេះ។
អ្នកទាំង ២ បានទទួលឱកាសក្នុងការស្រូបយកអត្តប្រយោជន៍ពីគ្នាទៅវិញទៅមក។ លោក Lanzafame នាំយកចំណេះដឹងរបស់លោកទាំងក្នុងប្រទេសកំណើតរបស់លោក អ៊ីតាលី និងអង់គ្លេស ដែលជាកន្លែងលោកបានរៀននៅសាលា YMCA Academy ហើយរតនា មានបទពិសោធជាច្រើនក្នុងនាមជាតារាប្រដាល់គុនខ្មែរ នៅភ្នំពេញ។
ពួកគេបានរួមគ្នាជួយធ្វើការអភិវឌ្ឍ និងបង្ហាញពីក្បាច់ប្រដាល់ជម្រុះនៅកម្ពុជា តាមរយៈការប្រកួតក្នុងប្រទេសជាច្រើនដូចជាចិន ម៉ាឡេស៊ី និងហ្វីលីន។
រតនា ដំបូងឡើយត្រូវបានគ្រោងធ្វើការប្រកួតជាមួយនឹងកីឡាករយុទ្ធគុនចម្រុះមិនស្គាល់ចាញ់របស់ ឥណ្ឌូនេស៊ី Abro “The Black Komodo” Fernandes ក្នុងព្រឹត្តិការណ៍ ONE: HEART OF THE LION នៅថ្ងៃទី ៩ ខែវិច្ឆិកា ក្នុងប្រទេសសិង្ហបុរី ប៉ុន្តែ ត្រឹមតែរយៈពេលប៉ុន្មានថ្ងៃមុន រូបគេបានទទួលដំណឹងថា ការប្រកួតក្នុងទម្ងន់ ៦១,២ គីឡូក្រាមដែលបានគ្រោងទុកនោះត្រូវលុបចោលវិញ។
ប៉ុន្តែ បញ្ហានេះ នឹងមិនធ្វើឲ្យរូបគេបាក់ទឹកចិត្តឡើយ។ រូបគេនឹងរក្សាការហ្វឹកហាត់ និង រង់ចាំទាំងការអត់ធ្មត់សម្រាប់ការកោះហៅពី អង្គភាព ONE ទាក់ទងនឹងការវិលទៅប្រកួតវិញរបស់គេ ដែលរូបគេសង្ឃឹមថា នឹងកើតឡើងនៅដើមខែធ្នូ។
លោក Lanzafame ជឿជាក់ថា ប្រទេសនៃការស្រេកឃ្លានក្នុងការប្រកួត និងទទួលជោគជ័យ នឹងដើរតួនាទីដ៏សំខាន់ក្នុងចលនាកីឡាយុទ្ធគុនចម្រុះរបស់កម្ពុជា។
លោកបានឃើញការអភិវឌ្ឍរួចជាស្រេចរបស់ រតនា ក៏ដូចជាស្មារតីកីឡាករខ្មែរក្នុងកីឡាយុទ្ធគុនចម្រុះរបស់ប្រទេសនេះ។
បុរសរូបនេះបានបញ្ជាក់ថា៖ «វាគឺជាថាមពលនៃសុច្ឆន្ទៈ។ ពួកគេពិតជាស្រេកឃ្លាន ហើយពួកគេចង់បានជ័យជម្នះ។ វាគ្មានលេសណាមួយសម្រាប់ពួកគេឡើយ។ ពួកគេបញ្ចេញអស់ពីសមត្ថភាព»។
ស្របពេលកាលពីសប្តាហ៍មុន សហព័ន្ធកីឡាយុទ្ធគុនចម្រុះកម្ពុជា ត្រូវបានបង្កើតឡើង វាមានដំណើរឆ្ពោះទៅជាច្រើនរបស់ព្រះរាជាណាចក្រអច្ឆរិយមួយនេះ។
ក្នុងសង្វៀនដាក់ទ្រុងរបស់ ONE Championship ចាន់ រតនា វ័យ ៣២ ឆ្នាំ មានកំណត់ត្រាឈ្នះ ៣ លើក និងចាញ់ ៣ លើកដូចគ្នា៕
