The Phnom Penh Post Search

Search form

លោក Mancini ត្រូវបាន​ផ្តល់​ការងារ​ឲ្យ​សង្គ្រោះ​ក្រុម​អ៊ីតាលី

Content image - Phnom Penh Post
លោក Roberto Mancini គ្រូបង្វឹក​ថ្មី​របស់​ក្រុមអីុតាលី។ AFP

លោក Mancini ត្រូវបាន​ផ្តល់​ការងារ​ឲ្យ​សង្គ្រោះ​ក្រុម​អ៊ីតាលី

ក្រុងរ៉ូម: លោក Roberto Mancini អតីត​គ្រូបង្វឹក​របស់​ក្រុម Manchester City និង Inter Milan ត្រូវ​បាន​ផ្តល់​ការងារ​ដើម្បី​ជួយ​សង្គ្រោះ​ជោគ​វាសនា​របស់​ក្រុម​បាល់ទាត់​ជម្រើស​ជាតិ​អ៊ីតាលី ក្នុង​រយៈពេល​ត្រឹម​តែ ៦ ខែ ក្រោយ​ពី​ការ​ធ្លាក់​ចេញ​ដ៏​មិន​នឹក​ស្មាន​ដល់​ក្នុង​ការ​ប្រកួត​ជម្រុះ​សម្រាប់​យុទ្ធនាការ World Cup។

ក្រុម​ជម្រើសជាតិ​អ៊ីតាលី មិនមាន​គ្រូបង្វឹក​បង្គោល​ម្នាក់​ឡើយ ចាប់​តាំង​ពី​លោក Gian Piero Ventura ត្រូវ​បាន​បណ្តេញ​ចេញ ក្រោយ​ពី​ម្ចាស់​ជើងឯក​ពិភពលោក ៤ សម័យកាល​មួយ​នេះ បាន​ខកខាន​ក្នុង​ការ​ឈ្នះ​កៅអី​សម្រាប់​ព្រឹត្តិការណ៍ World Cup ជា​លើក​ទី ១ ចាប់​តាំង​ឆ្នា ១៩៥៨។

សហព័ន្ធ​កីឡាបាល់ទាត់​អ៊ីតាលី បាន​ស្វែងរក​គ្រូបង្វឹក​ដ៏​មាន​សក្តានុពល​ម្នាក់​ក្នុង​ការ​សង្គ្រោះ​ជោគ​វាសនា​ក្រុម​អ៊ីតាលី ក្រោយ​ពី​ចាញ់​ក្នុង​វគ្គ Playoff ក្រោម​ស្នាដៃ​ក្រុម​ជម្រើស​ជាតិ​ស៊ុយអែត នា​កីឡដ្ឋាន San Siro កាល​ពី​ខែ​វិច្ឆិកា។

បេក្ខភាព​ជាច្រើន​ផ្សេងទៀត​ដូចជា​លោក Carlo Ancelotti គ្រូបង្វឹក​របស់​ក្រុម Bayern Munich និង​លោក Antonio Conte គ្រូបង្វឹក​របស់​ក្រុម Chelsea ក៏បាន​ស្ថិត​ក្នុង​ការ​ពិចារណា​ផង​ដែរ ខណៈ​លោក Ancelotti ត្រូវ​បាន​គេ​បញ្ជាក់​ថា «បាន​ច្រាន​ចោល»។

លោក Mancini បានបង្ហាញ​ពី​ការចាប់អារម្មណ៍​របស់​លោក​ក្នុងការ​ចូលកាន់​តំណែង​ក្នុង​ក្រុម​ជម្រើសជាតិ​អ៊ីតាលី និង​ត្រៀម​លក្ខណៈ​រួចរាល់​ក្នុង​ការ​បញ្ចប់​កុងត្រា​ជាមួយ​នឹង​ក្លិប Zenit Saint Petersburg។

ក្រោយពី​កិច្ចសន្យា​រយៈពេល ៣ ឆ្នាំ​របស់​លោក ត្រូវបាន​លុប​ចោល​ជា​ផ្លូវការ​ក្រោម​ការ​យល់​ព្រម​ទាំង​សង​ខាង កាល​ពី​ថ្ងៃ​អាទិត្យ គ្រូបង្វឹក​វ័យ ៥៣ ឆ្នាំ​រូប​នេះ បាន​ធ្វើ​ដំណើរ​ទៅ​កាន់​ទីក្រុង​រ៉ូម​ភ្លាមៗ កាល​ពី​ព្រឹក​ថ្ងៃ​ចន្ទ និង​ចុះ​ហត្ថលេខា​លើ​កុងត្រា​ថ្មី​របស់​លោក​នា​ល្ងាច​ថ្ងៃ​ដដែល​នោះ។ ការងារ​របស់​លោក គឺ​ការ​រៀបចំ​ក្រុម​ជម្រើស​ជាតិ​ឡើង​វិញ និង​ការ​ប្រជែង​យក​កៅអី​ទៅ​កាន់​ព្រឹត្តិការណ៍ Euro ឆ្នាំ ២០២០។

លោក Roberto Fabbricini ប្រធាន​ក្រុមប្រឹក្សា​សហព័ន្ធ​កីឡាបាល់ទាត់​អ៊ីតាលី បាន​បញ្ជាក់​ថា លោក Mancini ត្រូវបាន​ជ្រើសរើស ពី​ព្រោះ​លោក «មាន​ការ​ស្រេក​ឃ្លាន​ដ៏​អស្ចារ្យ» ដើម្បី​ក្លាយជា​គ្រូបង្វឹក​ថ្មិ​របស់​ក្រុម​អ៊ីតាលី។ ការ​បង្ហាញ​ខ្លួន​ក្នុង​សន្និសីទ​ជា​លើក​ទី ១ របស់​គ្រូបង្វឹក​ថ្មី​រូប​នេះ បាន​រៀបចំ​ឡើង​កាល​ពី​ថ្ងៃ​អង្គារ នៅ​លើ​ទីលាន​ហ្វឹកហាត់​របស់​ក្រុម​ជម្រើស​ជាតិ Coverciano។

ក្រោយពី​កុងត្រា​ត្រូវបាន​ចុះ​ហត្ថលេខា​ក្នុង​ទីក្រុង​រ៉ូម លោក Fabbricini បាន​ប្រាប់​អ្នក​យក​ព័ត៌មាន​ថា៖ «វា​បាន​ដំណើរការ​តាម​ផ្លូវ​ដែល​យើង​ចង់​បាន។ យើង​ពិតជា​រីករាយ​ណាស់ ហើយ​លោក Roberto ក៏​រីករាយ​ដែរ»៕

អត្ថបទគួរចាប់អារម្មណ៍

  • អាជ្ញាធរ​ហាម​កប់​សព ឬ​ធ្វើ​ម៉ុង​នៅ​តាម​ជើងភ្នំ​ស្វាយ

    បន្ទាយមានជ័យៈ អាជ្ញាធរ​ខេត្ត​បន្ទាយមានជ័យ​បាន​ចេញ​បម្រាម​មិន​ឲ្យ​មាន​ការ​សាងសង់​ផ្នូរ​កប់​សព ធ្វើ​ចេតិយ​ ឬ​ធ្វើ​ម៉ុង​នៅ​តាម​ជើងភ្នំ​ស្វាយ​ក្នុង​ក្រុង​សិរីសោភ័ណ​ទៀត​ឡើយ ដោយសារ​តែ​វា​ធ្វើឲ្យ​ខូច​ដល់​សោភណភាព​ភ្នំ​ធម្មជាតិ​ដែល​ជា​ទី​ទៅ​កម្សាន្ត​សម្រាប់​ភ្ញៀវទេសចរ​ជាតិ និង​អន្តរជាតិ​។ ការសម្រេច​នេះ​ត្រូវ​បាន​ធ្វើ​ឡើង​នៅក្នុង​កិច្ចប្រជុំ​មួយ​នៅ​សាលាខេត្ត​កាលពី​ថ្ងៃទី​ ១៤ ខែ​សីហា​ឆ្នាំ​ ២០១៨​។

  • ចិន​នឹង​បញ្ជូន​ក្រុម​អ្នកចរចា​ទៅ​អាមេរិក

    ក្រុងប៉េកាំងៈ ក្រសួង​ពាណិជ្ជកម្ម​ចិន​បាន​ឲ្យ​ដឹង​កាលពី​ថ្ងៃ​ព្រហស្បតិ៍​ថា ចិន​នឹង​បញ្ជូន​អ្នកចរចា​ជាន់​ខ្ពស់​ទៅ​សហរដ្ឋអាមេរិក​នៅ​ចុង​ខែ​សីហា​នេះ ដើម្បី​បន្ត​ការចរចា​ពាណិជ្ជកម្ម​ឡើង​វិញ ដែល​ជា​កិច្ចប្រជុំ​សាធារណៈ​លើកដំបូង​ក្នុង​រយៈពេល​ជាច្រើន​សប្ដាហ៍​ទាក់ទង​នឹង​ប្រធានបទ​នេះ ខណៈ​ជម្លោះ​ពាណិជ្ជកម្ម​មាន សភាព​កាន់តែ​ខ្លាំង​ឡើង​។

  • បរទេស​ និង​ខ្មែរ​ ៥៣ ​នាក់​ត្រូវ​បាន​ចាប់​ខ្លួន​ពាក់ព័ន្ធ​នឹង​គ្រឿងញៀន

    ព្រះសីហនុៈ ជនបរទេស និង​ខ្មែរ​ចំនួន​ ៥៣ ​នាក់​ត្រូវ​បាន​ចាប់ខ្លួន​កាលពី​ម្សិលមិញ​នៅក្នុង​សង្កាត់​លេខ​ ៤ ក្រុង​ព្រះសីហនុ​ពេល​កំពុង​ប្រព្រឹត្ត​បទល្មើស ជួញដូរ និង​ប្រើប្រាស់​គ្រឿងញៀន​នៅក្នុង​រង្គសាល​ស្កាយឡាញ​ ១ ​កន្លែង​។

  • CPP ការពារ​លទ្ធផល​បោះឆ្នោត ហើយ​ថា​រាល់​ការរិះគន់​គឺជា​ការប្រមាថ​ប្រជាជន​កម្ពុជា​យ៉ាង​ធ្ងន់ធ្ងរ

    ភ្នំពេញៈ បន្ទាប់ពី​ទទួល​បាន​ជ័យជម្នះ​ក្ដោប​ក្ដាប់​យក​អាសនៈ​ទាំង​ ១២៥ នៅក្នុង​រដ្ឋសភា មន្ត្រី​ជាន់ខ្ពស់​នៃ​គណបក្ស​ប្រជាជន​កម្ពុជា​កាលពី​ម្សិលមិញ​បាន​ចេញ​មុខ​នៅ​ចំពោះ​ប្រព័ន្ធ​ផ្សព្វផ្សាយ​ជាតិ និង​អន្តរជាតិ​ដើម្បី​ការពារ​ជ័យជម្នះ​ដែល​ទទួល​បាន​ពី​ការបោះឆ្នោត​កាលពី​ថ្ងៃទី​ ២៩ ខែ​កក្កដា​កន្លង​មក​នេះ ហើយ​ក៏​បាន​វាយបក​ធ្ងន់ៗ​ប្រឆាំង​បណ្ដា​ប្រទេស​ប្រជាធិបតេយ្យ​ខ្លះ និង​អតីត​គណបក្ស​ប្រឆាំង​ដែល​រិះគន់​ខ្លួន​ថា​បាន «​ប្រមាថ​យ៉ាងធ្ងន់ធ្ងរ​» ដល់​ឆន្ទៈ​ប្រជាជន​កម្ពុជា ហើយ «​ឧបាយកល​ដ៏ពិសពុល​» របស់​ពួកគេ​បាន​ទទួល​បរាជ័យ​ជា​អ្វី​ដែល​អតីត​មន្ត្រី​ជាន់ខ្ពស់​គណបក្ស​ប្រឆាំង និង​អ្នកវិភាគ​ជំទាស់​។