The Phnom Penh Post Search

Search form




Logo of Phnom Penh Post newspaper Phnom Penh Post - វាយសី​ នឹង​​ប្រកួត​ជ្រើសរើស​យក​អ្នក​មាន​សមត្ថភាព​ត្រៀម​ស៊ីហ្គេម




វាយសី​ នឹង​​ប្រកួត​ជ្រើសរើស​យក​អ្នក​មាន​សមត្ថភាព​ត្រៀម​ស៊ីហ្គេម

Content image - Phnom Penh Post
កីឡាការិនី​វាយសី​កម្ពុជា កែរ ពេជ្រឆរ៉ាវី ពេល​ចូល​រួមការ​ប្រកួតស៊ីហ្គេម នា​ពេល​កន្លង​មក។ រូបថត ភ្នំពេញ ប៉ុស្តិ៍

វាយសី​ នឹង​​ប្រកួត​ជ្រើសរើស​យក​អ្នក​មាន​សមត្ថភាព​ត្រៀម​ស៊ីហ្គេម

ភ្នំពេញ៖ ​សហព័ន្ធ​កីឡា​វាយសី​កម្ពុជា ​នឹង​លើក​យក​ការ​ប្រកួត​កីឡា​វាយសី​ជ្រើសរើស​ជើងឯក​ថ្នាក់​ជាតិ​ឆ្នាំ ២០២០ ​ដែល​ខកខាន​មិន​អាច​រៀបចំ​បាន ដោយ​សារ​វិបត្តិ​ជំងឺ​កូវីដ ​១៩ ​នោះ មក​ធ្វើ​ជា​ថ្មី នៅ​អគារ​សហព័ន្ធ​​ក្នុង​ពហុកីឡដ្ឋានជាតិ​អូឡាំពិ​កកម្ពុជា ពី​​ថ្ងៃទី ​១៦ ដល់​ថ្ងៃទី ​១៨ ខែ​មករា ឆ្នាំ ​២០២១ ​នេះ។

ជាមួយ​គ្នា​នេះ ថ្នាក់​ដឹកនាំ​សហព័ន្ធ​កីឡា​វាយសី​កម្ពុជា​បាន​អះអាង​ថា ​​​ចំពោះ​ក្រុម​អត្តពលិក​ជា​ម្ចាស់​​ជយលាភី ដែល​បង្ហាញ​សមត្ថភាព​ល្អ​នៅ​ក្នុង​ការ​ប្រកួត​ថ្នាក់ជាតិ​លើក​នេះ នឹង​ត្រូវ​ដាក់​នៅ​ក្នុង​បេក្ខភាព​​ដែល​​វាយ​តម្លៃ ពី​គណៈកម្មាធិការ​ប្រតិបត្តិ និង​ប្រធាន​សហព័ន្ធ ដើម្បី​ដាក់​បញ្ចូល​ជា​អត្តពលិក​ឆ្នើម​របស់​សហព័ន្ធ​ ត្រៀម​សម្រាប់​ចេញ​ទៅ​ប្រកួត​ស៊ីហ្គេម​តំណាង​ឱ្យ​កម្ពុជា។

លោក​ ជាម ​សុភា​ អគ្គលេខាធិការ​សហព័ន្ធ​កីឡា​វាយសី​កម្ពុជា​ប្រាប់​​ថា៖​ «កីឡាករ-​ការិនី​ ដែល​ជ្រើស​រើស​ចេញ​ពី​ការ​ប្រកួត​ជ្រើសរើស​ជើងឯក​ថ្នាក់​ជាតិ​ឆ្នាំ ២០២០ ​នេះ ​នឹង​ត្រូវ​ដាក់​នៅ​ក្នុង​បេក្ខភាព ​​ដើម្បី​វាយ​តម្លៃ​ដាក់​បញ្ចូល​ជា​អត្តពលិក​ឆ្នើម​របស់​​សហព័ន្ធ​ ដោយ​​​រង់ចាំ​សេចក្តី​សម្រេច​ពី​គណៈកម្មាធិការ​ប្រតិបត្តិ​ និង​ឆ្លង​ទៅ​​ឯកឧត្តម​ឧត្តម​សេនីយ៍ឯក ​លី ​កុសល ជា​ប្រធាន​សហព័ន្ធ»។

លោក​ឧត្តម​សេនីយ៍ទោ ​ជាម ​សុភា បាន​បន្ថែម​ថា៖ ​«ការ​វាយ​តម្លៃ​ដាក់​បញ្ចូល​ជា​អត្តពលិក​ឆ្នើម​របស់​​សហព័ន្ធ​នេះ ក៏​ព្រោះ​តែ​​យើង​បាន​កំណត់​ជ្រើសរើស​យក​អត្តពលិក​​សុទ្ធសឹង​តែ​ជា​​អ្នក​មាន​សមត្ថភាព​ឆ្នើមៗ​ចំនួន ​៧ នាក់ ​ដើម្បី​បំពាក់​បំប៉ន​ហ្វឹកហាត់​ជា​ជម្រើស​ជាតិ​បម្រុង​​ស៊ីហ្គេម​លើក​ទី​៣១ ​ឆ្នាំ ​២០២១ នៅ​ប្រទេស​វៀតណាម ​​និង​ស៊ីហ្គេម​លើក​ទី៣២ ​ឆ្នាំ ​២០២៣​ ​ដែល​ព្រះរាជាណាចក្រ​កម្ពុជា​ធ្វើ​ជា​ម្ចាស់​ផ្ទះ​»។

ចំណែក​លោក លី​ កុសល​ ប្រធាន​សហព័ន្ធ​កីឡាវាយ​សី​កម្ពុជា​​បាន​អះអាង​ថា សហព័ន្ធ​មាន​កម្មវិធី​ហ្វឹកហាត់​ខ្លាំង​សម្រាប់​ការ​ត្រៀម​ទៅ​ប្រកួត​ស៊ីហ្គេម។ លោក​បាន​ថ្លែង​ថា៖​​ «​តាម​ការ​គ្រោង​ទុក​ការ​ប្រកួត​នៅ​ស៊ីហ្គេម​ ឆ្នាំ ​២០២១ នៅ​ប្រទេស​វៀតណាម​ សហព័ន្ធ​បាន​ដាក់​កម្មវិធី​ហ្វឹកហាត់​សម្រុក​យ៉ាង​ខ្លាំង​ក្នុង​នោះ​មាន​ទាំង​ការ​ប្រកួត​ធ្វើ​តេស្ត​សមត្ថភាព​​របស់​អត្តពលិក​ជម្រើស​ជាតិ​ប្រចាំ​សប្តាហ៍​ផង​ដែរ ​ក្នុង​គោល​បំណង​ផ្តល់​រង្វាន់​លើក​ទឹក​ចិត្ត ​និង​​ពង្រឹង​សមត្ថភាព​ឱ្យ​ល្អ​ឆ្ពោះ​ទៅ​ស៊ីហ្គេម»​។​​

លោក​បាន​បន្ថែម​​​ថា​៖ «​យើង​បាន​ខិតខំ​យ៉ាង​ខ្លាំង​ ដោយ​ចូលរួម​​ទាំង​អស់​គ្នា​ក្នុង​ការ​ដាក់​ផែនការ​សម្រួច​អភិវឌ្ឍ​សមត្ថភាព​កីឡាករ​-ការិនី​ជម្រើស​ជាតិ​ ឈាន​ទៅ​សម្រេច​ឱ្យ​បាន​តាម​ផែនការ​មេ​របស់​ CAMSOC ​គឺ​​យ៉ាង​ហោច​សហព័ន្ធ​កីឡា​វាយ​សី ត្រូវ​​ខិតខំ​ឱ្យ​ឈ្នះ​បាន​មេដាយ​មាស ​១ ​ជូន​មាតុ​ភូមិ​នៅ​​ស៊ីហ្គេម​ឆ្នាំ ​២០២៣​»។

សម្រាប់​ការ​ប្រកួត​កីឡា​វាយសី​ជ្រើស​រើសជើង​ឯកថ្នាក់​ជាតិ​ឆ្នាំ ​២០២០ ​នេះ មាន​​ក្លិប​ និង​សម្ព័ន្ធ​កីឡា​វាយសី​ចំនួន ​១៥​ បាន​ដាក់​ពាក្យ​ចូលរួម​ប្រកួត រួម​មាន​ក្លិប​វាយ​សី​ពហុកីឡដ្ឋាន​ជាតិ, ក្លិប​ព្រះខ័ន​រាជ, 1 2 Play, ការពារ​អាកាស ជ/គ, ភ្នំពេញ, ក្រសួង​មហាផ្ទៃ, ក្រសួង​សេដ្ឋកិច្ច និង​ហិរញ្ញវត្ថុ ព្រម​ទាំង​សម្ព័ន្ធ​កីឡា​វាយសី​ខេត្ត​កំពង់ស្ពឺ ខេត្ត​ព្រៃវែង ខេត្ត​ព្រះសីហនុ ខេត្ត​ប៉ៃលិន ខេត្ត​សៀមរាប ខេត្ត​កំពង់ឆ្នាំង ខេត្ត​កំពង់ចាម និង​សម្ព័ន្ធ​​កីឡា​វាយ​សី​ខេត្ត​ស្វាយ​រៀង ដោយ​មាន​ប្រតិភូ ​៤៣ ​នាក់ កីឡាករ ​១១៤ នាក់ កីឡា​ការិនី​ចំនួន​ ​២៥ ​នាក់ ហើយ​ពួក​គេ​ត្រូវ​​​ប្រកួត​ប្រជែង​នៅ​លើ​វិញ្ញាសា​​ប្រកួត​ចំនួន ​៧៕

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ