ក្រុងរុស្ស៊ី: ក្រុមបាល់ទាត់ជម្រើសជាតិអង់គ្លេស នឹងបើកយុទ្ធនាការ World Cup របស់ពួកគេ កាលពីថ្ងៃចន្ទ ខណៈដែលអ្នកចាត់ការទូទៅលោក Gareth Southgate សម្លឹងរកការលុបចោលការចងចាំដ៏ខកចិត្តនានាលើការបង្ហាញពីទម្រង់លេងក្នុងយុទ្ធនាការធំៗនាពេលថ្មីៗនេះ។
ក្រុមជម្រើសជាតិអង់គ្លេស ដែលបានឈ្នះពានរង្វាន់ធំរបស់កីឡាបាល់ទាត់ក្នុងរយៈពេលច្រើនជាងកណ្តាលសតវត្សរ៍កន្លងទៅនោះ បានធ្លាក់ចេញត្រឹមវគ្គចែកពូល ក្រោយមិនស្គាល់ឈ្នះសោះកាលពី៤ឆ្នាំមុន ក្នុងប្រទេសប្រេស៊ីល និងមិនធ្លាប់បានឈ្នះការប្រកួតក្នុងវគ្គចាញ់ធ្លាក់សោះក្នុងយុទ្ធនាការធំៗ បើគិតចាប់តាំងពីឆ្នាំ២០០៦។
ប៉ុន្តែ ការប្រជែងក្រុមប្រជុំដោយកីឡាករវ័យក្មេងរបស់លោក Southgate នឹងចាប់ផ្តើមទាំងការជឿជាក់ ក្រោយពីការបង្ហាញពីទម្រង់លេងយ៉ាងរឹងមាំក្នុងវគ្គជម្រុះ និងលទ្ធផលប្រកបដោយការលើកទឹកចិត្តពីការប្រកួតមិត្តភាពជាមួយនឹងក្រុមខ្លាំងៗដូចជា ប្រេស៊ីល អាល្លឺម៉ង់ អ៊ីតាលី និងហូឡង់។
ពួកគេនឹងត្រូវប៉ះជាមួយនឹងក្រុមជម្រើសជាតិទុយនីស៊ី ក្នុងទីក្រុងប្រវត្តិសាស្ត្រ Volgograd នៅរាត្រីនេះ ដោយដឹងថា ការមិនអាចដណ្តើមបានជ័យជម្នះ នឹងរំខានដល់ផែនការមុនយុទ្ធនាការនេះ ស្របពេលដែលពួកគេក៏ត្រូវប៉ះជាមួយនឹងបែលហ្ស៊ិក ក្នុងពូល G ផងដែរ។
ការខ្វះនូវបទពិសោធរបស់លោក Southgate បានបង្កើតឲ្យមានការរិះគន់យ៉ាងខ្លាំង នៅពេលដែលលោកត្រូវបានតែងតាំងជាគ្រូបង្វឹក ប៉ុន្តែ អតីតគ្រូបង្វឹករបស់ក្រុមអាយុក្រោម២១ឆ្នាំរូបនេះ បានបង្កើតឲ្យមានសាមគ្គីភាព និងការប្តេជ្ញាចិត្តក្នុងការលុបចោលការបរាជ័យកាលពីមុន។
លោក Southgate បានប្រាប់អ្នកយកព័ត៌មាននាកីឡដ្ឋាន Volgograd Arena កាលពីថ្ងៃអាទិត្យថា៖ «ក្រុមនេះ មិនគួរត្រូវបានដាក់បន្ទុកជាមួយនឹងបញ្ហានោះឡើយ ពីព្រោះពួកគេជាក្រុមថ្មី ភាគច្រើននៃពួកគេមានករបង្ហាញខ្លួនជាអន្តរជាតិតិចតួច ហេតុនេះ អនាគតកំពុងតែស្ថិតនៅចំពោះមុខរបស់ពួកគេ»។
ការប្រកួតនេះនឹងចាប់ផ្តើមនៅម៉ោង ១០ យប់៕ IS