The Phnom Penh Post Search

Search form




Logo of Phnom Penh Post newspaper Phnom Penh Post - អូស្ត្រាលីបង្ខំចិត្ត​ផ្អាក​ការ​ប្រកួត ​Hyundai A-League ដោយសារវិបត្តិ​កូវីដ




អូស្ត្រាលីបង្ខំចិត្ត​ផ្អាក​ការ​ប្រកួត ​Hyundai A-League ដោយសារវិបត្តិ​កូវីដ

Content image - Phnom Penh Post
សកម្ម​ភាព​ប្រកួត​ក្នុងក្របខ័ណ្ឌ Hyundai A-League កន្លងមក។ AFP

អូស្ត្រាលីបង្ខំចិត្ត​ផ្អាក​ការ​ប្រកួត ​Hyundai A-League ដោយសារវិបត្តិ​កូវីដ

អូស្រ្តាលីៈ សហព័ន្ធ​កីឡា​បាល់-​​ទាត់​អូស្ត្រាលី (​FFA​) បាន​ប្រកាសជា​ផ្លូវ​ការ​​​ថា ​ខ្លួនសម្រេច​​ពន្យារ​ពេល​ការ​ប្រកួត ​ដែលនៅ សល់នៃ​ក្របខ័ណ្ឌ​ Hyundai A-League រដូវ​កាល ២០១៩-២០២០ ហើយ​ ហើយ​ការ​ផ្អាក​​នេះ​មាន​ប្រសិទ្ធ​ភាព​ភ្លាម​ៗ​។

ការ​សម្រេច​នេះ គឺ​ជា​វិធាន​​ការ​បន្ត​បន្ទាប់​ចុងក្រោយ​ ដែល​ចេញ​ដោយ FFA ដើម្បី​ឆ្លើយ​​ ទៅ​នឹង​ការ​រាល​ដាល​ដែលចេះ​តែ​កើន​ឡើង​នៃ​ជំងឺកូវីដ​១៩ និង​ដើម្បីផ្ដល់​ការ​គាំ​ទ្រ​ជាឯក​ច្ឆន្ទ ដល់​ក្លិបនៅ​ក្របខ័ណ្ឌ Hyundai A-League ទាំង​អស់ ហើយសហព័ន្ធនឹង​ពិនិត្យ​ស្ថានការណ៍​នេះ​ឡើង​វិញ​ម្ដង​ទៀត នៅ​ប៉ុន្មាន​សប្ដាហ៍​ខាង​មុខ​ដោយ​មាន​ការ​វាយ​តម្លៃ​ផ្លូវ​ការ​ តែ​ពេល​នេះ​ ថ្ងៃ​ទី​២២ ខែ​មេសា គឺជា​ការ​កំណត់របស់​យើង​។​

ពាក់ព័ន្ធ​នឹង​សេចក្ដី​ប្រកាស​នេះ លោក James Johnson នាយក​ប្រតិបត្តិរបស់ FFA បានថ្លែង​ថា​៖​«​អាទិភាពរបស់​យើង គឺ​ធានា​សុវត្ថិភាព ទាំង​សហគមន៍​បាល់​ទាត់ និង​សហគមន៍​ទូទៅ​។ នៅ​ពេល​ឃើញ​មាន​អ្នក​​ស្លាប់​រាល់​ថ្ងៃ បាន​ធ្វើ​ឲ្យ​យើង​កាន់​តែ​បារម្ភ​ចំពោះ​សុវត្ថិភាព​សហគមន៍​ទាំង២ ដូច្នេះ​ចាំ​បាច់​ណាស់​ដែល​យើង​ត្រូវ​គោរព​តាម​ការ​ណែនាំ​របស់​រដ្ឋា​ភិបាល​​ ​​​ហើយ​យើង​ត្រូវ​ចាត់​វិធាន​ការ​ចាំ​បាច់​ជាមុន និង​ដោយ​ប្រុង​ប្រយ័ត្ន ដើម្បី​រួម​ចំណែក​ជួយ​ទប់​ស្កាត់​ពី​ការ​រាល​ដាល​ និង​ផល​ប៉ះ​ពាល់នៃ​ជំងឺ​កូ​វីដ​១៩​»​។

លោក​ Johnson បាន​បន្ត​ទៀត​ថា​៖ ​«​ដោយ​ការ​ប្រកួត​ជិត​បញ្ចប់​ទាំង​ស្រុង​ទៅ​ហើយ តែ​បែ​រ​​ជា​មក​បញ្ឈប់​ត្រឹម​តែ​ប៉ុន្មាន​សប្ដាហ៍​បែបនេះ បានកំពុង​ធ្វើ​ឲ្យ​កីឡាករ ក្លិប និង​អ្នក​គាំទ្រ​ខូច​ចិត្ត​យ៉ាង​ខ្លាំង ប៉ុន្តែ​កត្តា​សុខភាព និង​សុវត្ថិភាព​នៃ​អ្នក​គ្រប់​គ្នា តែង​តែ​ត្រូវ​បាន​យក​មក​គិត​គូរ មុន​អ្វី​ៗ​ទាំង​អស់​។ ដោយសារ​បែបនេះ ​ទើប​នាំ​ឲ្យ​មាន​ការ​គាំ​ទ្រជាឯកច្ឆន្ទ​ទាំង​ថ្នាក់​ជាតិ និង​មូល​ដ្ឋាន ក្នុង​ការ​សម្រេច​ពន្យារ​ការ​ប្រកួត​បាល់​ទាត់​ក្នុង​ស្រុក​នេះ រហូត​ដល់​ថ្ងៃ​ទី ​១៤ ខែ​មេសា​។ មិន​មែន​ជារឿង​ងាយ​ស្រួល​ប៉ុន្មាន​ទេ​ សម្រាប់​ការ​សម្រេចថ្ងៃ​នេះ តែចាំ​បាច់​ត្រូវ​តែ​ធ្វើ​អ៊ីចឹង ព្រោះ​ជារឿង​ចៀ​ស​មិន​ផុត​»​។​​​

លោក​នាយក​ប្រតិបត្តិ​រូប​នេះបាន​បន្ថែម​ទៀត​​ថា​៖ ​«​តាងនាមឲ្យ​​​ក្រុម​ប្រឹក្សា FFA និង​ក្លិប​ទាំង​អស់​នៅ​ក្រប​ខ័ណ្ឌ Hyundai A-League សូម​ថ្លែងអំណរគុណ​ដល់កីឡាករ​ទាំងអស់ សម្រាប់​ជំនួយ​របស់​ពួក​គេ ក្នុង​អំឡុងពេលមិន​ធម្មតា​នេះ​។ យើងបាន​ធ្វើ​អ្វី​គ្រប់​យ៉ាង​អស់​ពី​សមត្ថភាព ដើម្បី​បាន​ធានា​នូវ​សុខុមាលភាព ទាំង​រាងកាយ និង​សតិអារម្មណ៍​របស់​កីឡាករ ព្រមទាំង​បុគ្គលិក​របស់​ក្លិប ហើយ​ការ​សម្រេច​ចិត្ត​នេះមាន​ន័យ​ថា ដូច​ប្រជាជន​អូស្ត្រាលី​ភាគច្រើន​ដែរ ឥឡូវ​នេះ ពួក​គេ​អាច​ត្រឡប់​ទៅ​ផ្ទះ ដើម្បី​បាន​នៅជា​មួយ​គ្រួសារ​របស់​ខ្លួន​ ក្នុង​គ្រាលំបាក​នេះ​»​។

ជាមួយ​គ្នា​នេះ លោក Johnson ក៏​បាន​ថ្លែង​អរគុណដល់​ភាគី​ពាក់ព័ន្ធ​ផងដែរ ដោយ​បាន​និយាយថា​៖​«ពួក​យើង​សូម​អរ​គុណ​ដល់​សមាជិកគ្រប់​រូប ក្រុមហ៊ុន​ឧបត្ថម្ភ​ទាំងឡាយ ក្រុម​អ្នក​ស្ម័គ្រ​ចិត្ត និង​អ្នក​គាំ​ទ្រ​ទាំង​អស់ ដែល​បន្ត​ការ​គាំ​ទ្រ​មិន​បោះ​បង់គ្នាក្នុង​ពេល​វេលា​ ដែល​មិន​ធ្លា​ប់​មាន​ពី​មុន​មក»​៕ VN

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។