The Phnom Penh Post Search

Search form




Logo of Phnom Penh Post newspaper Phnom Penh Post - អេស្ប៉ាញ ផ្តួល​ស៊ុយអែត​រក្សា​ភាពខ្លាំង​ក្នុង​វគ្គ​ជម្រុះ Euro

អេស្ប៉ាញ ផ្តួល​ស៊ុយអែត​រក្សា​ភាពខ្លាំង​ក្នុង​វគ្គ​ជម្រុះ Euro

Content image - Phnom Penh Post
ខ្សែប្រយុទ្ធ Marata (​ឆ្វេង​) និង​ខ្សែការពារ Ramos បាន​អបអរ​ក្រោយ​ពួកគេ​រកបាន​គ្រាប់​បាល់​។ រូប AFP

អេស្ប៉ាញ ផ្តួល​ស៊ុយអែត​រក្សា​ភាពខ្លាំង​ក្នុង​វគ្គ​ជម្រុះ Euro

ក្រុង Madrid: ក្រុម​ជម្រើសជាតិ​អេស្ប៉ាញ​បាន​យក​ឈ្នះ​ជម្រើសជាតិ​ស៊ុយអែត ៣-០ កាលពី​រាត្រី​ថ្ងៃ​ចន្ទ ខណៈ​កីឡាករ Sergio Ramos និង Alvaro Morata បាន​ស៊ុត​បាល់​ពិន័យ​​ ១១ ​ម៉ែត្រ​យ៉ាង​ល្អ​ម្នាក់​ ១ ​គ្រាប់ ដើម្បី​រក្សា​ការចាប់ផ្ដើម​ដ៏ល្អ​របស់​ពួកគេ​នៅក្នុង​ការប្រកួត​ជម្រុះ Euro 2020​។

ក្រុម​ជម្រើសជាតិ​អេស្ប៉ាញ​បាន​ខិតខំ​ទម្លុះ​ខ្សែការពារ​ដ៏ស្វិតស្វាញ​របស់​ក្រុម​ស៊ុយអែដ​នៅ​កីឡដ្ឋាន Santiago Bernabeu ប្រទេស​អេស្ប៉ាញ​រហូត​ទាល់តែ​អេស្ប៉ាញ​ទទួល​បាន​បាល់​ពិន័យ​ ១១ ​ម៉ែត្រ​ពី​ស៊ុយអែត​ហើយ​បាល់​ពិន័យ​ ១១ ​ម៉ែត្រ​នេះ ស៊ុត​ដោយ​ខ្សែការពារ Ramos នៅ​នាទី​ទី​ ៦៤ ហើយ​ ១ ​គ្រាប់​ទៀត​ដោយ​កីឡាករ Morata បន្ទាប់​មក Mikel Oyarzabal រក​បាន​ ១ ​គ្រាប់​ចុងក្រោយ​នៅ​នាទី​ទី​ ៨៧​។

ជ័យជម្នះ​នេះ ៣-០ លើ​ក្រុម​ស៊ុយអែត​នេះ​បាន​ជួយ​ឲ្យ​ក្រុម​អេស្ប៉ាញ​នៅតែ​បន្ត​ស្ថិត​នៅ​លើ​កំពូល​តារាង​នៃ​ពូល F ដដែល​ជាមួយ​ការឈ្នះ​ទាំង​ ៤ ​ប្រកួត​ក្នុង​ចំណោម​ ៤ ​ប្រកួត​ដោយ​នាំមុខ​ ៥ ​ពិន្ទុ​ទៅ​លើ​ក្រុម​ជម្រើសជាតិ​ស៊ុយអែត ដែល​ឈរ​នៅ​លេខ​ ២​។

ការឈរ​នៅ​លើ​កំពូល​តារាង​នេះ​បាន​បង្ហាញ​ពី​ការវិល​ទៅ​រក​ភាពខ្លាំង​គួរ​ឲ្យ​ចាប់អារម្មណ៍​មួយ ក្រោយពី​ក្រុម​អេស្ប៉ាញ​មាន​ទម្រង់​លេង​គួរ​ឲ្យ​ឈឺចាប់​នៅ​ក្របខ័ណ្ឌ UEFA Nations League ទោះ​ជា​ពួកគេ​បាន​ឈ្នះ​ ៣ ​ប្រកួត​មុន​នោះ​ទៅលើ​ប្រទេស Norway, Malta និង Faroe Islands ក៏ដោយ​។

កីឡាករ Luis Enrique បាន​អវត្តមាន​ពី​ការប្រកួត​ជាច្រើន​តាំងពី​ការប្រកួត​ជាមួយ​ប្រទេស Malta កាលពី​ខែ​មីនា​ដោយសារ​ស្ថានភាព​គ្រួសារ ហើយ​តាំងពី​នោះ​គេ​មិន​បាន​ឃើញ​គាត់​ចូល​លេង​ទេ ដោយ​ដាក់​ជំនួស​កីឡាករ Robert Moreno វិញ​។

ទោះបី​ជា​យ៉ាងណា Moreno បាន​និយាយ​ថា​៖ «​យើង​នៅ​តែ​អាច​លេង​បាន​ល្អ​ប្រសើរ​តាម​ទម្រង់​លេង​ជាច្រើន ហើយ​យើង​កំពុងតែ​ស្វែងរក​ភាពល្អ​បន្ថែម​ទៀត​»​។ ប៉ុន្តែ​ Moreno បាន​បញ្ជាក់​ពី​ថ្ងៃ​អាទិត្យ​ថា រូបគេ​មាន​ទំនាក់ទំនង​ជានិច្ច​ជាមួយ​កីឡាករ Luis ហើយ Ramos បាន​និយាយ​ដោយ​ទទូច​ថា ស្ថានភាព​នេះ​មិន​ប៉ះពាល់​ដល់​ក្រុម​កីឡាករ​ពួកគេ​ទេ​។

ក្នុង​ការប្រកួត​រវាង​អេស្ប៉ាញ និង Faroe Islands នេះ អេស្ប៉ាញ​បាន​ឈ្នះ ៤-១ កាលពី​ថ្ងៃ​សុក្រ ប៉ុន្តែ​ហាក់​ដូចជា​មិន​សូវ​មាន​ការចាប់​អារម្មណ៍​ពី​មហាជន​ទាល់​តែ​សោះ​។

កីឡាករ Moreno បាន​និយាយ​ថា​៖ «​ខ្ញុំ​គិត​ថា​នៅ​អេស្ប៉ាញ​យើង មិន​ចូលចិត្ត​មើល​ការប្រកួត​បរទេស​ច្រើន​ទេ​។ ប្រសិន​បើ​ពួកគេ​បាន​ឃើញ​ស្នាដៃ​របស់​កីឡាករ Kepa នៅ​ចុងក្រោយ​នៃ​រដូវកាល​នេះ​គឺ​គ្មាន​អ្នក​ណា​ម្នាក់​ភ្ញាក់ផ្អើល ចំពោះ​ការសម្រេចចិត្ត​របស់​យើង​ឡើយ​»៕ SN

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។