.jpg)
កីឡាករថៃ Theap Kav (ស្តាំ) និងកីឡាករឡុង ជិន ដែលត្រូវប្រកួតបង្គ្រប់កិច្ចចុងសប្តាហ៍នេះ។ សហការី
ភ្នំពេញ: អ្នកស្រី ឡុង រ៉ាវី ប្រធានក្លិបប្រដាល់គុនខ្មែរខ្លារខិនមានរិទ្ធ និងជាអ្នកគ្រប់គ្រងកីឡាករឡុង ជិន ដែលកំពុងជាប់ក្នុងកិច្ចសន្យាប្រកួតវគ្គជម្រុះដណ្តើមខ្សែក្រវាត់ខារ៉ាបាវទម្ងន់ ៥៧ គីឡូក្រាមរបស់សង្វៀនអាស៊ីអាគ្នេយ៍នោះ បានសម្តែងនូវការខកចិត្តចំពោះការអវត្តមានមិនមកប្រកួត របស់កីឡាករថៃ ដោយចាត់ទុកថា វាធ្វើឲ្យប៉ះពាល់ដល់លទ្ធផលសន្សំលក្ខណសម្បត្តិ ក្នុងការឡើងនៅលើកំពូលតារាង។
ក្នុងរូបមន្តប្រកួតដែលតម្រូវឲ្យកីឡាករកម្ពុជាទាំង ៤ រូប ប៉ះប្រកួតជាមួយកីឡាករថៃ ៤ រូប មាន ៤ ប្រកួតដូចគ្នានោះ កីឡាករគ្រប់រូបត្រូវប្រជែងយកឈ្នះដៃគូតាមរយៈការផ្តួលឲ្យសន្លប់ដោយប្រើរយៈពេលខ្លីលឿនជាងគេ ដើម្បីមានប្រៀបជាងគេសម្រាប់ការឡើងទៅវគ្គផ្តាច់ព្រ័ត្រ។
ប៉ុន្តែការអវត្តមានរបស់កីឡាករថៃក្នុងវគ្គនេះ ធ្វើឲ្យកីឡាករកម្ពុជាឈ្នះជាស្វ័យប្រវត្តិដោយគិតត្រឹមឈ្នះពិន្ទុ ហើយវាបានប៉ះពាល់ និងមានភាពអយុត្តិធម៌ក្នុងការទទួលបានឱកាសបានឡើងទៅវគ្គផ្តាច់ព្រ័ត្រ ដោយមិនផ្អែកលើសមត្ថភាពពិតរបស់កីឡាករនោះឡើយ ទៅជារឿងសំណាង។ ក្នុងសប្តាហ៍នេះការប្រកួតវគ្គជម្រុះដណ្តើមខ្សែក្រវាត់ខារ៉ាបាវទម្ងន់ ៥៧ គីឡូក្រាមរបស់សង្វៀនអាស៊ីអាគ្នេយ៍ នឹងឈានចូលដល់វគ្គជម្រុះចុងក្រោយរបស់កីឡាករឡុង ជិន មកពីក្លិបខ្លារខិនជាមួយកីឡាករថៃ Phat Yasou ខណៈយុគ យក្សផ្លែ ត្រូវប៉ះប្រកួតជាមួយ Theap Kav ប៉ុន្តែឡុង ជិន ត្រូវបានប្រកាសឲ្យឈ្នះតាំងពីមុនប្រកួតទទួលបាន ៣ ពិន្ទុ ខណៈដែលអ្នកស្រីឡុង រ៉ាវី អ្នកគ្រប់គ្រងឡុង ជិន មិនពេញចិត្តលទ្ធផលបែបនេះដោយសារចង់ឲ្យប្រកួតជាមួយ Phat Yasou ដើម្បីយកឈ្នះដោយផ្តួលឲ្យសន្លប់ និងទទួលលេខក្នុងលំដាប់កំពូលតារាងឈានទៅវគ្គផ្តាច់ព្រ័ត្រ។
អ្នកស្រីឡុង រ៉ាវី ជាស្ត្រីមេម៉ាយម្នាក់ ដែលបានបើកក្លិបប្រដាល់ និងគ្រប់គ្រងកីឡាករបានល្អ តស៊ូលំបាក អត់ឃ្លានក្នុងបុព្វហេតុសកម្មភាពកីឡា ប៉ុន្តែអ្នកស្រីបានហៅការគ្រប់គ្រងបច្ចេកទេសរបស់មន្ត្រីថ្នាក់កណ្តាលមួយចំនួនរបស់សហព័ន្ធធ្វើការមិនស្មើភាព និយមបក្ខពួក និងមានភាពអយុត្តិធម៌ខ្លាំងបំផុត។
អ្នកស្រី ឡុង រ៉ាវី បានផ្តល់សម្ភាសឲ្យភ្នំពេញ ប៉ុស្តិ៍ កាលពីម្សិលមិញថា៖ «មន្ត្រីសហព័ន្ធប្រដាល់ខ្លះបិទភ្នែកញ៉ុកត្រចៀកធ្វើដេកលក់ ធ្វើឲ្យកីឡាករខ្លះទទួលបានអយុត្តិធម៌ពីការប្រកួត ហើយបើនិយាយពីការប្រកួតក្នុងខ្សែក្រវាត់វគ្គជម្រុះខារ៉ាបាវនេះវិញ ការអវត្តមាន និងការដោះដូរកីឡាករថៃ ធ្វើឲ្យមានផលប៉ះពាល់ដល់កីឡាករកម្ពុជាយើង ដែលអ្នកមានសមត្ថភាពខ្លាំងពិតប្រាកដទៅមិនដល់គោលដៅ ហើយការ ប្រកួតគ្រាន់តែជាការកម្សាន្តសម្រាប់ទស្សនា ខណៈរកអ្នកខ្លាំងពិតប្រាកដមិនឃើញ៕
