The Phnom Penh Post Search

Search form




Logo of Phnom Penh Post newspaper Phnom Penh Post - Aguero បំបែក​កំណត់ត្រា​ ​ខណៈ​ក្លិប​​ Man City ផ្ដួល​ Aston​ Villa

Aguero បំបែក​កំណត់ត្រា​ ​ខណៈ​ក្លិប​​ Man City ផ្ដួល​ Aston​ Villa

Content image - Phnom Penh Post
Aguero ស៊ុត​ចូល​ទី​លើក​ទី ​៣​ របស់​ខ្លួន​ក្នុងការ​​ប្រកួត​ Premier League ពី​ថ្ងៃ​អាទិត្យ​​​។ រូបថត AFP

Aguero បំបែក​កំណត់ត្រា​ ​ខណៈ​ក្លិប​​ Man City ផ្ដួល​ Aston​ Villa

ក្រុង​ឡុងដ៍៖​ លោក Pep Guardiola បាន​និយាយ​ថា​ វីរភាព​របស់​ខ្សែ​ប្រយុទ្ធ​ Sergio Aguero ​បាន​កើន​ឡើង​​ម្ដង​ទៀត​បន្ទាប់​ពី​ក្លាយ​ជា​កីឡាករ​បរទេស​​រក​បាន​គ្រាប់​បាល់​ច្រើន​ជាង​គេ​​នៅ​​ក្របខ័ណ្ឌ​ Premier League ជាមួយ​​ការ​រក​បាន ​៣ ​គ្រាប់ ​ខណៈ​ក្រុម​ Man City បាន​ផ្ដួល​​ក្រុម​ Aston Villa ចាស់​ដៃ​ ៦-១ ​ពី​ថ្ងៃ​អាទិត្យ​។​​

វា​ប្រហែល​ជា​យឺត​បន្តិច​​ក្នុង​ការ​សង្គ្រោះ​ការ​ការពារ​តំណែង​ជើងឯក​ Premier League របស់​ក្រុម Man City ដោយសារ​​ពួក​គេ​នៅ​បន្ត​​តាម​ពី​ក្រោយ ​១៤ ​ពិន្ទុ ​នៃ​ក្រុម​ Liverpool ដែល​ឈរ​កំពូល​តារាង ​និង​នៅ​សល់ ​១ ​ប្រកួត​ក្នុង​ដៃ​ទៀត​ ប៉ុន្តែ​តាមរយៈ​កីឡាករ Aguero ក្លិប​ម្ចាស់​ជើងឯក​មួយ​នេះ​បាន​វ៉ា​ក្រុម​ Leicester ឡើង​ទៅ​ឈរ​នៅ​លេខ ​២ ​ដើម្បី​បង្ហាញ​ថា ពួក​គេ​នឹង​មិន​បោះបង់​ការ​ដេញ​តាម​ពី​ក្រោយ​នេះ​ទេ​។​​ ​

កីឡាករ​ Aguero បាន​បំបែក​កំណត់ត្រា​របស់​កីឡាករ​ Thierry​ Henry​ ជា​កីឡាករ​អន្តរជាតិ​ដែល​​រក​បាន​គ្រាប់​ច្រើន​ជាង​គេ​នៅ​ក្របខ័ណ្ឌ​ Premier ​League​ រហូត​ដល់​ចំនួន​ ១៧៧​ គ្រាប់ ​និង​បាន​ឈ្នះ​កំណត់ត្រា​ប្រកួត​លីក​របស់​កីឡាករ​ Alan Shearer ចំពោះ​ការ​រក​បាន ​៣ ​គ្រាប់ ​ជា​លើក​ទី ​១២ ​របស់​ខ្លួន​តាំង​ពី​ចូលរួម​នៅ​​ក្នុង​ក្រុម Man City ក្រោយ​ពី​ចេញ​ពី​ក្រុម Atletico Madrid នៅ​ឆ្នាំ ​២០១១​​។

លោក Guardiola គ្រូ​បង្វឹក​ក្លិប Man City បាន​និយាយ​ថា៖ «​គាត់​ជា​វីរបុរស​ម្នាក់​ដែល​បាន​រះ​ឡើង​នៅ​យប់​នេះ​ព្រោះ​គាត់​ជា​កីឡាករ​ម្នាក់​ដ៏​អស្ចារ្យ​បំផុត​ដែល​ខ្ញុំ​មិន​ធ្លាប់​ឃើញ​នៅ​ក្នុង​លីក​នេះ​​ទាល់​តែ​សោះ​»។​

គ្រូ​បង្វឹក​រូប​នេះ​បាន​បន្ថែម​ថា៖ «​ការ​រក​បាន​គ្រាប់​បាល់​ជា​ច្រើន ​និង​រក​បាន ​៣ ​គ្រាប់​​នេះ ​មាន​ន័យ​ថា អ្នក​បាន​សម្រេច​ជា​ច្រើន​ឆ្នាំ​នូវ​រឿង​ល្អ​ជា​ច្រើន​»។​​

គ្រូ​បង្វឹក​ដដែល​នេះ​បាន​បន្ត​ថា៖ «​អ្នក​ត្រូវ​តែ​ធ្វើ​បែប​នេះ​ជា​ច្រើន​ឆ្នាំ​​ទៀត ​ដើម្បី​ឲ្យ​សម​នឹង​វីរភាព​ដ៏​អស្ចារ្យ​​របស់​អ្នក​»។​

ក្រុម Villa អាច​ជា​គូ​ប្រជែង​របស់​ក្រុម Man City ​នៅ​​ក្នុង​កីឡដ្ឋាន​​ Wembley នៅ​ថ្ងៃទី ​១​ ខែ​មីនា​ ខណៈ​ដែល​ពួក​គេ​ប្រកួត​ស្មើ​ក្រុម Leicester ១-១ នៅ​ជើង​ដំបូង​នៃ​វគ្គ​ពាក់​កណ្ដាល​ផ្ដាច់​ព្រ័ត្រ​របស់​ពួក​គេ​កាល​ពី​ថ្ងៃ​ពុធ ​ប៉ុន្តែ​តាមរយៈ​ភ័ស្តុតាង​នេះ ​ពួក​គេ​នឹង​អាច​គ្មាន​អំណាច​​នឹង​បញ្ឈប់​ក្រុម Man City ​​មិន​ឲ្យ​លើក​ពាន​រង្វាន់​នេះ​ជា​លើក​ទី ​៣ ​ជាប់ៗ​គ្នា​​បាន​នោះ​​ឡើយ​​។​

ក្រុម​ម្ចាស់​ផ្ទះ​ Villa គ្មាន​វត្តមាន​ខ្សែ​​ប្រយុទ្ធ​ដ៏​អស្ចារ្យ​ម្នាក់​ ​និង​​អ្នក​ចាំទី​ជម្រើស​ទី ​១ ​នោះ​ទេ ​ក្រោយ​ពី​កីឡាករ​ Wesley និង​កីឡាករ​​ Tom Heaton មាន​បញ្ហា​សម្រាប់​រយៈពេល​ចុង​ក្រោយ​​នៃ​រដូវកាល​នេះ​។​​

លោក Dean Smith គ្រូ​បង្វឹក​ក្លិប Aston Villa បាន​និយាយ​ថា៖ «​វា​​ជា​បទពិសោធ​​មិន​ល្អ​មួយ​សម្រាប់​យើង​​ ហើយ​យើង​រង​ភាព​អាម៉ាស់​ដោយសារ​តែ​ការ​ធ្វើ​ឲ្យ​​របូត​គ្រាប់​បាល់​ជា​ច្រើន​នៅ​ថ្ងៃ​នេះ​»។​

គ្រូ​បង្វឹក​រូប​នេះ​បាន​បន្ថែម​ទៀត​ថា៖ «​យើង​បាន​ប្រឈម​មុខ​នឹង​ក្រុម​កម្រិត​កំពូល​មួយ​​​នៅ​ក្នុង​លីក​នេះ ​ក្រោម​ការ​ដឹកនាំ​ដោយ​គ្រូ​បង្វឹក​ថ្នាក់​កំពូល​មួយ​រូប​​ផង​ដែរ​ជា​ហេតុ​ធ្វើ​ឲ្យ​យើង​ឃើញ​លទ្ធផល​ជាក់​ស្ដែង​នៅ​ថ្ងៃ​នេះ​»៕ AFP/SN

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។