ក្រុម Atletico Madrid បានយកឈ្នះ Marseille ៣-០ នៅ កីឡដ្ឋាន Parc Olympique Lyonnais ក្នុងទឹកដី Lyon ប្រទេសបារាំង ដើម្បីលើកពាន Europa League ជាលើកទី៣ ក្នុងរយ:ពេល ៩ ឆ្នាំចុងក្រោយ។
Atletico បានលើកពាន Europa League ជាលើកដំបូង នៅឆ្នាំ ២០១០ និងលើកទី២ នៅឆ្នាំ ២០១២ ចំណែកការលើកពានជាលើកទី ៣ នេះ គឺបានកើតឡើង ក្រោយពេលខ្សែប្រយុទ្ធសញ្ជាតិបារាំង Griezmann បានស៊ុតបើកឆាក ២ គ្រាប់តែម្នាក់ឯងនៅនាទី ២១ និងទី ៤៩ មុនពេលប្រធានក្រុម Gabi បន្ថែមគ្រាប់ទី ៣ នៅនាទី ៨៩ នោះ ហើយលទ្ធផលឈ្នះ ៣-០ នេះបានធ្វើឲ្យអ្នកគាំទ្ររបស់ពួកគេ មានការពេញចិត្តយ៉ាងខ្លាំង ប៉ុន្តែបានធ្វើឲ្យក្រុម Marseille និងអ្នកគាំទ្ររបស់ពួកគេ ខកចិត្តយ៉ាងខ្លាំង៕