អ្នកនាំពាក្យក្លិប Barcelona លោក Josep Vives មិនចង់ធ្លាក់ក្នុងអន្ទាក់នៃការចរចាទិញយកកីឡាករ Neymar ឲ្យត្រឡប់មកវិញទេ។
កីឡាករ Neymar អាយុ ២៧ ឆ្នាំត្រូវបានគេនិយាយថានឹងវិលទៅចូលរួមនឹងក្លិប Barcelona វិញក្រោយចេញពីក្លិបនេះបាន ២ ឆ្នាំដើម្បីចូលរួមនឹងក្លិប PSG ក្នុងតម្លៃខ្លួន ២២២ លានអឺរ៉ូ។
ប៉ុន្តែលោក Vives បានព្យាយាមបដិសេធឆ្លើយសំណួរជាច្រើនជុំវិញបញ្ហានេះកាលពីថ្ងៃចន្ទដោយបាននិយាយថា៖ «វាជារឿងដែលយើងមិនត្រូវលើកមកនិយាយនោះទេព្រោះឥឡូវនេះគាត់ជាកីឡាកររបស់ក្លិប PSG រួចទៅហើយ ហើយយើងមិនត្រូវចរចាពីវាទៀតទេ»។
អ្នកនាំពាក្យក្លិបរូបនេះបាននិយាយបញ្ជាក់ថា៖ «យើងនឹងមិននិយាយអ្វីទៀតទេព្រោះយើងខ្លាចជាប់អន្ទាក់នៅក្នុងរឿងនេះ ហើយយើងក៏មិនបើក ឬបិទទ្វារដែរព្រោះការពិតត្រូវបានគេដឹងអស់ហើយ»៕ SN