The Phnom Penh Post Search

Search form




Logo of Phnom Penh Post newspaper Phnom Penh Post - Chelsea, Arsenal​ដណ្តើម​លេខ​៣​ចំណែក​​Tottenham​ចង់​បាន​លេខ​៤

Chelsea, Arsenal​ដណ្តើម​លេខ​៣​ចំណែក​​Tottenham​ចង់​បាន​លេខ​៤

Chelsea, Arsenal​ដណ្តើម​លេខ​៣​ចំណែក​​Tottenham​ចង់​បាន​លេខ​៤

130517_25
ខ្សែការពារ Bacary Sagna (ពីមុខ) របស់ Arsenal ដណ្តើមបាល់ជាមួយ Gabriel Obertan របស់ Newcastle អំឡុងការប្រកួត Premier League ក្នុងឆ្នាំ២០១២ AFP

ភ្នំពេញ: ការ​ប្រកួត​បាល់ទាត់​អង់គ្លេស រដូវកាល​នេះ​បាន​ឈាន​ចូល​ដល់​ទី​បញ្ចប់ ហើយ ដោយ​ក្រុម​ពីរ​នៅ​កំពូល​តារាង មាន​ក្រុម​Man Utd និង​ក្រុម Man City លែង​មាន​សារៈ​សំខាន់​ក្នុង​ការ​រក​ពិន្ទុ​ខណៈ​ក្រុម​បាត​តារាង​ទាំង​បី​ក៏​ត្រូវ​ជ្រុះ​ចេញ​ពី​ក្របខ័ណ្ឌ​នេះ​ជា​ស្ថាពរ។

សម្រាប់​ជុំ​ទី​៣៨ នា​ចុង​សប្តាហ៍​នេះ ការ​ប្រកួត​នៅ​តែ​សំខាន់​សម្រាប់​ក្រុម​បី គឺ ក្រុម Chelsea, ក្រុម​Arsenal និង​ក្រុម Tottenham។ ក្រុម Chelsea ដែល​ទទួល​ភ្ញៀវ​ក្រុម​Everton ត្រូវ​ការ​ឈ្នះ ដើម្បី​ការពារ​លេខ​រៀង​ទី​៣ ហើយ​ក្រុម​Arsenal ត្រូវ​ការ​ឈ្នះ​នៅ​ទឹក​ដី​របស់​ក្រុម​Newcastle ដើម្បី​ដណ្តើម​លេខ​រៀង​ទី​បី​ពី​Chelsea ក៏​ដូចជា​ការពារ​លេខ​រៀង​ទី​៤ ខណៈ Tottenham រំពឹង​ថា​អាច​ឈ្នះ Sunderland ដើម្បី​ប្លន់​លេខ​រៀង​ទី​៤​ពី​Arsenal។ ខាង​ក្រោម​នេះ​គឺជា​ការ​វិភាគ​៤​គូ​របស់​ភ្នំពេញ​ប៉ុស្តិ៍។

Chelsea v Everton

19/05/2013 ម៉ោង 22:00

ក្រុម Chelsea​បាន​បង្ហាញ​ថា​ពួកគេ ជា​ក្រុម​ល្អ​និង​កំពុង​ឈរ​នៅ​លេខ​រៀង​ទី​៣ បន្ទាប់​ពី​លេង​ចាញ់​តែ​៧​ប្រកួត​ចំនួន​៣៧​ប្រកួត​មក​នេះ។ ប៉ុន្តែ​តំណែង​នេះ​នៅ​មិន​ទាន់​រឹងមាំ​នៅ​ឡើយ ដោយ​សារ​តែ ពួកគេ​នាំ​មុខ​ក្រុម​Arsenal តែ​ពីរ​ពិន្ទុ ហើយ​បើ​សិន​ជា​ចាញ់ ពួកគេ​នឹង​ពិត​ជា​បាត់បង់។ ដូច្នេះ​មាន​ន័យថា ក្រុម​តោខៀវ​នេះ​ត្រូវ​ការ​យ៉ាង​តិច​ក៏​មួយ​ពិន្ទុ​ពី​ការ​ប្រកួត​នេះ ដើម្បី​សុវត្ថិភាព។ បី​ប្រកួត​ចុង​ក្រោយ ពួកគេ​លេង​ឈ្នះ​1-0 នៅ​ផ្ទះ​របស់​ក្រុម​Man Utd រួច​ក៏​លេង​ស្មើ​2-2​ពេល​ជួប​Tottenham មុន​ពេល​យក​ឈ្នះ 2-1​នៅ​ទឹក​ដី Aston Villa ជា​ចុង​ក្រោយ។

- បី​ប្រកួត​របស់ Chelsea

05/05/13 Man U 0-1 Chelsea

08/05/13 Chelsea 2-2Tottenham

11/05/13 Aston 1-2 Chelsea

ដោយ​ក្រុម Everton មាន​គម្លាត​ពិន្ទុ​ឆ្ងាយ​ពី​Tottenham ដូច្នេះ​បើ​ទោះ​បី​ជា​ពួកគេ​ឈ្នះ​ការ​ប្រកួត​ចុង​ក្រោយ​នេះ​ក៏​មិន​មាន​សារៈ​សំខាន់​អ្វី​ដែរ។ ប៉ុន្តែ​ពួកគេ​នៅ​មាន​ហេតុផល​មួយ​ទៀត ដែល​ត្រូវ​ឈ្នះ​គឺ​ដើម្បី​ឧត្តមភាព​របស់​អ្នក​ចាត់ការ​ទូទៅ​លោក David Moyes មុន​ពេល​លោក​ជម្រាប​លា​ប្រិយមិត្ត​របស់​ក្លិប ទៅ​ធ្វើ​ជា​គ្រូ​បង្វឹក​ក្រុម​Man Utd នៅ​រដូវកាល​ក្រោយ។ ក្រុម Everton លេង​ឈ្នះ​ក្រុម Fulham 1-0 រួច​ក៏​លេង​ស្មើ 0-0 នៅ​ទឹក​ដី​ក្រុម Liverpool មុន​ពេល​ផ្តួល​ក្រុម West Ham 2-0 ជា​ចុង​ក្រោយ។

- បី​ប្រកួត​របស់ Everton

27/04/13 Everton 1-0 Fulham

05/05/13 Liverpool 0-0 Everton

12/05/13 Everton 2-0 West Ham

- ជំនួប​បី​លើក​ចុង​ក្រោយ

27/10/11 Everton 1-2 Chelsea

11/02/12 Everton 2-0 Chelsea

30/12/12 Everton 1-2 Chelsea

Newcastle v Arsenal

19/05/2013 ម៉ោង 22:00

ក្រុម Newcastle លេង​ល្អ​ទេ​រដូវ​នេះ ប៉ុន្តែ​ថ្វី​បើ​ពួកគេ​បាន​បញ្ចប់​រដូវកាល​ក្នុង​លេខ​រៀង​ទី​១៣​ក្តី ក៏​ពួកគេ​មាន​សុវត្ថិភាព​ហើយ។ បី​ប្រកួត​ចុង​ក្រោយ ពួកគេ​លេង​ចាញ់​ក្រុម​Liverpool 6-0 រួច​ក៏​បន្ត​ទៅ​លេង​ស្មើ 0-0 នៅ​ផ្ទះ​ក្រុម West Ham មុន​ពេល​យក​ឈ្នះ 2-1​នៅ​ទឹក​ដី ក្រុម​QPR ជា​ចុង​ក្រោយ។

- បី​ប្រកួត​របស់ Newcastle

27/04/13 Newcastle 0-6 Liv'pool

04/05/13 West H.0-0 Newcastle

012/05/13 QPR 1-2 Newcastle

ផ្ទុយ​ទៅ​វិញ ក្រុម Arsenal ពិត​ជា​ត្រូវ​ការ​ឈ្នះ ជាមួយ​ផែនការ​ពីរ​ក្នុង​ពេល​តែ មួយ គឺ​ដើម្បី​ការពារ​លេខ​រៀង​ទី​៤ ផង និង​ដើម្បី​ឆ្មក់​យក​លេខ​៣​ពី​ក្រុម​Chelsea ផង បើ​សិន​ជា​ក្រុម​តោខៀវ​នោះ​ភ្លាត់​ស្នៀត។ ក្រុម Arsenal ចូល​មក​កាន់​ការ​ប្រកួត​នេះ បន្ទាប់​ពី​ឈ្នះ​ពីរ​ប្រកួត​ជាប់​គ្នា​។ ពួកគេ​លេង​ស្មើ​1-1 ជាមួយ​ក្រុម Man Utd ប៉ុន្តែ​បាន​យក​ឈ្នះ​1-0​នៅ​ផ្ទះ​ក្រុម QPR មុន​ពេល​បន្ត​មក​កម្លោច​ក្រុម Wigan 4-1 ជា​ចុង​ក្រោយ។

- បី​ប្រកួត​របស់ Arsenal

28/04/13 Arsenal 1-1 Man U

04/05/13 QPR 0-1 Arsenal

15/05/13 Arsenal 4-1 Wigan

- ជំនួប​បី​លើក​ចុង​ក្រោយ

13/08/11 Newcastle 0-0 Arsenal

13/03/12 Arsenal 2-1 Newcastle

30/12/12 Arsenal 7-3 Newcastle

Tottenham v Sunderland

19/05/2013 ម៉ោង 22:00

នៅ​រដូវ​នេះ​ក្រុម​Tottenham លេង​បាន​ល្អ​គួរ​សម និង​នៅ​តែ​មាន​ឱកាស​ឆ្មក់​យក​លេខ​រៀង​ទី៤ សម្រាប់​កន្លែង​មួយ​នៅ អឺរ៉ុប បើ​សិន​ជា​ពួកគេ​ឈ្នះ​ការ​ប្រកួត​នេះ ហើយ​ក្រុម​Arsenal ចាញ់​ការ​ប្រកួត​ចុង​ក្រោយ​នេះ​។ បី​ប្រកួត​ចុង​ក្រោយ​ក្រុម​Tottenham ឈ្នះ​ក្រុម​Southampton 1-0 ប៉ុន្តែ ពួកគេ​អាច​លេង​ស្មើ​2-2 នៅ​ផ្ទះ ក្រុម Chelsea មុន​ពេល​យក​ឈ្នះ 2-1 នៅ​ទឹក​ដី​ក្រុម​Stoke ជា​ចុង​ក្រោយ​។

- បី​ប្រកួត​របស់ Tottenham

04/05/13Tot'ham 1-0 South'ton

09/05/13 Chelsea 2-2Tottenham

12/05/13 Stoke 1-2 Tottenham

ក្រុម Sunderland​លេង​មិន​ល្អ​ទេ​នៅ​រដូវ​នេះ ដោយ​ពួកគេ​បញ្ចប់​រដូវកាល​ក្នុង​លេខ​រៀង​ទី​១៧ គឺ​ស្ទើរ​តែ​ធ្លាក់ ប៉ុន្តែ​ទោះ​ជា​យ៉ាង​ណា ពួកគេ​មាន​សុវត្ថិភាព​ហើយ ណា​មួយ​ទោះ​ជា​ពួកគេ​ចាញ់​នៅ​រាត្រី​នេះ ក៏​អត់​បញ្ហា​ដែរ។ បន្ទាប់​ពី​ចាញ់​Aston Villa 6-1​ក្រុម Sunderland ក៏​លេង​ស្មើ 1-1​ក្រុម Stoke និង​ស្មើ 1-1 ក្រុម Southampton ជា​ចុង​សប្តាហ៍​ទៀត​។

- បី​ប្រកួត​របស់ Sunderland

30/04/13 Aston 6-1 Sunderland

07/05/13 Sunderland 1-1 Stoke

12/05/13 Sund'land 1-1 Sout'ton

-ជំនួប​បី​លើក​ចុង​ក្រោយ

18/12/11 Tot'ham 1-0 Sund'land

07/04/12 Sund'land 0-0 Tot'ham

29/12/12 Sund'land 1-2 Tot'ham

Wigan v Aston Villa

19/05/2013 ម៉ោង 22:00

Wigan កំពុង​រកាំ​ចិត្ត​ខ្លាំង​ណាស់​បន្ទាប់​ពី​ត្រូវ​ធ្លាក់​ក្រោម​ថ្វី​ជើង​របស់​Arsenal ហើយ​ទំនង​ជា​ត្រូវ​បញ្ចេញ​កំហឹង​នៅ​រាត្រី​នេះ​ហើយថ្វី​បី​វា​ជា​ជ័យជម្នះ​អត់​ន័យ​ក្តី។ ពួកគេ​លេង​ចាញ់​ក្រុម​Swansea 2-3 នៅ​ក្នុង​ផ្ទះ ប៉ុន្តែ​ពួកគេ​មាន​មោទនភាព​ណាស់​ដែល​បាន​ឈ្នះ​1-0​នៅ​ផ្ទះ ក្រុម Man City ដើម្បី​គ្រប់គ្រង​តំណែង​ជើងឯក​FA Cup មុន ពេល​ចាញ់​Arsenal 4-1 ជា​ចុង​ក្រោយ។

- បី​ប្រកួត​របស់ Wigan

08/05/13 Wigan 2-3 Swansea

11/05/13 Man City 0-1 Wigan

14/05/13 Arsenal 4-1 Wigan

ក្រុម​Aston Villa ក៏​មាន​សុវត្ថិភាព​ដែរ​ដូច្នេះ​ពួកគេ​គ្រាន់​តែ​លេង​ដើម្បី​បង្គ្រប់​កិច្ច​។ ពួកគេ​ឈ្នះ Sunderland 6-1 និង​ឈ្នះ​២-១​នៅ​ផ្ទះ​ក្រុម​Norwich មុន​ពេល​ចាញ់​ក្រុម Chelsea 1-2 ជា​ចុង​ក្រោយ។

- បី​ប្រកួត​របស់ Aston Villa

27/04/13 Aston 6-1 Sunderland

04/05/13 Norwich 1-2 Aston

11/05/13 Aston 1-2 Chelsea

- ជំនួប​បី​លើក​ចុង​ក្រោយ

10/10/11 Aston 2-0 Wigan

25/02/12 Wigan 0-0 Aston

29/12/12 Aston 0-3 Wigan

ចំណែក​ឯ​ការ​ប្រកួត​ផ្សេង​ទៀត​មាន

19/05/2013

Liverpool v QPR -22:00

Man City v Norwich - 22:00

Southampton v Stoke -22: 00

West Brom v Man Utd -22: 00

West Ham v Reading -22: 00

អត្ថបទគួរចាប់អារម្មណ៍