.jpg)
កីឡាករ Ashley Cole ព្យាយាមតែតបាល់ចេញ ក្នុងការប្រកួតពានរង្វាន់ FA Cup កាលពីរដូវកាលមុន ដែលលេងអោយក្រុម Derby County។ AFP
ក្រុងឡុងដ៍: កីឡាករឆ្នើមអង់គ្លេស Ashley Cole បានប្រកាសចូលនិវត្តន៍ពីអាជីពបាល់ទាត់ក្នុងអាយុ ៣៨ ឆ្នាំ។ ខ្សែការពារស្លាបឆ្វេងរូបនេះ គឺជាកីឡាករម្នាក់ក្នុងចំណោម ៩ នាក់ ដែលបានលេងជាង ១០០ លើក ឲ្យជម្រើសជាតិអង់គ្លេសដែលរូបគាត់បានតំណាងឲ្យការឈ្នះពាន World Cup ឆ្នាំ ២០០២ ឆ្នាំ ២០០៦ និងឆ្នាំ ២០១០។
អតីតខ្សែការពារក្លិប Chelsea និង Arsenal រូបនេះ បានឈ្នះពានក្របខ័ណ្ឌ Premier League ចំនួន ៣ លើក និងពាន FA Cup ចំនួន ៧ លើក ព្រមទាំងជួយឲ្យក្រុម Chelsea ឈ្នះពានក្របខ័ណ្ឌ Champions League ឆ្នាំ ២០១១-២០១២ ផងដែរ។
កីឡាកររូបនេះបានលេងនៅក្លិបអាមេរិក LA Galaxy នៅឆ្នាំ ២០១៦ ក្រោយពីបានចូលរួមនឹងក្លិប Roma បានមួយរយៈពេលខ្លីមុនពេលត្រឡប់ទៅប្រទេស អង់គ្លេស វិញនៅដើមឆ្នាំនេះ ដើម្បីលេងនៅក្លិប Derby County ក្រោមការដឹកនាំរបស់លោក Lampard។ ក្លិប Derby មិនបានបន្តកុងត្រាឲ្យកីឡាករ Cole ទេក្រោយពីបាត់បង់ឱកាសលេងនៅ ក្របខ័ណ្ឌ Premier League ហើយរូបគេឥឡូវនេះនឹងបន្តអាជីពជាគ្រូម្នាក់នៅឯក្លិប Wembley ដែលរូបគាត់បានលេងក្នុងការប្រកួតចុងក្រោយដែលចាញ់ក្លិប Aston Villa កាលពីខែឧសភា។
កីឡាករ Cole បានប្រាប់ Sky Sports ថា៖ «ក្រោយពីគិតយ៉ាងល្អិតល្អន់ហើយ វាដល់ពេលដែលខ្ញុំត្រូវប្រកាសចូលនិវត្តន៍ដើម្បីឆ្ពោះទៅរកទំព័រថ្មីរបស់ខ្ញុំដែលសង្ឃឹមថានឹងធ្វើជាគ្រូបង្វឹកម្នាក់នៅពេលខាងមុខនេះ»។
កីឡាកររូបនេះបានបន្ថែមថា៖ «ពេលខ្ញុំនៅក្មេង ខ្ញុំមិនរំពឹងថានឹងបានលេងបែបនេះទេដូច្នេះបើប្រៀបធៀបនឹងពេលនោះគឺថា ពេលនេះខ្ញុំអាចលេងរហូតដល់ឈ្នះពាន World Cup និង Champions League ព្រមទាំង Premier League ជាក្ដីសុបិនមួយខ្ញុំបានបំពេញរួចហើយ»។
កីឡាករ Cole បាននិយាយថា៖ «អ្វីជាមោទនភាពបំផុតនោះគឺ ការលេងនៅជម្រើសជាតិព្រោះខ្ញុំបានលេងឲ្យប្រទេសខ្ញុំរហូតដល់ជាង ១០០ លើក»៕ SN
