សហព័ន្ធកីឡាបាល់ទាត់ទ្វីបអាមេរិកខាងត្បូងហៅកាត់ថា CONMEBOL បានប្រកាសកាលពីថ្ងៃអង្គារថា ខ្លួនចង់ផ្លាស់ប្តូរកម្មវិធីប្រកួតរបស់ខ្លួន ហេតុនេះ ព្រឹត្តិការណ៍ Copa America នឹងត្រូវរៀបចំឡើងក្នុងឆ្នាំតែមួយដូចទៅនឹងយុទ្ធនាការ European Championship ដែរ ចាប់ពីឆ្នាំ ២០២០ តទៅ។
Copa America ជាធម្មតាត្រូវបានរៀបឡើង បន្ទាប់ពី World Cup ខណៈយុទ្ធនាការបន្តទាប់ នឹងត្រូវរៀបចំឡើងក្នុងប្រទេសប្រេស៊ីល ក្នុងឆ្នាំ ២០១៩។
លោក Alejandro Dominguez ប្រធាន CONMEBOL បានឲ្យដឹងថា៖ «ខ្ញុំចង់ប្រកាសជាសាធារណៈថា យើងបានបញ្ជូនសំណើមួយទៅកាន់ FIFA ដើម្បីអាចរៀបចំ Copa America នៅឆ្នាំគូ ចាប់ពីឆ្នាំ ២០២០ តទៅ»៕