The Phnom Penh Post Search

Search form




Logo of Phnom Penh Post newspaper Phnom Penh Post - De Bruyne ឈ្នះ​ពាន​រង្វាន់​កីឡាករ​ឆ្នើម​ជាង​គេ​ពី PFA




De Bruyne ឈ្នះ​ពាន​រង្វាន់​កីឡាករ​ឆ្នើម​ជាង​គេ​ពី PFA

Content image - Phnom Penh Post
De Bruyne បង្ហាញពាន​រង្វាន់​កីឡាករ​ឆ្នើម​ជាង​គេ​ពី PFA។ រូបថត PFA

De Bruyne ឈ្នះ​ពាន​រង្វាន់​កីឡាករ​ឆ្នើម​ជាង​គេ​ពី PFA

ឡុងដ៍៖ ខ្សែ​បម្រើ Kevin De Bruyne បាន​ទទួល​ស្គាល់​ពី​ឥទ្ធិពល​របស់​លោក Pep Guardiola (Pep) ក្រោយ​ពី​បាន​ក្លាយ​ជា​កីឡាករ​របស់​ក្រុម​​ Manchester City ដំបូង​គេ​ ដែល​​ឈ្នះ​ពាន​កីឡាករ​ល្អ​ជាង​គេ​ប្រចាំ​ឆ្នាំ​ពី​សមាគម​កីឡាករ​បាល់ទាត់​អាជីព (PFA) របស់​​​ប្រទេស​អង់គ្លេស​។

ស្រប​ពេល​ពាន​ឯកត្តជន​ជា​របស់​ De Bruyne តែ​សម្រាប់​​ក្រុម​ល្អ​ប្រចាំ​ឆ្នាំ​របស់ PFA ភាគ​ច្រើន​ គឺ​ជា​កីឡាករ​មក​ពី​ក្រុម​ម្ចាស់​ជើងឯក Premier League គឺ​ Liverpool ដោយ​មាន​ ៥ ​រូប ខណៈ​ខ្សែ​ប្រយុទ្ធ Marcus Rashford របស់​ក្រុម​ Manchester United លើក​ពាន​កិត្តិយស​សប្បុរសធម៌ ដោយសារ​ការ​ជួយ​ប្រយុទ្ធ​ប្រឆាំង​នឹង​ភាព​​ក្រីក្រ​​កុមារ​។​

Man City ​បញ្ចប់​រដូវកាល ២០១៩-២០២០ នៅ​លីក​កំពូល​​ ដោយ​ការ​តាម​ពី​ក្រោយ Liverpool ១៨ ​ពិន្ទុ តែ​កីឡាករ De Bruyne វ័យ ២៩ ​ឆ្នាំ ដែល​រក​បាន ១៣ ​គ្រាប់ និង​បញ្ចូន​ឲ្យ​មិត្ត​រួម​ក្រុម​ស៊ុត ២០ ​គ្រាប់ ទទួល​បាន​ការ​បោះឆ្នោត​ជា​កីឡាករ​​​​លេង​ល្អ​ជាង​គេ​ពី​សំណាក់​មិត្ត​រួម​អាជីព​។

ក្រោយ​ឈ្នះ​ពាន​រង្វាន់​នេះ De Bruyne ប្រាប់​ថា​៖ «​នេះ​ជា​កិត្តិយស​ដ៏​ធំ​ធេង​ក្នុង​ការ​ទទួល​បាន​ពាន​រង្វាន់ ដែល​ត្រូវ​បោះ​ឆ្នោត​​ដោយ​មិត្ត​រួម​ក្រុម ដោយ​កីឡាករ​ក្រុមគូ​ប្រជែង ដែល​អ្នក​តែងតែ​​តទល់​គ្នា​​លើ​ទីលាន​។ សំឡេង​ឆ្នោត​ទាំង​នោះ ដែល​បោះ​ឲ្យ​អ្នក​ថា ជា​កីឡាករ​ល្អ​ជាង​គេ​វា​ពិត​ជា​រឿង​អស្ចារ្យ​មែន​ទែន​»​។

De Bruyne បន្ត​​ទៀត​ថា​៖ «​វា​ដូច​ជា​ប្លែក​ដែរ ដែល​ខ្ញុំ​ជា​កីឡាករ​ដំបូង​គេ​របស់​ Man City ខណៈ​គ្រប់​គ្នា​ឃើញ​កីឡាករ​ល្អ​ជា​ច្រើន ក្នុង​ក្រុម​នេះ ទាំង​ពី​មុន និង​បច្ចុប្បន្ន។ តែ​ជា​រឿង​រីករាយ ដែល​បាន​ក្លាយ​ជា​តំណាង​របស់​ក្លិប​»​។

ជាមួយ​គ្នា​នេះ​ដែរ កីឡាករ​សញ្ជាតិ​បែលហ្ស៊ិក​បាន​ទទួល​ស្គាល់​ពី​ឥទ្ធិពល​របស់​លោក Pep ដែល​​ផ្ដល់​រូប​គេ​នូវ​ទំនុក​ចិត្ត ដើម្បី​ឈាន​ទៅ​រក​​ភាព​​លេច​ធ្លោ​បន្តិច​ម្ដង​ៗ ក្រោយ​​ងើប​ពី​របួស ដែល​បាន​ញាំញី​រូប​គេ​នា​រដូវកាល ២០១៨​-២០១៩​៕ AFP/VN

អត្ថបទគួរចាប់អារម្មណ៍

  • ភ្នំពេញ៖ រដ្ឋមន្ត្រី​ក្រសួង​យុត្តិធម៌​លោក​ កើត ​រិទ្ធ​ បាន​ប្រាប់​ឯកអគ្គ​រាជទូត​អូស្ត្រាលី​លោក ​Pablo​ Kang ​នៅ​ក្នុង​ជំនួប​កាល​ពី​ថ្ងៃ​អង្គារ នៅ​ក្រសួង​យុត្តិធម៌​ថា​ ការ​ចាប់​ខ្លួន​បុគ្គល​ណា​មួយ​ដោយ​សមត្ថកិច្ច គឺ​ធ្វើ​ទ្បើង​ដោយ​អនុលោម​តាម​ច្បាប់​​កម្ពុជា។​

  • ភ្នំពេញ៖ ដោយ​សង្កេត​ឃើញ​ពី​ការ​ប្រឈម​របស់​​ប្រជាកសិករ​កម្ពុជា​​មួយ​ចំនួន​ ជាពិសេស​អ្នក​នៅ​ទី​ដាច់​ស្រយាល​ ដែល​បាត់បង់​ទីផ្សារ​​​​ព្រោះ​តែ​វិបត្តិ​កូវីដ យុវជន ​១ ក្រុម ​បាន​រួមគ្នា​បង្កើត​គម្រោង​ COVID Farmer Hacker ដើម្បី​ជួយ​​អ្នក​ខិតខំ​ដាំដុះ​តែ​ត្រូវ​រងគ្រោះ​ពី​ការ​រំខាន​ដល់​​​សេដ្ឋកិច្ច​​បង្ក​ដោយ​វីរុស​កូរ៉ូណា។​

  • ភ្នំពេញ៖ គ្រឹះស្ថាន​មីក្រូហិរញ្ញវត្ថុ ប្រាសាក់ ​​ដែល​ចុះ​បញ្ជី​សញ្ញាប័ណ្ណ​សាជីវកម្ម​នៅ​ផ្សារ​មូលបត្រ​កម្ពុជា ​(CSX) បាន​រាយការណ៍​អំពី​ប្រតិបត្តិការ​អាជីវកម្ម​ដ៏​ល្អ​ប្រសើរ​នៅ​ត្រីមាស​ទី​២ ​ឆ្នាំ​នេះ ទោះបី​ជា​​ខ្លួន​ទទួល​រង​នូវ​សម្ពាធ​ខ្លះៗ​ពី​ការ​រីក​រាលដាល​ជំងឺ​កូវីដ ​១៩ ​ដែល​បណ្ដាល​ឱ្យ​សេដ្ឋកិច្ច​របស់​កម្ពុជា មាន​ការ​ធ្លាក់ចុះ​ក៏​ដោយ​។​

  • ភ្នំពេញ៖ ​លោកស្រី​ ​ភឿង​ សកុណា ​រដ្ឋមន្រ្តី​ក្រសួង​វប្បធម៌​ និង​វិចិត្រ​សិល្បៈ​បាន​ចេញ​សេចក្ដី​ណែនាំ​ដល់​គ្រប់​អង្គភាព​ពាក់ព័ន្ធ​ក្រោម​ឱវាទ​ក្រសួង​វប្បធម៌ ​និង​គ្រប់​រដ្ឋបាល​ថ្នាក់​ក្រោម​ជាតិ ​អនុវត្ត​នីតិវិធី​ និង​ទម្រង់​បែបបទ​នៃ​ការ​គ្រប់គ្រង​អាជីវកម្ម​កាត់សក់​ ​អ៊ុត​សក់​ និង​លម្អ​ក្រចក

  • ភ្នំពេញ៖ ​រដ្ឋមន្រ្តី​ក្រសួង​សុខាភិបាល​លោក ​ម៉ម​ ប៊ុន​ហេង បាន​ជំរុញ​ឱ្យ​គ្រប់​ភាគី​ពាក់ព័ន្ធ​ទាំង​អស់​ ដែល​ធ្វើ​ការ​ផ្នែក​គាំពារ​មាតា​ និង​ទារក​ ត្រូវ​​បង្កើន​យុទ្ធនាការ​អប់រំ​ផ្សព្វផ្សាយ​អំពី​សារៈសំខាន់​នៃ​ការ​បំបៅ​កូន​ដោយ​ទឹក​ដោះ​ម្តាយ​ និង​ហានិភ័យ​ពី​ការ​បំបៅ​កូន​ដោយ​ទឹក​ដោះ​គោ​ម្សៅ​ផ្សំ​តាម​រូបមន្ត​ទាំង​នៅ​ថ្នាក់​ជាតិ​ និង​ថ្នាក់​ក្រោម​ជាតិ។

  • មណ្ឌលគិរី៖ សាលា​ដំបូង​ខេត្ត​មណ្ឌលគិរី ពី​ម្សិលមិញ​បាន​សម្រេច​ឃុំ​ខ្លួន​ចាងហ្វាង​សារព័ត៌មាន​អនឡាញ​ម្នាក់​នៅ​ពន្ធនាគារ​​ខេត្ត​ក្រោម​បទ​ចោទ ​«ឈូស​ឆាយ​ដី​ព្រៃ​ដោយ​គ្មាន​ការ​អនុញ្ញាត​» បន្ទាប់​ពី​សមត្ថកិច្ច​ឃាត់​ខ្លួន​កាល​ពី​​ថ្ងៃទី ២២ កញ្ញា ​តាម​ដីកា​តុលាការ​ពាក់ព័ន្ធ​ការ​ឈូស​ឆាយ​ដី​ព្រៃ ​និង​ប្រើប្រាស់​សារធាតុ​ញៀន។