The Phnom Penh Post Search

Search form




Logo of Phnom Penh Post newspaper Phnom Penh Post - Federer ឈ្នះ​ ១០០ ​ប្រកួត ​ដំបូង​គេ​នៅ Wimbledon

Federer ឈ្នះ​ ១០០ ​ប្រកួត ​ដំបូង​គេ​នៅ Wimbledon

Content image - Phnom Penh Post
Federer លេង​ក្នុង​ការប្រកួត​នៅ Wimbledon ដែល​បាន​ឈ្នះ​កីឡាករ​ជប៉ុន​ថ្មីៗ​នេះ​។ រូបថត AFP

Federer ឈ្នះ​ ១០០ ​ប្រកួត ​ដំបូង​គេ​នៅ Wimbledon

ក្រុងឡុងដ៍ៈ កីឡាករ​វាយកូនបាល់ (Tennis) Roger Federer បាន​សារភាពថា គាត់​មិន​បាន​ដឹង​ថា គាត់​បាន​ក្លាយ​ជា​អ្នក​ប្រកួត​ឈ្នះ ១០០ ដង​នៃ​ក្របខ័ណ្ឌ Wimbledon នោះ​ទេ ខណៈ​កីឡាករ​រូបនេះ​កំពុង​ត្រៀម​ខ្លួន​ប្រកួត​នៅ​វគ្គ​ ៤ ​នាក់​ចុងក្រោយ​ដែល​ប៉ះ​ជាមួយ​កីឡាករ Rafael Nadal​។

ម្ចាស់​ជើងឯក ៨ ជំនាន់ Federer បាន​ឡើង​ដល់​វគ្គ ៨ ​នាក់​ចុងក្រោយ​លើក​ទី​ ១៣ ​របស់​គាត់​នៅ​កីឡដ្ឋាន All England Clup ក្រោយពី​ឈ្នះ​កីឡាករ​ជប៉ុន Kei Nishikori ៣ សិត​ក្នុង​ចំណោម ៤ សិត​គឺ ៤-៦, ៦-១, ៦-៤, ៦-៤ ដើម្បី​កក់​កៅអី​នៅ​វគ្គ​ ៤ ​នាក់​ចុងក្រោយ​នៃ​ក្របខ័ណ្ឌ​នេះ​ជា​លើក​ទី​ ៤៥ ​របស់​គាត់​។

កីឡាករ​វ័យ ៣៧ ឆ្នាំ​រូប​នេះ​ក៏​ជា​បុរស​ចំណាស់​បំផុត​ដែល​បាន​ឡើង​ដល់​វគ្គ​ ៤ ​នាក់​ចុងក្រោយ​នៃ​ព្រឹត្តិការណ៍ Grand Slam បន្ទាប់ពី​កីឡាករ Jimmy Connors នៅ​ក្របខ័ណ្ឌ US Open ១៩៩១ ផង​ដែរ​។

កីឡាករ Federer ឥឡូវ​នេះ​នឹង​ត្រូវ​ប្រកួត​ជាមួយ​កីឡាករ Nadal នៅ​ក្របខ័ណ្ឌ Wimbledon ជា​លើក​ដំបូង​តាំងពី​វគ្គ​ផ្ដាច់ព្រ័ត្រ​ឆ្នាំ​ ២០០៨ ​ដែល​កីឡាករ​សញ្ជាតិ​អេស្ប៉ាញ​រូប​នេះ​បាន​ឈ្នះ​នៅ​វគ្គ​នោះ​។

កីឡាករ Federer បាន​និយាយ​ថា​៖ «​យើង​មាន​ព័ត៌មាន​ជាច្រើន​ពី​កីឡាករ Nadal ហើយ​គាត់​ក៏​ដឹង​ពី​យើង​វិញ​ដែរ​។ ខ្ញុំ​ដឹង​ថា គេ​តែងតែ​ធ្វើការ​ឃោសនា​នៅតាម​ផ្លូវ​ធំ​»​។

កីឡាករ​រូបនេះ​បាន​បន្ថែម​ថា​៖ «​ពួកគេ​បាន​ធ្វើ​ដូច្នោះ​ម្ដងទៀត​ក្នុង​ទីក្រុង​ប៉ារីស​នៅ​ឆ្នាំ​នេះ (​នៅពេល Nadal បាន​ឈ្នះ​នៅ​វគ្គ​ ៤ ​នាក់​ចុងក្រោយ​ដោយ​ឈ្នះ​គ្រប់​សិត​តែ​ម្ដង​»​។

កីឡាករ Federer និង Nadal បាន​ជួប​គ្នា ៣៩ លើក​នៅក្នុង​អាជីព​របស់​ខ្លួន​ ប៉ុន្តែ​បាន​ជួប​គ្នា​តែ​ ៣ ​ដង​នៅ​ក្របខ័ណ្ឌ Wimbledon នេះ​។

តារា​វាយ​កូន​បាល់​សញ្ជាតិ​ស្វ៊ីស​រូប​នេះ​បាន​ឈ្នះ​ក្នុង​ជំនួប​ ២ ​លើក​ដំបូង​នៅ​វគ្គ​ផ្ដាច់ព្រ័ត្រ​ឆ្នាំ​ ២០០៦ ​និង​ ២០០៧ ​មុន​ពេល​កីឡាករ Nadal បាន​ឈ្នះ​នៅ​ឆ្នាំ​ ២០០៨ ​ក្នុង​ការប្រកួត​ ៥ ​សិត​ជាប់​គ្នា​ដែល​គេ​ចាត់ទុក​ថា​ជា​ការឈ្នះ​នៅ​វគ្គ​ផ្ដាច់ព្រ័ត្រ​នៃ​ព្រឹត្តិការណ៍ Slam អស្ចារ្យ​បំផុត​មិន​ធ្លាប់​មាន​ពី​មុន​មក​។

កីឡាករ Federer បាន​បន្ត​ថា​គាត់​មិន​ដឹង​ថា គាត់​បាន​ក្លាយ​ជា​កីឡាករ​ទី​ ១ ​ដែល​បាន​ឈ្នះ ១០០ លើក​នៅ​ព្រឹត្តិការណ៍​ដដែល​នេះ​ទេ​។

កីឡាករ​រូបនេះ​បាន​ពន្យល់​ថា​៖ «​អ្នកគាំទ្រ​ម្នាក់​រំឭក​ខ្ញុំ​នៅ​កន្លែង​ប្រកួត​នៅពេល​ខ្ញុំ​កំពុង​ស៊ីញ៉េ​តាម​ការស្នើសុំ​របស់​គាត់​នៅពេល​នោះ​»​។

Federer បាន​បន្ថែម​ថា​៖ «​វា​ពិសេស​មែនទែន វា​មាន​រយៈពេល​ជាច្រើន​ឆ្នាំ​ហើយ​ដែល​ខ្ញុំ​បាន​មក​ទី​នេះ​»​។

ម្ចាស់​ជើងឯក​រូប​នេះ​បាន​បញ្ជាក់​ថា​៖ «​ប៉ុន្តែ​ខ្ញុំ​មិន​បាន​នឹកគិត​ដល់​បញ្ហា​នេះ​ទេ​ព្រោះ​ខ្ញុំ​រវល់​គិត​ពី​ការប្រកួត​នៅ​ថ្ងៃ​នេះ​។ ជា​ការពិត​នៅ​ពេល​ខ្ញុំ​កំពុង​ស៊ីញ៉េ​នោះ បុរស​នោះ​និយាយ​ថា​សូម​អបអរសាទរ​ចំពោះ​ការប្រកួត​ឈ្នះ​ទី ១០០ របស់​អ្នក​។ អូមែន​ហើយ ខ្ញុំ​ភ្លេច​គិត​ពី​បញ្ហា​នេះ​ឈឹង​តែ​ម្ដង​»​។

កីឡាករ Federer បាន​បន្ត​ថា​៖ «​ឥឡូវនេះ​ខ្ញុំ​កំពុង​ឡើង​ទៅ​វគ្គ​ ៤ ​នាក់​ដែល​ត្រូវ​ជួប Nadal ។ មែន​ហើយ​ជ័យជម្នះ​ទី​​ ១០០ គឺ​នៅ Wimbledon​។ ហេតុអ្វី​បាន​ជា​ខ្ញុំ​មិន​បាន​គិត​ពី​បញ្ហា​នេះ​អ៊ីចឹង​ហ្ន៎​? ខ្ញុំ​ពិត​ជា​មិន​បាន​គិត​ពី​រឿង​នេះ​ទាល់​តែ​សោះ​»៕ SN

អត្ថបទគួរចាប់អារម្មណ៍

  • អ៊ីរ៉ង់​រកឃើញ​អណ្តូងរ៉ែ​ថ្មី​មាន​ឧស្ម័ន​ ៥៣៨ ​ពាន់​លាន​ម៉ែត្រគុប

    ក្រុងតេអេរ៉ង់ៈ ប្រទេស​អ៊ីរ៉ង់​បាន​រកឃើញ​អណ្តូង​ឧស្ម័ន​មួយ​នៅ​ជិត​ឈូង​សមុទ្រ​ពែរ្ស៍ ដែល​មាន​កំណប់​ឧស្ម័ន​គ្រប់គ្រាន់​សម្រាប់​ការផ្គត់ផ្គង់​ដល់​ទីក្រុង​នេះ​រយៈពេល ១៦ ឆ្នាំ​។ នេះ​បើ​យោង​តាម​សេចក្តី​រាយការណ៍​របស់​ប្រព័ន្ធ​ផ្សព្វផ្សាយ​រដ្ឋ​អ៊ីរ៉ង់​កាលពី​ថ្ងៃ​អាទិត្យ​។

  • ប៉ូឡូញ និង​រុស្ស៊ី ​ឡើង​វគ្គ​បន្ត ខណៈ​អាល្លឺម៉ង់​ចាំ​អ៊ុត​សិន

    ក្រុង​ប៉ារីស៖ ជម្រើស​ជាតិ​ប៉ូឡូញ​ និង​រុស្ស៊ី​បាន​កក់​កៅអី​របស់​​​ខ្លួន​នៃ​​​ព្រឹត្តិការណ៍​ Euro ​២០២០ ក្រោយ​ពី​​ក្រុម​ប៉ូឡូញ​បាន​ឈ្នះ​​ជម្រើស​ជាតិ​ម៉ាសេដ្វាន​ខាង​ជើង​ ហើយ​ក្រុម​រុស្ស៊ី​បាន​ឈ្នះ​ជម្រើស​ជាតិ​​ស៊ីប​ ​ពី​ថ្ងៃ​អាទិត្យ​ ខណៈ​ជម្រើស​ជាតិ​អាល្លឺម៉ង់​ និង​ហូឡង់​

  • អ៊ីមរ៉ាន ខាន់​ ធ្វើ​ទស្សនកិច្ច​​​នៅ​​អ៊ីរ៉ង់​ ខណៈ​​ភាព​តានតឹង​កើន​ឡើង​នៅ​ឈូង​សមុទ្រ​

    ក្រុង​តេអេរ៉ង់៖ ​នាយក​រដ្ឋមន្ត្រី​ប៉ាគីស្ថាន​លោក​ អ៊ីមរ៉ាន ខាន់ ​បាន​ទស្សនកិច្ច​ទៅ​កាន់​ប្រទេស ​អ៊ីរ៉ង់ ​កាល​ពី​ថ្ងៃ​អាទិត្យ​ បន្ទាប់​ពី​មាន​ការ​ស្នើសុំ​មួយ​ចេញ​ពី​អាមេរិក ​និង​អារ៉ាប៊ី សាអ៊ូឌីត​ ដើម្បី​ឲ្យ​លោក​ជួយ​បន្ធូរបន្ថយ​ភាព​តានតឹង​កាន់​តែ​ខ្លាំង​ឡើង​នៅ​ឈូង​សមុទ្រ​មាន​ជម្លោះ​។​

  • ធនាគារ​កណ្តាល​សិង្ហបុរី​ បន្ធូរ​គោលនយោបាយ​រូបិយវត្ថុ

    ក្រុងសិង្ហបុរីៈ ប្រទេស​សិង្ហបុរី​កាលពី​ថ្ងៃ​ចន្ទ​បាន​បន្ធូរបន្ថយ​គោលនយោបាយ​រូបិយវត្ថុ​ជា​លើកដំបូង​ក្នុង​រយៈពេល​ជាង ៣ ​ឆ្នាំ ខណៈ​សង្គ្រាម​ពាណិជ្ជកម្ម​រវាង​អាមេរិក និង​ចិន​បញ្ចេញ​ឥទ្ធិពល ស្រប​ពេល​ដែល​ប្រទេស​មាន​សេដ្ឋកិច្ច​ពឹងផ្អែក​លើ​ការនាំចេញ​មួយ​នេះ​បាន​គេច​ផុតពី​ការដើរ​ថយក្រោយ​នៃ​សេដ្ឋកិច្ច​នៅ​ត្រីមាស​ទី​ ៣​។