កីឡាករវាយកូនបាល់ Roger Federer បានរងបរាជ័យ ២ សិតជាប់ៗគ្នាដ៏មិននឹកស្មានដល់ក្រោមស្នាដៃកីឡាករ Kei Nishikori ក្នុងការប្រកួតនៃព្រឹត្តិការណ៍ ATP Finals កាលពីថ្ងៃអាទិត្យ ខណៈការបរាជ័យនេះបានរំខានដល់ ការប្រជែងរបស់គេសម្រាប់ការឈ្នះពានជាលើកទី ១០០ ក្នុងអាជីពដ៏ត្រចះត្រចង់របស់គេ។
កីឡាករជើងចាស់សញ្ជាតិស្វ៊ីសរូបនេះ ដែលបានឈ្នះព្រឹត្តិការណ៍បញ្ចប់រដូវកាលមួយនេះ ៦ សម័យកាលនោះ បានបង្កើតឲ្យមានកំហុសជាច្រើន និងមិនបានបង្ហាញពីទម្រង់លេងដ៏គួរឲ្យទាក់ទាញឡើយក្នុងការប្រកួតវិលជុំ ខណៈកីឡាករសញ្ជាតិជប៉ុន Nishikori បានកត់ត្រាជ័យជម្នះក្នុងលទ្ធផល ៧-៦ (៧/៤) និង៦-៣។
លទ្ធផលនេះ មានន័យថា បច្ចុប្បន្ន Federer កំពុងស្ថិតក្នុងគ្រោះថ្នាក់នៃការខកខានឱកាសក្នុងការឈានទៅវគ្គពាក់កណ្តាលផ្តាច់ព្រ័ត្រជាលើកទី ២ ក្នុងការបង្ហាញខ្លួន ១៦ លើកក្នុងព្រឹត្តិការណ៍នេះ៕