The Phnom Penh Post Search

Search form




Logo of Phnom Penh Post newspaper Phnom Penh Post - Ibrahimovic ជួយ​ឱ្យ​ក្រុម​ឈរ​លេខ ១ នៅ Serie A




Ibrahimovic ជួយ​ឱ្យ​ក្រុម​ឈរ​លេខ ១ នៅ Serie A

Content image - Phnom Penh Post
កីឡាករ Zlatan Ibrahimovic តែតបញ្ចូលទីអំឡុងពេលប្រកួតជាមួយក្រុម Napoli។ រូបថត AFP

Ibrahimovic ជួយ​ឱ្យ​ក្រុម​ឈរ​លេខ ១ នៅ Serie A

ក្រុង​មីឡាន៖ កីឡាករ Zlatan Ibrahimovic ទម្លុះ​សំណាញ់​ទី​បាន ២ គ្រាប់​បន្ថែម​ទៀត ដែល​ធ្វើ​ឱ្យ​គេ​មាន​គ្រាប់​បាល់​សរុប​ក្នុង​លីគ​នា​រដូវកាល​នេះ ចំនួន ១០ គ្រាប់ ហើយ​គ្រាប់​បាល់​នេះ​បាន​រួម​ចំណែក​យ៉ាង​ធំធេង ពេល​​ក្រុម AC Milan បន្ដឹង​សាច់​ដុំ​ ដើម្បី​ដណ្ដើម​យក​ជ័យជម្នះ ៣-១ លើ​ក្រុម​ Napoli ដែល​សល់​គ្នា​តែ ១០ ​នាក់​ អំឡុង​ការ​ប្រកួត​នៅ​ក្របខ័ណ្ឌ​ Serie A កាល​ពី​ថ្ងៃ​អាទិត្យ​។

ឥឡូវ​នេះ ក្រុម Milan មាន ២០ ​ពិន្ទុ ឈរ​ទី​១ ក្នុង​តារាង ពោល​គឺ​​នាំ​មុខ​ដាច់ ២ ពិន្ទុ លើ​ក្រុម​ Sassuolo ដែល​យកឈ្នះ​ Hellas Verona ២-០ ខណៈ Roma ឡើង​ទៅ​លេខ ៣ ក្រោយ​បំបាក់​​ក្រុម Parma ៣-០ ដែល​ក្នុង​នោះ​កីឡាករ Henrikh Mkhitaryan ស៊ុត​បាន ២ គ្រាប់​។

គ្រូបង្វឹក​របស់​ Napoli បាន​និយាយ​សរសើរ​អតីត​មិត្ត​រួម​ក្រុម Milan ថា​៖ «​សម្រាប់​ខ្ញុំ​ Ibrahimovic គឺ​ជា​កីឡាករ​ ដែល​កាន់​តែ​រឹងមាំ​ឡើងៗ​ជាង ១០-១២ ឆ្នាំ​មុន​។ ក្រុម Milan មាន​ទំនុក​ចិត្ត​លើ​គាត់ ១០០ ​ភាគរយ​ ហើយ​មិត្ត​រួម​ក្រុម​ ក៏​ជឿ​លើ​គាត់​ពេញ​ទំហឹង​ដែរ​។ ជា​ការ​យល់​ឃើញ​របស់​ខ្ញុំ​ ពួក​គេ​មិន​មែន​ជា​ក្រុម ដែល​ខ្លាំង​បំផុត​ទេ តែ​ពួក​គេ​មាន​កម្លាំង​ចិត្ត​ពេញ​បរិបូរណ៍​។ យើង​លេង​ល្អ តែ​ចាញ់​»​។

ខ្សែ​ប្រយុទ្ធ​សញ្ជាតិ​ស៊ុយអែត​​វ័យ ៣៩ ​ឆ្នាំ Ibrahimovic បាន​បន្ត​បង្ហាញ​នូវ​ទម្រង់​លេង​ដ៏​ល្អ​ខ្លួន ជាមួយ​នឹង​​ការ​តែត​ឱ្យ​ក្រុម Milan នាំ​មុខ ១-០ នៅ​នាទីទី​២០ ហើយ​​​ក្រោយ​មក​ក៏​បាន​បន្ថែម​គ្រាប់​ទី២ នាទីទី​៥៤។

ខ្សែ​បម្រើ Dries Mertens ​ជួយ​កាត់​បន្ថយ​ការ​នាំ​មុខ​ឱ្យ​ក្រុម​ម្ចាស់​ផ្ទះ Napoli មក​ត្រឹម ១ គ្រាប់ នៅ​នាទីទី​៦៣ តែ​កីឡាករ Jens Petter Hauge នាំ​ជ័យជម្នះ​ផ្លូវ​ការ​ឱ្យ​ក្រុម​ភ្ញៀវ​ក្នុង​លទ្ធផល ៣-១ នៅ​នាទីទី​៩០+៥​។​​​

ជាមួយ​គ្នា​នេះ គ្រូបង្វឹក​របស់​ក្រុម Milan លោក Stefano Pioli មិន​បាន​រួម​ដំណើរ​ជាមួយ​កូន​ក្រុម​របស់​ខ្លួន​ទេ ដោយសារ​ឆ្លង​ជំងឺ​កូវីដ ១៩។

តែ​ក្រុម​របស់​លោក Pioli នៅ​តែ​អាច​ដណ្ដើម​បាន​នូវ​ជោគជ័យ​លើក​ដំបូង​ នៅ​ទីក្រុង Naples នេះ គិត​តាំង​ឆ្នាំ ​២០១០ មក ពោល​គឺ​ជា​រដូវកាល ដែល​ពួក​គេ​បាន​ឈ្នះ​ពាន​រង្វាន់​ក្របខ័ណ្ឌ Serie A ឬ Scudetto របស់​អ៊ីតាលី។

ការ​ឈ្នះ​ជើងឯក​នៅ​ពេល​នោះ​ Ibrahimovic ក៏​មាន​ជាប់​​ឈ្មោះ​ក្នុង​តារាង​កីឡាករ​​​រក​គ្រាប់​បាល់​បាន​ច្រើន​​​​ជាង​គេ​ផង​ដែរ​៕ AFP/VN

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ