The Phnom Penh Post Search

Search form




Logo of Phnom Penh Post newspaper Phnom Penh Post - Lingard រុញ West Ham ឡើង​ទៅ​លេខ ៤




Lingard រុញ West Ham ឡើង​ទៅ​លេខ ៤

Content image - Phnom Penh Post
Lingard ស៊ុត​ឱ្យ West Ham នាំ​មុខ Wolves ១-០ អំឡុង​ការ​ប្រកួត នៅ​ក្រប​ខ័ណ្ឌ Premier League កាល​ពី​ថ្ងៃ​ចន្ទ​។

Lingard រុញ West Ham ឡើង​ទៅ​លេខ ៤

ក្រុងឡុងដ៍: កីឡាករ Jesse Lingard គឺ​ជា​កម្លាំង​​ជម្រុញ​ដ៏​សំខាន់ ក្នុង​ការ​ជួយ​ឱ្យ​ក្រុម West Ham United ទទួល​បាន​នូវ​ជ័យ​ជម្នះ​ដ៏​រំភើប ​ក្នុង​លទ្ធ​ផល ៣-២ លើ​ក្រុម​ម្ចាស់​ផ្ទះ Wolverhampton Wanderers (Wolves) ដើម្បី​រំកិល​ទៅ​កាន់​ចំណាត់​ថ្នាក់​ទី៤ ក្នុង​តារាង​ពិន្ទុ​នៃ​ក្រប​ខ័ណ្ឌ Premier League កាល​ពី​ថ្ងៃចន្ទ។

ទម្រង់​លេង​ដ៏​គួរ​ស្ងើច​របស់ Lingard តាំង​ពី​មក​ចូល​រួម​ជាមួយ​ក្រុម​ញញួរ​ធំ ក្នុង​លក្ខ​ខណ្ឌ​ខ្ចី​ជើង​ពី​ក្រុម​បិសាច​ក្រហម Manchester United ក្នុង​ខែ​មករា​ ធ្វើ​ឱ្យ​រូប​គេ​ទទួល​បាន​ការ​កោះ​ហៅ​ឱ្យ​ចូល​ក្រុម​ជម្រើស​ជាតិ​អង់គ្លេសវិញ ដោយ​អ្នក​ចាត់​ការ​ លោក​ Gareth Southgate កាល​ពី​ខែ​មុន​។

ខ្សែ​បម្រើ​រូប​នេះ បាន​ស៊ុត​បញ្ចូល​ទីគ្រាប់​ទី ៦ ក្នុង​ចំណោម​ការ​បង្ហាញ​ខ្លួន ៨ លើក​របស់​ខ្លួន ដើម្បី​ឱ្យ​​ក្រុម​ភ្ញៀវ West Ham នាំ​មុខ ត្រឹម​តែ ៦​ នាទី​ប៉ុណ្ណោះ ហើយ​ក្រោយ​មក រួម​ចំណែកបញ្ជូន​បាល់​ឱ្យ Jarrod Bowen ស៊ុត​គ្រាប់​ទី ៣ បន្ទាប់​ពី​មាន​គ្រាប់​ទី ២ ដែល​បំប៉ោង​សំណាញ់​ទី​ដោយ Pablo Fornals​។

កូន​ក្រុម​របស់​លោក David Moyes មិន​អាច​ការ​ពារ​ពី​​ការ​នាំ​មុខ ៣ គ្រាប់​របស់​ខ្លួន ដោយ​បណ្ដោយ​ឱ្យ​ក្រុម​​ Arsenal វាយ​បក​តាម​ស្មើ​ ៣-៣ ក្នុង​​ប្រកួត នៅ​កីឡដ្ឋាន London របស់​ខ្លួន កាល​ពី​ ២ ​សប្ដាហ៍កន្លង​ទៅ ហើយ​ពួក​គេប៊ិះ​នឹង​ធ្វើ​ឱ្យ​កំហុស​ដដែល​នេះ​ កើត​ឡើង​ម្ដង​ទៀត​ទៅ​ហើយ​។

តែ​យ៉ាង​ណា ទោះ​​ Wolves ព្យាយាម​សម្រុក​ ដើម្បី​រក​គ្រាប់​បាល់​វិញ ក៏​ពួក​គេ​នៅ​អាច​យក​ ៣​ ពិ​ន្ទុ​ ត្រឡប់​ទៅ​ផ្ទះ​វិញ បាន​ដែរ ដោយសារ​ក្រុម​ម្ចាស់​ផ្ទះ ស៊ុត​សង​វិញ​បាន​តែ ២ គ្រាប់​ប៉ុណ្ណោះ ដែល​គ្រាប់​ទី ១ ដោយ Leander Dendoncker និង​គ្រាប់​ទី ២ ដោយ Fabio Silva​។

បន្ទាប់​ពី​ដណ្ដើម​បាន​ជ័យ​ជម្នះ​ប្រផិត​ប្រផើយ​នេះ ធ្វើ​ឱ្យ​ក្រុម​ West Ham នាំ​មុខ ១ ពិន្ទុ លើ​​ក្រុម​លេខ ៥ Chelsea ដែល​មាន ៥១​ ពិន្ទុ ក្រោយ​បញ្ចប់​ការ​ប្រកួត ៣២ ​ហ្គេម​។

ក្រុម​ប្រជែង​កៅអី​សម្រាប់​ទៅ Champions League រដូវកាល​ក្រោយ គឺ​​ Tottenham និង Liverpool កំពុង​តាម​ពី​ក្រោយ West Ham ៣ ពិន្ទុ​៕ AFP/VN

អត្ថបទគួរចាប់អារម្មណ៍