The Phnom Penh Post Search

Search form




Logo of Phnom Penh Post newspaper Phnom Penh Post - Liverpool វិល​ទៅ​ឈរលើ​កំពូល​តារាង​វិញ

Liverpool វិល​ទៅ​ឈរលើ​កំពូល​តារាង​វិញ

Content image - Phnom Penh Post
តារា​ឆ្នើម​ប្រេស៊ីល Roberto Firmino (​កណ្តាល​) របស់ Liverpool ត្រូវបាន​រំខាន​ក្នុង​ពេល​ស៊ុត​បាល់​។ AFP

Liverpool វិល​ទៅ​ឈរលើ​កំពូល​តារាង​វិញ

ក្រុងឡុងដ៍: ក្រុម Liverpool បាន​វិល​ទៅកាន់​ផ្លូវ​នៃ​ជ័យជម្នះ​វិញ និង​ឡើង​ឈរ​នៅលើ​កំពូល​តារាង​នៃ​ក្របខ័ណ្ឌ Premier League ស្រប​ពេល Manchester United បាន​ឡើង​ទៅ​ឈរ​លេខ​ ៤ កាលពី​ថ្ងៃ​សៅរ៍ ខណៈ​កីឡា​បាល់ទាត់​អង់គ្លេស​បាន​ផ្តល់​ការគោរព​ដល់​កីឡាករ Emiliano Sala ដែល​បាន​ទទួល​មរណភាព​។

គ្រាប់​បាល់​ស៊ុត​បញ្ចូល​ទី​ក្នុង​តង់​ទី​ ១ ​ពី​សំណាក់​កីឡាករ Sadio Mane និង Georginio Wijnaldum រួម​ជាមួយ​នឹង​គ្រាប់​បាល់​នៅ​នាទី​ទី​ ៤៨ ​របស់​ខ្សែប្រយុទ្ធ Mohamed Salah បាន​ជួយ​ឲ្យ​ក្រុម Liverpool ដណ្តើម​បាន​ជ័យជម្នះ​ក្នុង​លទ្ធផល ៣-០ លើ​ក្រុម Bournemouth នា​កីឡដ្ឋាន Anfield​។

ការដណ្តើម​បាន​ជ័យជម្នះ​មាន​ន័យថា Liverpool ដែល​បាន​ស្ថិតក្នុង​ចំណាត់​ថ្នាក់​លេខ​ ២ ដោយសារ​តែ​មាន​គ្រាប់​បាល់​តិច​ជាង​នោះ​បាន​ឡើង​ឈរ​ពី​លើ​ក្រុម Manchester City ចំនួន​ ៣ ​ពិន្ទុ​ដាច់​នៅ​មុន​ពេល​ក្រុម​ម្ចាស់​ការពារ​តំណែង​ជើងឯក​មួយ​នេះ​ប្រកួត​ជាមួយ​នឹង Chelsea លើ​ទឹកដី​ខ្លួនឯង​កាលពី​យប់មិញ​។ ស្រប​ពេល​ជាមួយ​គ្នា​នេះ​ការវិល​ទៅ​រក​ភាព​ខ្លាំង​វិញ​របស់​ក្រុម Man United ក្រោម​ការដឹកនាំ​របស់​គ្រូបង្វឹក​បណ្តោះអាសន្ន​លោក Ole Gunnar Solskjaer បាន​បន្ត​តាមរយៈ​ការយក​ឈ្នះ​យ៉ាងកក់ក្តៅ​ក្នុង​លទ្ធផល ៣-០ នៅ​លើ​ទឹកដី​ក្រុម Fulham​។

Liverpool បាន​បាត់បង់​ពិន្ទុ​ក្នុង​ពេល​បញ្ចប់​ក្នុង​លទ្ធផល​ស្មើ ១-១ ២ ​លើក​ជាប់ៗ​គ្នា​ពេល​ជួប​ក្រុម Leicester និង West Ham ដែល​នាំ​ឲ្យ​មាន​ការលើក​ឡើង​ថា ពួកគេ​កំពុង​តែ​បាត់បង់​ការស្រេកឃ្លាន​របស់​ខ្លួន​ក្នុង​ការបញ្ចប់​ការរង់ចាំ​រយៈពេល​ ២៩ ​ឆ្នាំ​របស់​ក្លិប​នេះ​ដើម្បី​ក្លាយ​ជា​ម្ចាស់​ជើងឯក​អង់គ្លេស​ម្តងទៀត​។

ប៉ុន្តែ Mane បាន​បន្ធូរបន្ថយ​សម្ពាធ​នោះ​តាមរយៈ​ការរក​បាន​គ្រាប់​បាល់​បើកឆាក​នៅ​ដើម​តង់​នា​កីឡដ្ឋាន Anfield​។ Liverpool បាន​បន្ថែម​ការនាំ​មុខ​របស់​ពួក​គេង​តាមរយៈ​គ្រាប់​បាល់​បញ្ចូល​ទី​របស់​ខ្សែ​បម្រើ Wijnaldum នៅ​នាទី​ទី​ ៣៤ នៅ​មុន​ពេល​ការ​ស៊ុត​បាល់​កោង​បញ្ចូល​ទី​យ៉ាង​ល្អ​របស់ Salah ដើម្បី​បំពេញ​ជ័យជម្នះ​របស់​ក្រុម​ខ្លួន​តែម្តង​។

លោក Jurgen Klopp អ្នក​ចាត់ការ​ទូទៅ​របស់ Liverpool បាន​ឲ្យ​ដឹង​ថា​៖ «​យើង​បាន​ដឹងថា យើង​មិន​រីករាយ​ជាមួយ​នឹង​ទម្រង់​លេង​របស់​យើង​ឡើយ​ក្នុង​ការប្រកួត​ ២ ឬ​ ៣​ លើក​ចុងក្រោយ​។ យើង​ចង់​លេង​កីឡាបាល់ទាត់​ប្រកប​ដោយ​ការជឿជាក់​ដែល​យើង​ចង់​បង្ហាញ​»​។

ក្នុង​ទីក្រុង​ឡុងដ៍​ឯណោះ​វិញ​ខ្សែបម្រើ Paul Pogba បាន​ស៊ុត​បាល់​បញ្ចូល​ទី​ ២ ​គ្រាប់​ក្នុង​នោះ​រាប់បញ្ចូល​ទាំង​បាល់​ពិន័យ​ ១១ ​ម៉ែត្រ​ក្នុង​តង់​ទី​ ២ ​ផង​ដែរ​នៅ​ចន្លោះ​គ្រាប់​បាល់​របស់​ខ្សែប្រយុទ្ធ Anthony Martial ខណៈ Man City បាន​កត់ត្រា​ជ័យជម្នះ​ជា​លើក​ទី​ ១០ ​ក្នុង​ចំណោម​ការប្រកួត​ ១១ ​លើក​ចាប់​តាំងពី​អតីត​ខ្សែប្រយុទ្ធ​លោក Solskjaer បាន​ចូលកាន់​តំណែង​ក្នុង​នាម​ជា​គ្រូបង្វឹក​បណ្តោះអាសន្ន​។

Chelsea អាច​ដណ្តើម​យក​កៅអី​ ១ ​ក្នុង​ចំណោម​កៅអី​ដែល​ឈ្នះ​សិទ្ធិ​ទៅ​លេង​ក្នុង​ក្របខ័ណ្ឌ Champions League ពេល​ក្រុម Man City​។

ប៉ុន្តែ Man United ដែល​ដេញ​តាម​ពីក្រោយ​ក្រុម​ស្ថិត​ក្នុង​ចំណាត់ថ្នាក់​លេខ​ ៤ ​ចំនួន​ ១១ ​ពិន្ទុ​នៅពេល​ដែល​លោក Jose Mourinho ត្រូវ​បាន​បណ្តេញចេញ​កាលពី​ខែធ្នូ​នោះ បច្ចុប្បន្ន​វិល​ទៅ​កាន់​ការ​ប្រជែង​វិញ​ហើយ​៕ IS

អត្ថបទគួរចាប់អារម្មណ៍