The Phnom Penh Post Search

Search form




Logo of Phnom Penh Post newspaper Phnom Penh Post - Man Utd ​ឈ្នះ​ ​Man City នៅ​ក្នុង​ស្ថានភាព​រើសអើង​

Man Utd ​ឈ្នះ​ ​Man City នៅ​ក្នុង​ស្ថានភាព​រើសអើង​

Content image - Phnom Penh Post
Rashford ស៊ុត​បាល់​ពិន័យ​ ១១​ ម៉ែត្រ​ ចូល​ទី​យ៉ាង​ល្អ​ក្នុង​ការ​ប្រកួត​លីក​អង់​គ្លេស​ជា​មួយ​ក្លិប Man City ពី​រាត្រី​ថ្ងៃ​សៅរ៍​​។ រូប AFP

Man Utd ​ឈ្នះ​ ​Man City នៅ​ក្នុង​ស្ថានភាព​រើសអើង​

ក្រុង​ឡុងដ៍៖ ក្លិប Man Utd បាន​បំផ្លាញ​ក្ដី​សង្ឃឹម​លើក​ពាន​រង្វាន់​ Premier League របស់​ក្លិប Man City កាល​ពី​ថ្ងៃ​សៅរ៍ ​ក្រោយ​ពី​ក្រុម​ឈរ​លើ​កំពូល​តារាង​ Liverpool ធានា​បាន​លេខ ​១ ​នៅ​រដូវ​បុណ្យ​ណូអែល​នេះ ​ជាមួយ​ជ័យ​ជម្នះ​ទៅ​លើ​ក្រុម Bournemouth ៣-០។​

ក្លិប Man City ដែល​កំពុង​ការពារ​ម្ចាស់​ជើងឯក​នោះ​​បាន​ដើរ​ចូល​ទីលាន​ប្រកួត​នៅ​កីឡដ្ឋាន​ Etihad ក្នុង​បំណង​ត្រូវ​តែ​ឈ្នះ​ក្រោយ​ពី​ក្រុម​របស់​លោក Jurgen Klopp បាន​ឈ្នះ​ ៣-០ ទៅ​លើ​ក្រុម​ Bournemouth ប៉ុន្តែ​ពួក​គេ​បាន​ចាញ់​ក្រុម​ Man Utd ក្នុង​លទ្ធផល​ ២-១។​

នៅ​មុន​ការ​ប្រកួត​នោះ​ ក្រុម Tottenham របស់​លោក Jose Mourinho បាន​លត់​ក្រុម Burnley ៥-០ ក្នុង​នោះ​កីឡាករ​ Son Heung-min រក​បាន ​១ ​គ្រាប់ ​ដ៏​អស្ចារ្យ​ចំណែក​ក្រុម​ចំណាត់​ថ្នាក់​លេខ​ ៤​​ Chelsea បាន​ចាញ់​ក្រុម Everton ៣-១ នៅ​កីឡដ្ឋាន​ Goodison Park។​​

បរាជ័យ ​៤ ​លើក ​របស់​ក្រុម Man City នៅ​រដូវកាល​នេះ​បាន​ធ្វើ​ឲ្យ​ពួក​គេ​តាម​ពី​ក្រោយ ​១៤ ​ពិន្ទុ ​នៃ​ក្រុម​ Liverpool ដែល​បាន​ឈ្នះ​ ១៥ ​លើក ​ក្នុង ​១៦ ​ប្រកួត​។​

កីឡាករ​ Marcus Rashford បាន​បើក​ឆាក ​១ ​គ្រាប់ ​សម្រាប់​ក្រុម​ភ្ញៀវ​ Man Utd ដោយ​ការ​ស៊ុត​បាល់​ពិន័យ ​១១ ​ម៉ែត្រ ​នៅ​នាទី ​២៣​ ហើយ​កីឡាករ​ Anthony Martial បាន​បន្ថែម ​១ ​គ្រាប់​ទៀត ​នៅ​នាទី ​២៩​ តែ​នៅ​នាទី ​៨៥ ​កីឡាករ​ Nicolas Otamendi រក​បាន ​១ ​គ្រាប់​សម្រាប់​ម្ចាស់​ផ្ទះ​​​ ប៉ុន្តែ​មិន​អាច​តាម​ស្មើ​បាន​ឡើយ​។​

ក្នុង​ការ​ប្រកួត​រវាង​ក្រុម​ទាំង ​២ ​នេះ ​គេ​បាន​ឃើញ​មាន​ការ​រើស​អើង​ជាតិ​សាសន៍​ទៅ​លើ​កីឡាករ​ Fred របស់​ក្លិប Man Utd ដោយ​អ្នក​គាំទ្រ​បាន​ប្រើ​ពាក្យ​សម្ដី​មិន​​សមរម្យ​ និង​ចោល​វត្ថុ​​ផ្សេងៗ​ទៅ​លើ​រូប​គេ​ផង​ដែរ​។​​

លោក Ole Gunnar Solskjaer គ្រូ​បង្វឹក​ក្លិប Man Utd បាន​ប្រាប់​ BBC ​ថា៖ «​យើង​នឹង​ចងចាំ​ពី​បញ្ហា​នេះ​ ហើយ​យើង​មើល​ទៅ​ដូច​ជា​គ្រោះ​ថ្នាក់​ខ្លាំង​ណាស់​នៅ​ពេល​យើង​ទទួល​បាន​បាល់​​សម្រុក​ទៅ​មុខ​នៅ​​ក្នុង​ការ​ប្រកួត​ជាមួយ​ក្រុម​ល្អ​បំផុត​នៅ​ក្នុង​ពិភព​លោក​មួយ​​នេះ»។​​

គ្រូ​បង្វឹក​រូប​នេះ​បាន​បន្ថែម​ថា៖ «​ពួក​គេ ​គឺ​ជា​ក្រុម​មួយ​អស្ចារ្យ​ ហើយ​ដើម្បី​ទទួល​បាន​លទ្ធផល ​និង​ការពារ​ដូច​យើង​បាន​ធ្វើ ​និង​បង្កើត​ឱកាស​ជា​ច្រើន​នេះ​ យើង​គួរ​តែ​បាន ​៣ ​ឬ ​៤ ​គ្រាប់​ឡើង​ទៅ ​ប៉ុន្តែ​ដោយសារ​អ្នក​ចាំ​ល្អ​»។​

គ្រូ​បង្វឹក​ដ៏​អស់​សង្ឃឹម​របស់​ក្លិប Man City លោក Pep Guardiola ដែល​ក្រុម​របស់​គាត់​នៅ​តែ​ឈរ​នៅ​លេខ ​៣ ​នោះ​បាន​និយាយ​ថា វា​មិន​មែន​ជា​ពេល​ដែល​ត្រូវ​គិត​គូរ​ពី​ការ​ប្រណាំង​ប្រជែង​ពាន​រង្វាន់​នេះ​ទេ​។​

គ្រូ​បង្វឹក​រូប​នេះ​បាន​ប្រាប់​ Sky Sports ថា៖ «​យើង​ត្រូវ​គិត​ពី​អ្វី​ដែល​យើង​ត្រូវ​ធ្វើ​ និង​គិត​ពី​ការ​ប្រកួត​លើក​ក្រោយ​ទៀត ​ដោយ​មិន​ខ្វល់​ពី​ការ​ចាញ់​ពិន្ទុ ​៦ ឬ ​៨​ ឬ​ក៏ ​១៤ ​នោះ​ទេ ​គឺ​យើង​ត្រូវ​តែ​បន្ត​ទៅ​មុខ​ទៀត ​ព្រោះ​យើង​ជា​ក្រុម​ដ៏​អស្ចារ្យ​មួយ​»។​

នៅ​មុន​ការ​ប្រកួត​រវាង​ក្រុម​ទាំង ​២ ​នេះ​ ក្រុម​របស់​លោក Klopp បាន​ប្រកួត​ឈ្នះ​ក្រុម Bournemouth ​៣-០ នៅ​ក្រៅ​ទឹក​ដី ​ដើម្បី​បន្ត​នាំ​មុខ​គេ​ដាច់ ​១១ ​ពិន្ទុ​ ខណៈ​ពួក​គេ​កំពុង​តាម​ឈ្នះ​ពាន​រង្វាន់​នេះ​ជា​លើក​ដំបូង ​សម្រាប់​រយៈពេល ​៣០ ​ឆ្នាំ​មក​នេះ​។​​​

កីឡាករ Alex Oxlade-Chamberlain បាន​បើក​ឆាក ​១ ​គ្រាប់ ​សម្រាប់​ម្ចាស់​ជើងឯក​អឺរ៉ុប​នេះ​​មុន​ពេល​កីឡាករ Naby Keita បាន​បន្ថែម​ ១ គ្រាប់​ទៀត នៅ​មុន​ពេល​សម្រាក​តង់​ទី ​១​ ហើយ​កីឡាករ​ Salah បាន​ដាក់ ​១ ​គ្រាប់​ទៀត ​នៅ​នាទី ​៥៤​។​

នេះ​ជា​ជ័យជម្នះ​ដោយ​មិន​ធ្វើ​ឲ្យ​របូត​គ្រាប់​បាល់​លើក​ទី ​១ ​សម្រាប់​ក្រុម Liverpool តាំង​​ពី​ចុង​ខែ​កញ្ញា​។​

លោក Klopp បាន​និយាយ​ថា៖ «​មែន​ហើយ​វា​ពិ​ត​ជា​អស្ចារ្យ​ ​១០០​%​។ យើង​រក​បាន​គ្រាប់​បាល់​ដ៏​អស្ចារ្យ​ ហើយ​យើង​មាន​ឱកាស​ជា​ច្រើន ​​និង​លេង​បាន​ល្អ​ផង​ដែរ​»៕ AFP/SN

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។