The Phnom Penh Post Search

Search form




Logo of Phnom Penh Post newspaper Phnom Penh Post - Martinez ជួយ​ឲ្យ​​ Inter ឈរ​លើ​កំពូល​តារាង​ Serie A

Martinez ជួយ​ឲ្យ​​ Inter ឈរ​លើ​កំពូល​តារាង​ Serie A

Content image - Phnom Penh Post
Martinez (កណ្ដាល) គ្រប់​គ្រង​បាល់​ក្នុង​ការ​ប្រកួត​លីក​អីុតាលី​ជា​មួយ​ក្រុម​ SPAL ពី​រាត្រី​ថ្ងៃ​អាទិត្យ​​​។ រូប AFP

Martinez ជួយ​ឲ្យ​​ Inter ឈរ​លើ​កំពូល​តារាង​ Serie A

ក្រុង​មីឡាន៖ ការ​រក​បាន ​២ ​គ្រាប់ ​របស់​កីឡាករ​ Lautaro Martinez នៅ​តង់​ទី ​១ ​បាន​ជួយ​ឲ្យ​ក្លិប Inter Milan ឈរ​នៅ​លើ​កំពូល​តារាង​នៃ​ក្របខ័ណ្ឌ Serie A ជាមួយ​ជ័យជម្នះ​ ២-១ ទៅ​លើ​ក្រុម SPAL កាល​ពី​ថ្ងៃ​អាទិត្យ ​ក្រោយ​ពី​ម្ចាស់​ជើងឯក​ Juventus បាន​ប្រកួត​ស្មើ​គ្នា​ជាមួយ​ក្រុម Sassuolo នៅ​ក្នុង​ទឹក​ដី​ខ្លួន​ឯង​។​​

គ្រូ​បង្វឹក​ក្លិប​ Juventus លោក Maurizio Sarri បាន​សម្ដែង​ការ​សោកស្ដាយ​ក្រោយ​ពី​ក្រុម​របស់​គាត់​បាន​ធ្លាក់​ចុះ​ពិន្ទុ​ជា​លើក​ដំបូង​នៅ​ក្នុង​រដូវកាល​នេះ​ក្នុង​ការ​​ប្រកួត​នៅ​លើ​​ទឹក​ដី​ខ្លួន​ឯង​ថា៖ «​យើង​មិន​បាន​ប្រើ​ក្បាល​របស់​យើង​នោះ​ទេ​»។​​​

គ្រូ​បង្វឹក​រូប​នេះ​បាន​បន្ថែម​ថា៖ «​យើង​មាន​បញ្ហា​ដោយ​ខ្លួន​ឯង​ព្រោះ​យើង​មិន​បាន​ប្រើ​ក្បាល​នៅ​តង់​ទី ​១​ ខណៈ​យើង​មាន​ឱកាស​ជា​ច្រើន​»។​

ខ្សែ​ប្រយុទ្ធ​ Christiano Ronaldo ​បាន​ស៊ុត​បាល់​បញ្ចូល​ទី​បាន​ ​១ ​គ្រាប់ ​ដើម្បី​តាម​ស្មើ​គូ​ប្រជែង​ខ្លួន ២-២ ប៉ុន្តែ​ក្លិប Juventus បាន​រអិល ​១ ​ពិន្ទុ ​តាម​ពី​ក្រោយ​ក្រុម​ Inter របស់​លោក Antonio Conte។​

កីឡាករ​អាហ្សង់ទីន​ Martinez បាន​ជួយ​ឲ្យ​ក្រុម Inter នាំ​មុខ​នៅ​នាទី ​១៦ ​​នៅ​កីឡដ្ឋាន​ San Siro របស់​ខ្លួន​បន្ទាប់​មក​បាន​តែត​បាល់​ចូល​ទី ​១ ​គ្រាប់​ទៀត ​ដើម្បី​បង្គ្រប់​ជា​គ្រាប់​បាល់​ទី ​៨ ​របស់​ខ្លួន​ក្នុង​ការ​ប្រកួត​លីក​នៅ​រដូវកាល​នេះ​។​

ប៉ុន្តែ​កីឡាករ​ Mattia Valoti រក​បាន ​១ ​គ្រាប់ ​សម្រាប់​ក្រុម​ភ្ញៀវ ​ប៉ុន្តែ​នៅ​តែ​មិន​អាច​ជួយ​ឲ្យ​ក្រុម SPAL តាម​ស្មើ​ម្ចាស់​ផ្ទះ​ជា​ហេតុ​ធ្វើ​ឲ្យ​ពួក​គេ​​រង​បរាជ័យ ​៩ ​លើក​ក្នុង​រដូវកាល​នេះ​ ​និង​​ឈរ​នៅ​លេខ ​២ ​នៃ​តំបន់​បាត​តារាង​​។​

លោក Conte បាន​ដឹកនាំ​ក្លិប Inter ដែល​គ្រប់គ្រង​ដោយ​ជនជាតិ​ចិន​នេះ ​ទទួល​បាន​ជ័យជម្នះ ​១២ ​លើក ​ក្នុង​ការ​ប្រកួត​លីក ​១៤ លើក​ជា​លើក​ដំបូង​ ហើយ​ពួក​គេ​​បាន​ឡើង​ទៅ​ឈរ​លើ​កំពូល​តារាង​វិញ ​ក្រោយ​ពី​ពួក​គេ​បាត់​បង់​ចំណាត់​ថ្នាក់​នេះ​នៅ​ពេល​ប្រកួត​ចាញ់​ក្រុម Juventus ក្នុង​លទ្ធផល​ ២-១ កាល​ពី​ថ្ងៃ​ទី ​៦​ ខែ​តុលា​៕ AFP/SN

អត្ថបទគួរចាប់អារម្មណ៍

  • ភ្នំពេញៈ ក្រសួង​សាធារណការ និង​ដឹកជញ្ជូន​នឹង​ចេញ​ស្លាក​លេខ និង​បណ្ណ​បើកបរ​បណ្ដោះអាសន្ន​សម្រាប់​រថយន្ត​កែច្នៃ ដែល​បម្រើ​ដល់​វិស័យ​កសិកម្ម​តាម​ការស្នើសុំ​របស់​អគ្គស្នងការ​នគរបាល​ជាតិ ដើម្បី​បង្ការ​គ្រោះថ្នាក់​ចរាចរណ៍ និង​ងាយស្រួល​គ្រប់គ្រង​ព្រម​ទាំង​សម្រួល​ដល់​ការដឹកជញ្ជូន​របស់​កសិករ​។

  • ភ្នំពេញៈ ការនាំចេញ​ចេក​អំបូង​លឿង​ស្រស់​ពី​កម្ពុជា​ទៅ​ទីផ្សារ​អន្តរជាតិ​គិត​ចាប់ពី​ដើមឆ្នាំ​ ២០២០ រហូត​មក​ដល់​ថ្ងៃទី ​៨ ខែ​កក្កដា​ នេះ ​សម្រេច​បាន​ជិត ១៥ ​ម៉ឺន​តោន​ កើនឡើង​ជាង ១៥០ ​ភាគរយ​បើ​ធៀប​ទៅ​នឹង​រយៈពេល​ដូចគ្នា​កាលពី​ឆ្នាំមុន​។ នេះ​បើ​តាម​លោក វេង សាខុន រដ្ឋមន្ត្រី​ក្រសួង​កសិកម្ម រុក្ខាប្រមាញ់ និង​នេសាទ​។

  • ភ្នំពេញៈ អ្នកនាំពាក្យ​មជ្ឈមណ្ឌល​ជាតិ​រក្សា​សន្តិភាព លោកស្រី កុសល ម៉ាលីនដា បាន​ប្រាប់​ឲ្យ​ដឹង​នៅ​ថ្ងៃ​ម្សិលមិញ​ថា កងកម្លាំង​មួកខៀវ​កម្ពុជា​ ៨០ ​នាក់​ដែល​បញ្ចប់​បេសកកម្ម​រក្សា​សន្តិភាព​ក្រោម​ឆត្រ​របស់​អង្គការ​សហប្រជាជាតិ​នៅ​ប្រទេស​ម៉ាលី​នឹង​ត្រូវធ្វើ​មាតុភូមិ​និវត្តន៍​មក​កម្ពុជា​វិញ​នៅ​ថ្ងៃទី​ ១០ កក្កដា ២០២០​។

  • ភ្នំពេញៈ ការស្នើសុំ​ឥណទាន​ពី​កម្មវិធី​ពិសេស​របស់​រដ្ឋាភិបាល​ដែលមាន​ទឹកប្រាក់ ៥០ ​លាន​ដុល្លារ តាមរយៈ​ធនាគារ​អភិវឌ្ឍន៍ជនបទ និង​កសិកម្ម​ (ARDB) បាន​កើន​ដល់​ទឹកប្រាក់​ជាង ៣៧ ​លាន​ដុល្លារ​ ហើយ​គិត​ត្រឹម​ថ្ងៃទី​ ៩ ខែកក្កដា នេះ​។

  • ភ្នំពេញៈ ប្រទេស​កម្ពុជា​ កំពុង​សិក្សា​ពី​លទ្ធភាព​នៃ​ការបង្កើត​កិច្ចព្រមព្រៀង​ពាណិជ្ជកម្ម​សេរី​ជាមួយ​នឹង​ប្រទេស​ឥណ្ឌា​ ដើម្បី​ជា​ការបើក​ទីផ្សារ​ថ្មី​មួយ​ទៀត​ទៅកាន់​ប្រទេស​ដែល​មាន​សេដ្ឋកិច្ច​ធំ​ក្នុង​តំបន់ បន្ទាប់ពី​កិច្ចចរចា​ពាណិជ្ជកម្ម​សេរី​ជាមួយ​ប្រទេស​ចិន​គ្រោង​នឹង​បញ្ចប់​ក្នុង​ខែ​សីហា​ខាងមុខ​។

  • ភ្នំពេញៈ កម្លាំង​នគរបាល​ខណ្ឌ​សែនសុខ​នៅ​រសៀល​ថ្ងៃ​ព្រហស្បតិ៍​ម្សិលមិញ​បានសម្រេច​បញ្ជូន​ខ្លួន​ចៅក្រម​នៃ​សាលាដំបូង​ខេត្ត​កោះកុង​ម្នាក់​ទៅ​សាលាដំបូង​រាជធានី​ភ្នំពេញ ដើម្បី​ចាត់ការ​បន្ត​តាម​នីតិវិធី​ច្បាប់ បន្ទាប់ពី​ចៅក្រម​រូបនេះ​បាន​បង្ក​គ្រោះថ្នាក់​ចរាចរណ៍​បណ្ដាល​ឲ្យ​ស្ត្រី​ម្នាក់​ស្លាប់​កាលពី​រសៀល​ថ្ងៃ​ពុធ ហើយ​អះអាង​ថា ស្ត្រី​រូប​នោះ​ជា​ចោរឆក់​។