ក្រុងបាសេឡូណា: Lionel Messi បានចាប់ផ្តើមយុទ្ធនាការនៃក្របខ័ណ្ឌ Champions League របស់ខ្លួន តាមរយៈការស៊ុតបាល់បញ្ចូលទី៣គ្រាប់ ក្នុងពេលក្រុម Barcelona បានលត់ក្រុម PSV Eindhoven យ៉ាងចាស់ដៃ តាមរយៈគ្រាប់បាល់ស៊ុតបញ្ចូលទី៤គ្រាប់ កាលពីថ្ងៃអង្គារ។
ការប្រកួតគូបើកឆាកនៅកីឡដ្ឋាន Camp Nou មានន័យថា នៅមុនពេលក្រុមភាគច្រើននៃយុទ្ធនាការ ប្រកាសឈ្មោះកីឡាករក្នុងជម្រើសដំបូងរបស់ខ្លួន Messi បានរត់ចូលទីលានដើម្បីបង្ហាញពីថ្វីជើងរបស់ខ្លួនភ្លាមៗ។
Messi បានរកគ្រាប់បាល់ទី២ និងទី៤របស់ខ្លួន នៅមុនពេលបញ្ចប់ការប្រកួត ដើម្បីបំពេញការរកគ្រាប់បាល់បញ្ចូលទី៣គ្រាប់ក្នុង១ប្រកួតនៃក្របខ័ណ្ឌ Champions League ជាលើកទី៨ ប៉ុន្តែ ខ្សែប្រយុទ្ធ Ousmane Dembele ក៏បានរកគ្រាប់បាល់បញ្ចូលទីយ៉ាងល្អ១គ្រាប់ផងដែរក្នុងការប្រកួតនេះ។
នៅពេលដែល Barca មានគ្រាប់បាល់នាំមុខ៣គ្រាប់ ខ្សែការពារ Samuel Umtiti បានរងពិន័យកាតក្រហម សម្រាប់ការទទួលបានកាតលឿងជាលើកទី២ ដែលមានន័យថា រូបគេនឹងត្រូវអវត្តមានសម្រាប់ការធ្វើដំណើរទៅកាន់កីឡដ្ឋាន Wembley ដើម្បីជួបជាមួយនឹងក្រុម Tottenham នៅខែក្រោយ។
សូម្បីតែនៅសល់សមាជិកត្រឹមតែ១០នាក់ Messi បានបំពេញគ្រាប់បាល់ទី៣របស់ខ្លួន ដើម្បីជួយឲ្យក្រុមម្ចាស់ផ្ទះទទួលជ័យជម្នះ ៤-០។
លោក Ernesto Valverde គ្រូបង្វឹករបស់ក្រុម Barca បានឲ្យដឹងថា៖ «ជាធម្មតា ប្រសិនបើអ្នកស៊ុតបាល់បញ្ចូលទី៣គ្រាប់ អ្នកនឹងចងចាំ។ ប៉ុន្តែ រូបគេបង្កើតឲ្យមានភាពអស្ចារ្យជាប្រចាំ»៕ IS