The Phnom Penh Post Search

Search form

Monaco នឹង​លក់ Lemar ទៅ​ឲ្យ​​ក្លិប Atletico Madrid

Content image - Phnom Penh Post
ខ្សែ​បម្រើ​ស្លាប​អន្តរ​ជាតិ​បារាង Thomas Lemar នឹង​ត្រូវ​​ផ្ទេរ​ពី​ក្លិប Monaco ទៅកាន់​ក្លិប​យក្ស​អេ​ស្ប៉ាញ Atletico Madrid​។ AFP

Monaco នឹង​លក់ Lemar ទៅ​ឲ្យ​​ក្លិប Atletico Madrid

ក្រុង​​ប៉ា​រីស: តារាឆ្នើម​អន្តរ​ជាតិ​​បារាំង Thomas Lemar នឹង​ត្រូវ​ចាក​ចេញពីក្លិប Monaco និង​ចូល​រួម​ជា​មួយ​នឹងក្លិប Atletico Madrid​។ នេះ​បើ​យោង​ទៅ​តាម​ការ​​ប្រកាស​របស់​ក្លិប​ទាំង​២ កាល​ពីថ្ងៃ​អង្គារ​។

ទាក់​ទង​នឹង​កីឡាករ​ ​វ័យ ​២២​ ឆ្នាំ​រូបនេះ ក្លិប​យក្ស​របស់​​អេ​ស្ប៉ាញ Atletico បាន​ឲ្យ​ដឹង​ថា៖ «ក្លិប Atletico de Madrid និង AS Monaco បាន​ឈាន​ដល់​ការ​ព្រម​ព្រៀង​ជា​​គោល​មួយ​ជុំ​វិញ​កា​រផ្ទេរ​របស់ Thomas Lemar មក​កាន់​ក្លិប​របស់​​យើង​សម្រាប់​ការ​ផ្ទេរ​​ដ៏​ច្បាស់​លាស់​នេះ​»​។

ទាក់​ទង​នឹង​ខ្សែ​បម្រើ​ប្រយុទ្ធ​រូប​នេះ​ដែល​​ជា​ធម្ម​តា​ត្រូវ​បាន​​ដាក់​ឲ្យ​លេង​នៅ​តំបន់​ស្លាប​ឆ្វេង ក្លិប Atletico បាន​បន្ថែម​ទៀត​ថា៖ «ក្នុង​រយៈពេល​ប៉ុន្មាន​​ថ្ងៃ​ខាង​មុខ​ទៀត ក្លិប​ទាំង​២ នឹង​បំពេញ​ការ​​ព្រម​ព្រៀង​គ្នា​មួយ​នេះ​»​។

Content image - Phnom Penh Post
ខ្សែ​បម្រើ​ប្រយុទ្ធ Thomas Lemar (ឆ្វេង) ស្ថិត​នៅ​លើ​ទីលាន​ហ្វឹកហាត់​រួម​ជាមួយ​នឹង​សមា​ជិក​ក្រុម​​ជម្រើស​ជាតិ​បារាំង​។ AFP

Lemar ស្ទើរ​តែ​បាន​ចូល​រួម​ជា​មួយ​នឹង​ក្លិប Arsenal កាលពី​១​ឆ្នាំមុន ប៉ុន្តែ Monaco បាន​ច្រាន​ចោល​ការ​ផ្ទេរ​ក្នុង​តម្លៃខ្លួន​៩២​លាន​ផោន (ស្មើ​នឹង​១២៣​លានដុល្លារ​អាមេរិក) ក្រោយ​ពី​​បាន​លក់​តារាឆ្នើម​ៗ​​ផ្សេង​ទៀត​ចេញ​ចាច្រើន​។

Lemar ក៏​ត្រូវ​បាន​រំពឹង​ទុក​ថា នឹង​ចូល​​​រួម​ជាមួយ​នឹងក្លិប Liverpool ផងដែរ ខណៈ​ដែល​ពួក​គេ​សម្លឹង​រក​កីឡាករ​ដើម្បី​ជំនួស​កន្លែង​របស់ Philippe Coutinho​។

ប្រភព​ជិត​ដិត​ទៅនឹង​ការ​​​ផ្ទេរ​នេះ បាន​បញ្ជាក់​ថា Lemar អាច​នឹង​ចូល​រួម​ជា​មួយ​នឹងក្លិប Atletico ក្នុង​តម្លៃខ្លួន​៧៥​លាន​អឺ​រ៉ូ (ស្មើ​នឹង​ ៨៨​ លាន​ដុល្លារ​អាមេរិក​)​៕ IS

អត្ថបទគួរចាប់អារម្មណ៍