.jpg)
លោក Jose Mourinho បានសន្យាថា នឹងជួយក្លិប Spurs ឲ្យអស់ពីសមត្ថភាពក្រោយពីទទួលបានការតែងតាំងជាគ្រូបង្វឹកនៅក្លិបនេះ។ រូបថត សហការី
ក្រុងឡុងដ៍៖ លោក Jose Mourinho បានសន្យាថា នឹងជួយក្លិប Spurs ឲ្យអស់ពីសមត្ថភាពក្រោយពីទទួលបានការតែងតាំងជាគ្រូបង្វឹកនៅក្លិបនេះកាលពីថ្ងៃពុធបន្ទាប់ពីបានបណ្ដេញលោក Mauricio Pochettino រួចហើយ។
អតីតគ្រូបង្វឹកក្លិប Chelsea ក្លិប Real Madrid និងក្លិប Man Utd រូបនេះត្រូវបានប្រកាសតែងតាំងជាគ្រូបង្វឹកថ្មីនៅរយៈពេលប៉ុន្មានម៉ោង បន្ទាប់ពីបានបណ្ដេញគ្រូបង្វឹកអាហ្សង់ទីនរូបនេះកាលពីល្ងាចថ្ងៃអង្គារ។
លោក Mourinho បានប្រាប់គេហទំព័រផ្លូវការរបស់ក្លិប Tottenham ថា៖ «ខ្ញុំពិតជាសប្បាយចិត្តខ្លាំងណាស់ និងទន្ទឹងរង់ចាំបទពិសោធថ្មីនេះ»។
គ្រូបង្វឹករូបនេះបានបន្ថែមថា៖ «តើខ្ញុំអាចសន្យាបានអ្វីខ្លះ? នោះគឺឆន្ទៈប្រឹងឲ្យអស់ពីសមត្ថភាពសម្រាប់ការងាររបស់ខ្ញុំក៏ដូចជាសម្រាប់ក្លិបរបស់ខ្ញុំដែលខ្ញុំតែងតែមានក្នុងអាជីពរបស់ខ្ញុំ»៕ SN
