.jpg)
កីឡាករវាយកូនបាល់អាមេរិក Reilly Opelka។ រូបថត AFP
សហរដ្ឋអាមេរិកៈ កីឡាករវាយកូនបាល់អាមេរិក Reilly Opelka ដែលជាប់ចំណាត់ថ្នាក់ទី៤បានឈ្នះ២លើកកាលពីថ្ងៃអាទិត្យដើម្បីគ្រងតំណែងជើងឯក ATP Delray Beach Open ដោយបានឈ្នះកីឡាករជប៉ុន Yoshihito Nishioka ក្នុងលទ្ធផល ៧-៥, ៦-៧, ៦-២ នៅក្នុងការប្រកួតជើងឯកនេះ។
នេះជាការគ្រងដំណែងជើងឯក ATP លើកទី២ សម្រាប់កីឡាករអាមេរិកវ័យ ២២ ឆ្នាំរូបនេះ ដែលពានរង្វាន់ផ្សេងទៀតបានឈ្នះនៅក្នុងការប្រកួត New York Open កាលពីឆ្នាំមុន ហើយរូបគេបានឈ្នះក្រោយពីរូបគេបានប្រកួតនៅវគ្គពាក់កណ្ដាលផ្ដាច់ព្រ័ត្រនៅទីវាយកូនបាល់ Florida ក្រោមតំណក់ភ្លៀងយ៉ាងខ្លាំង។
កីឡាករ Opelka បានតាមយកឈ្នះកីឡាករកាណាដា Milos Raonic ដែលជាប់លេខ ២ ក្នុងពិភពលោកក្នុងលទ្ធផល ៤-៦, ៧-៦, ៦-៣ នៅក្នុងវគ្គពាក់កណ្ដាលផ្ដាច់ព្រ័ត្រ ដើម្បីកក់ការប្រកួតជាមួយអ្នកជាប់ចំណាត់ថ្នាក់លេខ ៦៣ ក្នុងពិភពលោករូបនេះ។
កីឡាករ Opelka បាននិយាយថា៖ «ខ្ញុំពិតជាអស់កម្លាំងក្រោយពីការប្រកួតទាំង ២ លើកនោះ»។
កីឡាករ Nishioka ដែលបានឈ្នះវគ្គផ្ដាច់ព្រ័ត្រ ATP នៅឆ្នាំ ២០១៨ នៅកីឡដ្ឋាន Shenzhen នោះបានឈ្នះកីឡាករបារាំង Ugo Humbert ដែលជាប់ចំណាត់ថ្នាក់ទី ៦ ក្នុងលទ្ធផល ១-៦, ៦-៤, ៦-០ កាលពីថ្ងៃសៅរ៍មុនពេលធ្លាក់ភ្លៀង។
កីឡាករ Opelka បានផ្តួលកីឡាករ Nishioka ក្នុងលទ្ធផល ៦-៤ និង ៦-៤ កាលពីសប្តាហ៍មុននៅក្នុងជុំទី ២ នៅឯបុរីញូវយ៉កនៅក្នុងជំនួបដ៏សំខាន់របស់ពួកគេ។
កីឡាកររូបនេះបាននិយាយថា៖ «Nishioka គឺជាដៃប្រកួតប្រជែងដ៏អស្ចារ្យមួយរូប ហើយគាត់បានធ្វើឲ្យខ្ញុំរត់តាមយកកូនបាល់ចុះឡើងៗផងដែរ»៕ AFP/SN
