The Phnom Penh Post Search

Search form




Logo of Phnom Penh Post newspaper Phnom Penh Post - Pedrosa ទទួល​ជ័យជម្នះ​ក្នុង​ការ​ប្រណាំង Spanish MotoGP

Pedrosa ទទួល​ជ័យជម្នះ​ក្នុង​ការ​ប្រណាំង Spanish MotoGP

Pedrosa ទទួល​ជ័យជម្នះ​ក្នុង​ការ​ប្រណាំង Spanish MotoGP

130507_26b
កីឡាករ Dani Pedrosa របស់ក្រុមហុងដា ទទួលជ័យជម្នះក្នុងការប្រណាំង Spanish Grand Prix លើទីលាន Jerez AFP

ក្រុងហ្សេរ៉េ: កីឡាករ​ប្រណាំង​ម៉ូតូ​សញ្ជាតិ​អេស្ប៉ាញ Dani Pedrosa បាន​ទទួល​ជ័យជម្នះ​ជា​លើក​ទី​១​របស់​ខ្លួន​ក្នុង​រដូវកាល​នេះ​កាលពី​ថ្ងៃ​នេះ តាមរយៈ​ការ​ទទួល​ជ័យជម្នះ​ក្នុង​ការ​ប្រណាំង​ម៉ូតូ Spanish MotoGP​។ កីឡាករ​របស់​ក្រុម​ហុងដា​វ័យ​២៧​ឆ្នាំ​រូប​នេះ បាន​ធ្វើការ​នាំ​មុខ​ដាច់​យ៉ាង​ឆ្ងាយ​លើ​មិត្ត​រួម​ក្រុម​របស់​គេ Marc Marquez ខណៈ​ម្ចាស់​ការពារ​តំណែង​ជើងឯក​ពិភពលោក Jorge Lorenzo បាន​បញ្ចប់​ក្នុង​ចំណាត់​ថ្នាក់​លេខ​៣​សម្រាប់​Yamaha​។

Marquez ដែល​បាន​ឡើង​ទៅ​ឈរ​នៅ​លើ​កំពូល​តារាង​ជាមួយ​នឹង​៦១​ពិន្ទុ ដោយ​នាំ​មុខ​៣​ពិន្ទុ​ពី​លើ Pedrosa និង​៤​ពិន្ទុ​ពី​លើ Lorenzo នោះ បាន​បង្ហាញ​ពី​ទេពកោសល្យ​ដ៏​អស្ចារ្យ​របស់​ខ្លួន​ម្តង​ទៀត​ស្ថិត​ក្នុង​វ័យ​ត្រឹម​តែ​២០​ឆ្នាំ​ប៉ុណ្ណោះ នៅ​ពេល​ដែល​រូប​គេ​បាន​នាំ​មុខ​លើ Lorenzo លើ​ផ្លូវ​កែង​ចុង​ក្រោយ​ដើម្បី​ដណ្តើម​ចំណាត់​ថ្នាក់​លេខ​២​។

ប៉ុន្តែ ទោះ​បី​ជា​យ៉ាង​ណា​ក៏​ដោយ វា​បាន​ធ្វើ​ឲ្យ Lorenzo នៅ​ពេល​ដែល​ពួកគេ​ជែង​គ្នា​នៅ​លើ​ផ្លូវ​កែង​នោះ ហើយ​រូប​គេ​បាន​បដិសេធ​មិន​ទទួល​ការ​សុំ​អភ័យទោស​របស់ Marquez ភ្លាម​ៗ​បន្ទាប់ពី​នោះ​ឡើយ​។ Lorenzo នៅ​តែ​រក្សា​នូវ​ឥរិយាបថ​ការ​ទូត​ដដែល​នៅ​ពេល​ដែល​រូប​គេ​ចុះ​ចេញ​ពី​ម៉ូតូ​របស់​គេ​។

កីឡាករ Lorenzo ដែល​បាន​ឈាន​ចូល​វ័យ​២៦​ឆ្នាំ​កាលពី​ថ្ងៃ​សៅរ៍​នោះ បាន​ប្រាប់​ឲ្យ​ដឹង​ថា​៖​«ខ្ញុំ​មិន​ចង់​ធ្វើការ​បកស្រាយ​អ្វី​ឡើយ ហើយ​ខ្ញុំ​ចង់​និយាយ​អំពី​ការ​ប្រណាំង​របស់​ខ្ញុំ​ច្រើន​ជាង​។ វា​ជា​ការ​ប្រណាំង​ដ៏​អស្ចារ្យ​មួយ​សម្រាប់​ម៉ូតូ និង​ក្រុម​របស់​ខ្ញុំ​។ ខ្ញុំ​ពិតជា​ទទួល​ពិន្ទុ​ពី​អ្វី​ដែល​បាន​កើតឡើង​»។

ចំណែក Marquez ដែល​បាន​ក្លាយ​ជា​កីឡាករ​វ័យ​ក្មេង​បំផុត​ក្នុង​ការ​ទទួល​ជ័យជម្នះ​លើ​ការ​ប្រណាំង MotoGP កាលពី​រយៈពេល​ពីរ​សប្តាហ៍​មុន​នោះ បាន​ទទួល​ស្គាល់​ថា រូប​គេ​ពិតជា​មាន​កំហុស​។

Marquez ដែល​ធ្លាប់​មាន​ប្រវត្តិ​ធ្វើ​ឲ្យ​គូ​ប្រជែង​របស់​ខ្លួន​ខក​ចិត្ត​ក្នុង​កម្មវិធី​ប្រកួត​ផ្សេង​ទៀត​ជាមួយ​នឹង​ការ​ជែង​ដ៏​ប្រថុយប្រថាន​នោះ បាន​ប្រាប់​ថា​៖​«ខ្ញុំ​ចង់​និយាយ​ថា សុំទោស​ទៅ​កាន់ Jorge ប៉ុន្តែ​វា​មិន​អាច​ទៅ​រួច​នោះ​ឡើយ​»។

កីឡាករ​វ័យ​ក្មេង​រូប​នេះ​បាន​បន្ថែម​ទៀត​ថា​៖​«ពិត​ណាស់ ប្រសិន​បើ​ខ្ញុំ​ជា​រូប​គេ ខ្ញុំ​ក៏​នឹង​ខឹង​ដែរ ប៉ុន្តែ​ខ្ញុំ​បាន​ចូល​ទៅ​ជុំ​ចុង​ក្រោយ ហើយ​ខ្ញុំ​បាន​ដឹង​ថា ខ្ញុំ​បាន​នាំ​មុខ​លើ​រូប​គេ ហេតុ​នេះ ខ្ញុំ​ក៏​ជែង​ដើម្បី​នាំ​មុខ​តែ​ម្តង​»។

Pedrosa ដែល​មិន​ទាន់​បាន​បន្ថែម​ការ​ឈ្នះ​ពាន​ក្នុង​ការ​ប្រណាំង MotoGP ទៅ​លើ​ពាន​រង្វាន់​ពិភពលោក​សម្រាប់​ការ​ប្រណាំង​ក្នុង​ប្រភេទ​ម៉ាស៊ីន​១២៥cc និង​២៥០​cc របស់​ខ្លួន​នោះ ពិតជា​រីករាយ​ណាស់​ក្នុង​ការ​ទទួល​ជ័យជម្នះ​ជា​លើក​ទី​១​ក្នុង​រដូវកាល​នេះ​។

Pedrosa ដែល​ជា​ជើងឯក​រង​ចំនួន​៣​លើក​នោះ បាន​និយាយ​ថា​៖​«វា​ជា​ការ​ប្រណាំង​ដ៏​ល្អ​មួយ ហើយ​ខ្ញុំ​ពិតជា​រីករាយ​ណាស់​ក្នុង​ការ​ទទួល​ជ័យជម្នះ​ក្រោម​ការ​ខិតខំ​របស់​ខ្ញុំ​»។

ការ​ប្រណាំង​នា​ជុំ​ក្នុង​ពេល​បន្ទាប់​ទៀត​គឺ French​MotoGP នៅ​ក្នុង​ទីក្រុង Le Mans នៅ​ក្នុង​រយៈពេល​ពីរ​សប្តាហ៍​ខាង​មុខ​ទៀត​៕ IS

អត្ថបទគួរចាប់អារម្មណ៍