ក្រុងឡុងដ៍: រយៈពេល​ ៨ ​ខែ​ក្រោយពី​ការ​​ធ្វើ​ដំណើរ​ទៅ​ប្រកួត​​ជា​លើក​​ចុងក្រោយ​របស់​ពួកគេ​ទៅកាន់​ទឹកដី Stamford Bridge របស់​ក្រុម Chelsea ក្រុម Paris Saint-Germain នឹង​វិល​ទៅ​ម្តង​ទៀត​នៅ​រាត្រី​នេះ ដោយ​សម្លឹង​រក​​ការ​ដណ្តើម​យក​កៅអី​របស់​ពួកគេ​ក្នុង​ចំណោម​ក្រុម​កំពូលៗ​របស់​ក្របខ័ណ្ឌ Champions League​។ ក្នុង​ការ​ប្រកួត​វគ្គ​ ១/៤ ​ផ្តាច់ព្រ័ត្រ​កាលពី​ឆ្នាំ​មុន ក្រុម PSG បាន​ធ្វើ​ដំណើរ​ទៅ​កាន់​ទីក្រុង​ឡុងដ៍​ជាមួយ​នឹង​ការ​នាំ​មុខ ៣-១ ពី​ការ​ប្រកួត​ជើង​ទី​ ១ ហើយ​ជាមួយ​នឹង​ការ​នាំ​មុខ​​ដល់​​ទៅ​ ១៣ ​ពិន្ទុ​នៅលើ​​កំពូល​តារាង Ligue 1 ក្រោយ​រងបរាជ័យ​ដ៏ខកចិត្ត​ក្រោយពី​មាន​គ្រាប់​បាល់​បញ្ចូល​ទី​នៅ​នាទី ទី​ ៨៧ ​របស់​​ខ្សែប្រយុទ្ធ Demba Ba បាន​ធ្វើឲ្យ Chelsea ឈាន​ទៅ​វគ្គ​បន្ត​ដោយសារ​តែ​គ្រាប់​បាល់​ក្រៅ​ដី​។