.jpg)
Messi ព្យាយាមគ្រប់គ្រងបាល់ក្នុងការប្រកួតលីកអេស្ប៉ាញកាលពីថ្ងៃសៅរ៍។ រូបថត AFP
ក្រុងម៉ា្រឌីដ៖ ក្លិប Real Madrid និងក្លិប Barcelona កំពុងប្រជែងគ្នាឈរនៅលើកំពូលតារាង ខណៈពួកគេបានឈ្នះគូប្រកួតរៀងៗខ្លួនពីថ្ងៃសៅរ៍និងមានពិន្ទុស្មើគ្នានៅក្របខ័ណ្ឌអេស្ប៉ាញ La Liga។
កីឡាករ Arturo Vidal បានជួយឲ្យក្លិប Barcelona ឈ្នះក្រុមបាតតារាង Leganes ២-១ ក្រោយពីកីឡាករ Luis Suarez បានតែតបញ្ចូលទីយ៉ាងល្អបន្ទាប់ពីទទួលបានបាល់ free-kick ពីកីឡាករ Lionel Messi ដើម្បីលុបចោលគ្រាប់បាល់នាំមុខរបស់ខ្សែប្រយុទ្ធ Youssef En- Nesyri របស់ក្លិប Leganes។
ចំណែកក្លិប Real Madrid បានតាមពីក្រោយក្រុម Real Sociedad នៅរយៈពេល ១១០ វិនាទី ប៉ុន្តែកីឡាករ Karim Benzema រកបាន ១ គ្រាប់វិញ ដើម្បីលុបចោលការនាំមុខនោះមុនពេលកីឡាករ Fede Valverde និង Luka Modric បន្ថែមម្នាក់ ១ គ្រាប់ទៀត ដើម្បីធ្វើឲ្យក្លិប Madrid ឈ្នះក្រុម Sociedad ៣-១ ក្នុងទឹកដីក្លិប Real Madrid។
លទ្ធផលនេះបានធ្វើឲ្យក្លិប Real ឈរនៅលេខ ២ បន្ទាប់ពីក្លិប Barcelona ដែលមាន ២៨ ពិន្ទុដូចគ្នា ហើយក្លិប Atletico ឈរនៅលេខ ៣ មាន ២៤ ពិន្ទុ ក្រោយពីប្រកួតស្មើគ្នានឹងក្រុម Granada ១-១ ខណៈក្លិប Sociedad ឈរនៅលេខ ៥ មាន ២៣ ពិន្ទុ។
ការទទួលបានជ័យជម្នះត្រឡប់មកវិញរបស់ក្លិប Real នេះបានធ្វើឲ្យក្រុមអ្នកគាំទ្រស្រែកហ៊ោយ៉ាងខ្លាំងជាពិសេសចំពោះកីឡាករ Bale តែម្ដងព្រោះរូបគេបានបង្ហាញទម្រង់លេងល្អនៅក្នុងការប្រកួតនេះ។
លោក Zidane បាននិយាយក្រោយពីការប្រកួតនេះថា៖ «ខ្ញុំមិនអាចប្រាប់អ្នកថា វាយុត្តិធម៌ ឬអយុត្តិធម៌បានទេ ប៉ុន្តែយើងពិតជាត្រូវការអ្នកគាំទ្ររបស់យើងនៅជាមួយយើង។ ខ្ញុំមិនអាចគ្រប់គ្រងវាបានទេ មិនថា កីឡាករ Bale ឬអ្នកផ្សេងទៀតនោះទេប៉ុន្តែ Bale ពិតជាលេងបានល្អមែន»។
ជ័យជម្នះដ៏អស្ចារ្យរបស់ក្រុម Barcelona នេះនឹងក្លាយជាការធូរស្បើយមួយចំពោះគ្រូបង្វឹកលោក Ernesto Valverde ផងដែរ នៅមុនពេលការសាកល្បង ១ ខែ សម្រាប់ក្រុមរបស់គាត់ខាងមុខនេះ។
ក្លិប Barcelona នឹងត្រូវប្រកួតជាមួយក្លិប Borussia Dortmund នៅថ្ងៃពុធក្នុងក្របខ័ណ្ឌ Champions League ហើយលទ្ធផលសូន្យស្មើគ្នាក្នុងការប្រកួតជាមួយក្លិប Slavia Prague កាលពីដើមខែនេះមានន័យថា ពួកគេទំនងជាគ្មានឱកាសឆ្លងផុតវគ្គជម្រុះនៅក្នុងពូល F នៃក្របខ័ណ្ឌនេះទេ។
ក្រោយពីប្រកួតនឹងក្រុម Dortmund ហើយ ក្លិប Barcelona នឹងប្រកួតជាមួយក្រុម Atletico ក្នុងក្របខ័ណ្ឌ La Liga ដើម្បីចាប់ផ្ដើម ១ ខែ ដែលនឹងរួមបញ្ចូលទាំងការធ្វើដំណើរទៅកាន់ទឹកដីក្លិប Inter Milan ក្នុងក្របខ័ណ្ឌពានអឺរ៉ុប និងទៅកាន់ទឹកដីក្លិប Real Sociedad ក្នុងក្របខ័ណ្ឌលីកអេស្ប៉ាញមុនពេលប៉ះនឹងក្រុម Clasico ជាលើកដំបូងនៅរដូវកាលនេះ។
លោក Valverde បាននិយាយថា៖ «នេះជាជ័យជម្នះធំមួយព្រោះការប្រកួតនេះពិតជាលំបាកបំផុត ប៉ុន្តែយើងនៅតែធ្វើបានសម្រេច»៕ AFP/SN
