The Phnom Penh Post Search

Search form




Logo of Phnom Penh Post newspaper Phnom Penh Post - Roma បង្អាក់​ Inter ខណៈ​ Juve កាន់តែកៀក




Roma បង្អាក់​ Inter ខណៈ​ Juve កាន់តែកៀក

Content image - Phnom Penh Post
អ្នកចាំទី Lopez (លើ) របស់​ Roma ដោលបាល់ អំឡុងការ​ប្រកួតជាមួយ Inter នៅ Serie A ​។ AFP

Roma បង្អាក់​ Inter ខណៈ​ Juve កាន់តែកៀក

ក្រុង​មីឡាន៖ ការ​ប្រឹង​ប្រជែង​ពាន​របស់​ក្រុម Inter Milan ត្រូវ​យឺត​ដំណើរ កាល​ពី​ថ្ងៃ​អាទិត្យ ដោយសារ​ប្រកួត​បាន​ត្រឹម​ស្មើ ២-២ ជាមួយ​ក្រុម​គូ​ប្រជែង Roma ដែល​លទ្ធផល​នេះ បាន​បណ្ដោយ​ឱ្យ​ក្រុម​​ AC Milan ឆ្លង​ផុត​ចុង​សប្ដាហ៍ ជាមួយ​នឹង​ការ​នាំ​មុខ ៣ ​ពិន្ទុ នៅ​ទី​កំពូល​តារាង​ពិន្ទុ​​នៃ​ក្របខ័ណ្ឌ​​ Serie A អ៊ីតាលី​។

ក្រុម​ជើងឯក​ចាស់​ Juventus​ (Juve) ក៏​ទទួល​​ផល​ចំណេញ​​ដែរ​ពី​លទ្ធផល​ស្មើ​នេះ ដោយ​ការ​រំកិល​ខ្លួន​ទៅ​លំដាប់​ទី៤ ជាមួយ​នឹង​ជ័យជម្នះ ៣-១ លើ​ Sassuolo ដែល​លេង​ត្រឹម​សមាជិក​តែ ១០​ នាក់ តាំង​ពី​វិនាទី​ចុង​ក្រោយ​នៃ​វគ្គ​ទី១ ក្នុង​ប្រកួត​នេះ​។​

គិត​ត្រឹម​សប្ដាហ៍​ទី១៧​ នេះ ឃើញ​ថា Inter មាន ៣ ពិន្ទុ តាម​ពី​ក្រោយ​ក្រុម​គូ​ប្រជែង​ក្នុង​ក្រុង​តែ ១ ​ Milan ដែល​យក​ឈ្នះ Torino ២-០ កាល​ពី​ថ្ងៃ​សៅរ៍ រី​ឯ​​ក្រុម Roma មាន​គម្លាត ៦ ពិន្ទុ នៅ​លេខ ៣​។

Juve កំពុង​តាម​ពី​ក្រោយ​ក្រុម Roma តែ ១ ពិន្ទុ​ប៉ុណ្ណោះ ក្រោយ​ដណ្ដើម​បាន​ជ័យជម្នះ​ជា​លើក​ទី៣ បន្ត​បន្ទាប់​គ្នា លើក​ដំបូង​រដូវកាល​នេះ។

សម្រាប់​ការ​ប្រកួត នៅ​ក្រុង​រ៉ូម ការ​ដណ្ដើម​បាន​ត្រឹម ១ ពិន្ទុ គឺ​ជា​ការ​ពន្យឺត​ដំណើរ​សម្រាប់​ក្រុម​របស់​លោក Antonio Conte ដែល​ការ​ដឹកនាំ​ក្រុម​ឱ្យ​ឈ្នះ ៨ ប្រកួត​ជាប់​ៗ​គ្នា​របស់​លោក ត្រូវ​ចប់​ដោយសារ​ក្រុម​ Sampdoria កាល​ពី​ពាក់​កណ្ដាល​សប្ដាហ៍​កន្លង​ទៅ​។

ដោយ​​តាម​ប្រជែង​ ដើម្បី​ឱ្យ​បាន​កា្លយ​ជា​ជើងឯក Serie A ជា​លើក​ដំបូង គិត​តាំង​ពី​ឆ្នាំ ​២០១០ ក្រុម Inter នឹង​ត​ទល់​ជាមួយ​ Juve នា​កីឡដ្ឋាន San Siro នៅ​សប្ដាហ៍​ក្រោយ ដែល​ការ​ជួប​គ្នា​នេះ អាច​នឹង​កា្លយ​ជា​ការ​ប្រកួត​ដ៏​ល្អ​មើល​បំផុត​ប្រចាំ​រដូវ​កាល​នៃ​​លីគ​កំពូល​របស់​អ៊ីតាលី​។

គ្រាប់​បាល់​ម្ខាង ២ គ្រាប់​របស់​ក្រុម​ទាំង ២ ខាង​ក្រុម​ម្ចាស់​ផ្ទះ Roma ស៊ុត​ដោយ​កីឡាករ Lorenzo Pellegrini នាទីទី១៧ និង​​ Gianluca Mancini នាទីទី៨៦ ខណៈ​ខាង​ក្រុម​ភ្ញៀវ Inter ធ្វើ​បាន​សម្រេច​ដោយ Milan Skriniar​ នាទីទី​៥៦ និង Achraf Hakimi នាទីទី៦៣​។​

ក្រោយ​ការ​ប្រកួត​បញ្ចប់​ទៅ លោក​ Conte អ្នក​ចាត់​ការ​របស់​ក្រុម Inter បាន​ថ្លែង​ថា​៖ «​ចុង​បញ្ចប់​នៃ​ការ​ប្រកួត ពេល​ខ្លះ ​ក្ដី​កង្វល់​មួយ​ចំនួន​នឹង​កើត​មាន​ឡើង​នៅ​ចំពោះ​មុខ​លទ្ធផល​​​ដ៏​សំខាន់​ ដែល​នាំ​ឱ្យ​អ្នក​បាត់​ម្ចាស់​ការ​លើ​ខ្លួន​ឯង​។ យើង​មាន​ឱកាស​បញ្ចប់​ហ្គេម​ទាំង​ស្រុង តែ​គួរ​ឱ្យ​ស្ដាយ យើង​មិន​អាច​ធ្វើ​បាន»។​​

ចំណែក​គ្រូ​បង្វឹក​របស់ Roma លោក Paulo Fonseca បាន​និយាយ​យ៉ាង​ខ្លី​ថា​៖ «​យើង​មាន​រយៈពេល​ប្រមាណ​ជា ១៥ ទៅ ២០ នាទី នៅ​វគ្គ​ទី២ ដែល​ចង្វាក់​ពេល​វេលា​ដ៏​សំខាន់​»​។

រី​ឯ​ការ​ប្រកួត​នៅ​ក្រុង​ទូរីន ទោះ​ជា​មាន​ជ័យជម្នះ​ក៏​ពិត​មែន ក៏ Juve ដែល​កំពុង​ព្យាយាម​​ឈ្នះ​ពាន​លីគ​កំពូល​ឱ្យ​បាន ១០ ​រដូវ​កាល​បន្តបន្ទាប់​ ​នៅ​តែ​ចាត់​ទុក​ថា នេះ​ជា​សប្ដាហ៍​ដ៏​គួរ​ឱ្យ​ឈឺ​ចាប់​របស់​ពួក​គេ​ដែរ ដោយសារ​ខ្សែ​ប្រយុទ្ធ Paulo Dybala និង​ខ្សែ​បម្រើ Weston McKennie ត្រូវ​ដូរ​ចេញ​តាំង​ពី​វគ្គ​ទី១ ដោយសារ​មាន​របួស​។

លោក Andrea Pirlo បាន​និយាយ​ថា​៖ «​វា​ជា​ការ​ប្រកួត​ដ៏​គួរ​ឱ្យ​ចុក​ចាប់​ ពោល​គឺ​ការ​ទទួល​បាន​ជោគជ័យ​ដ៏​សែន​អាក្រក់​ តែ​យ៉ាង​ណា រឿង​សំខាន់​នៅ​ចំពោះ​មុខ គឺ​ជ័យជម្នះ បើ​ទោះ​​មាន​ការ​ប្រឈម​​នឹង​ការ​បាត់​បង់​កីឡាករ​សំខាន់​ក៏​ដោយ​ចុះ»​៕ AFP/VN

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ