The Phnom Penh Post Search

Search form




Logo of Phnom Penh Post newspaper Phnom Penh Post - Ronaldo បន្ត​រក​គ្រាប់​បាល់ ខណៈ Juventus នាំមុខ​ ១១ ​ពិន្ទុ

Ronaldo បន្ត​រក​គ្រាប់​បាល់ ខណៈ Juventus នាំមុខ​ ១១ ​ពិន្ទុ

Content image - Phnom Penh Post
Cristiano Ronaldo (​ឆ្វេង​) របស់ Juventus និង Pol Lirola របស់ Sassuolo​។ AFP

Ronaldo បន្ត​រក​គ្រាប់​បាល់ ខណៈ Juventus នាំមុខ​ ១១ ​ពិន្ទុ

ក្រុងមីឡាន: ខ្សែប្រយុទ្ធ Cristiano Ronaldo រកបាន​គ្រាប់​បាល់​ទី​​ ១៨ ​របស់​គេ​ក្នុង​ការប្រកួត​ក្របខ័ណ្ឌ​លីក​នៅ​រដូវកាល​នេះ ខណៈ​ដែល​ក្រុម Juventus បាន​ស្តារ​មុខមាត់​ពី​ការបញ្ចប់​ក្នុង​លទ្ធផល​ស្មើ​កាលពី​សប្តាហ៍​មុន ដើម្បី​នាំមុខ​ ១១ ​ពិន្ទុ​ដាច់​នៅ​លើ​តារាង​ក្របខ័ណ្ឌ Serie A កាលពី​ថ្ងៃ​អាទិត្យ​ក្រោយពី​បាន​យក​ឈ្នះ​លើ​ក្រុម Sassuolo ក្នុង​លទ្ធផល ៣-០​។

Ronaldo បាន​បង្ហាញ​ពី​ទម្រង់​លេង​យ៉ាង​ល្អ និង​បាន​ស៊ុត​បាល់​បញ្ចូល​ទី បន្ទាប់ពី​នាទី​ទី​ ៧០ ខណៈ​ដែល​ខ្សែបម្រើ Sami Khedira បាន​រក​គ្រាប់​បាល់​បើក​ឆាក​ក្នុង​ទីក្រុង Modena ខណៈ​ដែល​ខ្សែបម្រើ​អន្តរជាតិ​អាល្លឺម៉ង់ Emre Can បាន​រក​គ្រាប់​បាល់​ទី​ ៣ នៅ​រយៈពេល​ ៤ ​នាទី​ចុងក្រោយ​។

ក្រុម​ម្ចាស់​ជើងឯក​ក្របខ័ណ្ឌ Serie A មួយ​នេះ​បាន​បញ្ចប់​ក្នុង​លទ្ធផល​ស្មើ​ជាមួយ​នឹង​ក្រុម Parma កាលពី​សប្តាហ៍​មុន បើ​ទោះបី​ខ្សែប្រយុទ្ធ​អន្តរជាតិ​ព័រទុយហ្គាល់ Ronaldo រក​បាន ​២ ​គ្រាប់​ក៏ដោយ​។ បច្ចុប្បន្ន​ពួកគេ​បាន​ធ្វើឲ្យ​ក្រុម​ឈរ​លេខ​ ២ Napoli ដេញ​តាម​ពីក្រោយ​យ៉ាង​ឆ្ងាយ​ក្រោយពី​ក្រុម​របស់​លោក Carlo Ancelotti បាន​បញ្ចប់​ក្នុង​លទ្ធផល​ស្មើ ០-០ នៅ​លើ​ទឹកដី​ក្រុម Fiorentina កាលពី​ថ្ងៃ​សៅរ៍​។

ខ្សែប្រយុទ្ធ Paulo Dybala បាន​ចូល​លេង​ក្នុង​នាម​ជា​កីឡាករ​បម្រុង​ម្តង​ទៀត មុន​នឹង​ចូល​លេង​នៅ​ចុង​ម៉ោង​សម្រាប់​ក្រុម Juventus ដើម្បី​ជួយ​បង្កើត​ឲ្យ​មាន​គ្រាប់​បាល់​ទី​ ៣ ខណៈ​លោកគ្រូ​បង្វឹក Massimiliano Allegri បាន​និយាយ​ថា លោក​ត្រូវ​តែ​ស្វែងរក​តុល្យភាព​ដ៏ត្រឹមត្រូវ​។ លោក Allegri បាន​ឲ្យ​ដឹង​ថា​៖ «Ronaldo និង Dybala ពិតជា​អាច​លេង​ជាមួយ​គ្នា​បាន ហើយ​ពួកគេ​នឹង​ធ្វើ​បាន ប៉ុន្តែ​យើង​ត្រូវតែ​ឲ្យ​គ្រប់​គ្នា​ខិតខំ​ព្យាយាម ដើម្បី​រក្សា​ធ្វើឲ្យ​ក្រុម​នេះ​មាន​តុល្យភាព​»​។ លោក​បាន​បន្ថែម​ទៀត​ថា​៖ «​វា​អាស្រ័យ​ទៅ​លើ​អ្នក​ដែល​លេង​ជាមួយ​។ ក្រុម Sassuolo មាន​តំបន់​បម្រើ​យ៉ាង​រឹងមាំ ហេតុនេះ​ខ្ញុំ​ត្រូវ​តែ​ធ្វើឲ្យ​ក្រុម​របស់​ខ្ញុំ​មាន​តុល្យភាព​នៅ​ថ្ងៃ​នោះ​។

កីឡាករ​ពិតជា​ខក​ចិត្ត ប៉ុន្តែ​ពេល​នេះ​និង​ក្រោយ​មក​ទៀត​ការអង្គុយ​ស្ថិត​ជា​កីឡាករ​បម្រុង​ពិតជា​សំខាន់​ក្នុង​ការប្រមូល​កម្លាំង​មក​វិញ និង​ស្វែងរក​ភាពរឹងមាំ​ផ្នែក​ស្មារតី​ដ៏ត្រឹមត្រូវ​»​។

Juventus បាន​ចាប់ផ្តើម​មិន​បាន​ល្អ​ឡើយ ខណៈ​ដែល​អ្នក​ចាំទី Wojciech Szczesny បាន​សង្គ្រោះ​បាល់​ ២ ​លើក​ក្នុង​ពេល​ប្រកួត​បាន​ប៉ុន្មាន​នាទី​ដំបូង ខណៈ​ដែល​ក្រុម​ម្ចាស់​ជើងឯក​មួយ​នេះ​បាន​អវត្តមាន​ខ្សែការពារ Leonardo Bonucci និង Giorgio Chiellini ដោយសារ​តែ​របួស​។ តារា​ឆ្នើម​ទាំង​ ២ នឹង​ត្រូវ​ព្យាយាម​ស្វែងរក​ភាពរឹងមាំ​ឲ្យ​ទាន់​ពេល​សម្រាប់​ការប្រកួត​ក្របខ័ណ្ឌ Champions League របស់​ក្រុម Juventus ក្នុង​វគ្គ​ ១៦ ​ក្រុម​ចុងក្រោយ​នៅ​លើ​ទឹកដី​ក្រុម Atletico Madrid នៅ​រយៈពេល​ ១០ ​ថ្ងៃ​ទៀត​។

Juventus បាន​រក​បាន​គ្រាប់​បាល់​បើក​ឆាក​ក្រោយពី​អ្នក​ចាំទី Andrea Consigli របស់ Sassuolo បាន​ព្យាយាម​រុញ​បាល់​ពី​ការ​ស៊ុត​របស់ Ronaldo ឲ្យ​ទៅ​ឆ្ងាយ ប៉ុន្តែ​ទៅ​ធ្លាក់ចំ​ពី​មុខ​ជើង​របស់ Khedira ដែល​បាន​ស៊ុត​បាល់​បំប៉ោង​សំណាញ់​ទី​នៅ​នាទី​ទី​ ២៣ ​តែ​ម្តង​។

វា​គឺជា​គ្រាប់​បាល់​ទី​ ២ ​ក្នុង​ការប្រកួត​ក្របខ័ណ្ឌ​លីក​របស់​កីឡាករ​អាល្លឺម៉ង់​រូបនេះ បើ​គិត​ចាប់​តាំងពី​ថ្ងៃទី​ ១៨ ខែ​សីហា ឆ្នាំ​ ២០១៨៕ IS

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។