The Phnom Penh Post Search

Search form




Logo of Phnom Penh Post newspaper Phnom Penh Post - Scaloni ​​រំពឹង​ថា Messi នឹង​លេង​បន្ត​ក្រោយ​ Copa

Scaloni ​​រំពឹង​ថា Messi នឹង​លេង​បន្ត​ក្រោយ​ Copa

Content image - Phnom Penh Post
Messi ក្នុង​ពិធី​ទទួល​ពាន​រង្វាន់​កីឡាករ​ឆ្មើម​ Ballon d'Or នៅ​ទី​ក្រុង​ប៉ារីស​ កាល​ពីថ្ងៃចន្ទ​​។ រូបថត AFP

Scaloni ​​រំពឹង​ថា Messi នឹង​លេង​បន្ត​ក្រោយ​ Copa

អាហ្សង់ទីន៖ គ្រូ​បង្វឹក​អាហ្សង់ទីន​លោក Lionel Scaloni សង្ឃឹម​ថា Copa America ឆ្នាំ ​២០២០​ គឺ​មិន​មែន​ជា​ព្រឹត្តិការណ៍​ចុង​ក្រោយ​របស់​ខ្សែ​ប្រយុទ្ធ Lionel Messi ខណៈ​រូប​គេ​កំពុង​សម្លឹង​ឃើញ​ជោគជ័យ​ជាមួយ​ជម្រើស​ជាតិ​អាហ្សង់ទីន​។​​

ជម្រើស​ជាតិ​អាហ្សង់ទីន​នឹង​ប្រកួត​បើក​ឆាក​ជាមួយ​ជម្រើស​ជាតិ​ស៊ីលី​នៅ​​ឯ​កីឡដ្ឋាន​ El Monumental ក្នុង​ព្រឹត្តិការណ៍​នេះ ​ដែល​នឹង​ធ្វើ​នៅ​ឆ្នាំ​ក្រោយ​នៅ​ថ្ងៃទី ​១២ ខែ​មិថុនា​។​

លោក Scaloni សង្ឃឹម​ថា ខ្សែ​ប្រយុទ្ធ Messi អាយុ ​៣២ ​ឆ្នាំ ​ដែល​នៅ​មាន​បំណង​ឈ្នះ​ពាន​រង្វាន់​អន្តរជាតិ​លើក​ដំបូង​របស់​ខ្លួន​នោះ​​នឹង​អាច​រីករាយ​ក្នុង​ការ​ប្រកួត​បាល់​ទាត់​លើស​ពី​ព្រឹត្តិការណ៍​ Copa 2020 នេះ​​។​

គ្រូ​បង្វឹក​អាហ្សង់ទីន​រូប​នេះ​បាន​ប្រាប់​ក្រុម​អ្នក​កាសែត​ថា៖ «​ខ្ញុំ​មិន​ដឹង​ថា តើ​វា​នឹង​ជា​ព្រឹត្តិការណ៍​ចុង​ក្រោយ​របស់​គាត់ ​ឬ​យ៉ាង​ណា​ទេ ​ប៉ុន្តែ​សង្ឃឹម​ថា វា​នឹង​មិន​មែន​ទៅ​ចុះ​»។​

លោក Scaloni បាន​បន្ថែម​ថា៖ «​​ជម្រើស​ជាតិ​អាហ្សង់ទីន​​ត្រូវ​ការ​ពាន​រង្វាន់​​ដោយ​មិន​អាច​ខ្វះ​គាត់​បាន​ឡើយ​ ហើយ​យើង​សង្ឃឹម​ថា​ នឹង​បាន​ឡើង​ដល់​វគ្គ​ផ្ដាច់ព្រ័ត្រ​ ប៉ុន្តែ​យើង​មិន​ទាន់​ហ៊ាន​សន្យា​អ្វី​ទាំង​អស់​​»។​

ក្រុម​អាហ្សង់ទីន​ដែល​បាន​ឈ្នះ​ពាន​រង្វាន់​ Copa ចុង​ក្រោយ​នៅ​ឆ្នាំ ​១៩៩៣ ​នោះ ​ក៏​នឹង​ត្រូវ​ប្រឈម​មុខ​នឹង​ជម្រើស​ជាតិ​អ៊ុយរូហ្គាយ​ ប៉ារ៉ាហ្គាយ អូស្ត្រាលី និង​បូលីវី​នៅ​ក្នុង​ពូល​ A ក្រោយ​ពី​ជំនួប​បើក​ឆាក​ជាមួយ​ក្រុម​ស៊ីលី​ រួច​ហើយ​​ផង​ដែរ​។​​

ក្រុម​អាហ្សង់ទីន​បាន​ប្រកួត​ឈ្នះ​ក្រុម​ស៊ីលី​ដណ្ដើម​យក​លេខ ​៣ ​នៅ​ឆ្នាំ​នេះ ​ក្នុង​ការ​ប្រកួត​មួយ​ដែល​ឃើញ​កីឡាករ Messi និង​ Gary Medel ត្រូវ​បាន​បណ្ដេញ​ចេញ​ពី​ទីលាន​ប្រកួត​។​

គ្រូ​បង្វឹក​រូប​នេះ​បាន​និយាយ​ថា៖ «​វា​ជា​ការ​ប្រកួត​ល្អ​មួយ​ដែល​ត្រូវ​ចាប់​ផ្ដើម​។ គ្រប់​គ្នា​នឹង​មាន​ការ​លំបាក​ព្រោះ​ការ​ប្រកួត​នេះ​តែង​តែ​លំបាក​ ប៉ុន្តែ​នេះ​មាន​អារម្មណ៍​ពិសេស​មួយ​»។​

លោក Scaloni បាន​បន្ថែម​ទៀត​ថា៖ «​ក្រុម​ស៊ីលី​តែងតែ​លំបាក​សម្រាប់​ក្រុម​អាហ្សង់ទីន​ជា​ពិសេស​ក្នុង​រយៈពេល​ថ្មីៗ​នេះ​ ហើយ​វា​លំបាក​មែន​ប៉ុន្តែ​យើង​ជា​ក្រុម​ល្អ​មួយ​»៕ AFP/SN

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។